അൾജീരിയൻ ബോക്സർ ഇമാനെ ഖലീഫ് പുരുഷനാണെന്ന് ഇന്ത്യൻ ലാബിന്റെ റിപ്പോർട്ട്. 2023ൽ നടത്തിയ ടെസ്റ്റിന്റെ വിവരങ്ങളാണ് ചോർന്നത്. ഖലീഫിന് എക്സ് വൈ ക്രോമസോമാണ് ഉള്ളതെന്നും ഇത് പുരുഷൻമാരുമായി ബന്ധപ്പെട്ടതാണെന്ന് ന്യൂയോർക്ക് പോസ്റ്റ് റിപ്പോർട്ട് ചെയ്യുന്നു.

-------------------aud------------------------------

അമേരിക്കൻ കോളജ് ഓഫ് പതോളജിസ്റ്റിന്റേയും ഐ.എസ്.ഒയുടേയും അംഗീകാരമുള്ള ഡൽഹിയിലെ ഡോ.ലാൽ പാത് ലാബ്സിലാണ് പരിശോധന നടത്തിയത്. ഈ ​കണ്ടെത്തലിന്റെ അടിസ്ഥാനത്തതിൽ 2023ൽ നടന്ന ലോക ബോക്സിങ് ചാമ്പ്യൻഷിപ്പിൽ നിന്ന് ഇമാനെ ഖലീഫിനെ റഷ്യ വിലക്കിയിരുന്നു. എന്നാൽ, 2024ൽ പാരീസിൽ നടന്ന ഒളിമ്പിക്സിൽ അവർക്ക് പ​ങ്കെടുക്കാൻ അനുമതി ലഭിക്കുകയും മത്സരത്തിൽ അവർ സ്വർണം നേടുകയും ചെയ്തിരുന്നു. അതേസമയം, പരിശോധനഫലം അംഗീകരിക്കാൻ ഒളിമ്പിക്സ് അധികൃതർ തയാറായിട്ടില്ല. പരിശോധനയുടെ ആധികാരികത ചോദ്യം ചെയ്ത അവർ ഇതിൽ റഷ്യയുടെ ഇടപെടലിനുള്ള സാധ്യതയും തള്ളികളഞ്ഞില്ല. ഒളമ്പിക്സിൽ ഇറ്റാലിയൻ ബോക്സർ അ​ഞ്ജേല കാരിനിയാണ് ഖലീഫിനെ നേരിട്ടത്.