ക്രിസ്മസ് അടുത്തു വരുന്നതിനോടൊപ്പം ബ്രിട്ടനിൽ ഈ വർഷം ‘വൈറ്റ് ക്രിസ്മസ്’ ആയിരിക്കാൻ സാധ്യത ഉണ്ടെന്ന റിപ്പോർട്ടുകൾ പുറത്തുവന്നു. ഇംഗ്ലണ്ടിൽ ക്രിസ്മസ് ദിനത്തിൽ മഞ്ഞോ മഞ്ഞുകട്ടയോ വീഴുകയോ അല്ലെങ്കിൽ മഞ്ഞ് വീണതായി റിപ്പോർട്ട് ചെയ്യുകയോ ചെയ്താൽ അതിനെ 'വൈറ്റ് ക്രിസ്മസ്' ആയി കണക്കാക്കുന്നു. ഇതൊരു ജനപ്രിയമായ ഒരു സങ്കൽപ്പമാണ്, കാരണം ഇംഗ്ലണ്ടിൽ ക്രിസ്മസ് സമയത്ത് മഞ്ഞ് വളരെ സാധാരണമായി കാണാറില്ല. അതിനാൽ മഞ്ഞുവീഴ്ചയുള്ള ക്രിസ്മസ് ദിനം ഒരു പ്രത്യേക ആഘോഷമായി കണക്കാക്കപ്പെടുന്നു. ഇപ്പോഴത്തെ പ്രവചനങ്ങൾ പ്രകാരം, ഇക്കുറിയും ചിലയിടങ്ങളിൽ മഞ്ഞുവീഴ്ചയ്ക്കുള്ള സാധ്യത തികച്ചും തള്ളിക്കളയാനാവില്ലെന്ന് കാലാവസ്ഥാ വിദഗ്ധർ സൂചിപ്പിക്കുന്നു.

-------------------aud--------------------------------

ദീർഘകാല പ്രവചന മാതൃകകൾ ക്രിസ്മസ് മേഖലയിൽ തണുത്തതും ശാന്തവുമായ കാലാവസ്ഥയ്ക്കുള്ള സാധ്യതകൾ രേഖപ്പെടുത്തുന്നുണ്ട്. പസഫിക് സമുദ്ര മേഖലയിലെ സാഹചര്യങ്ങളും യൂറോപ്പിലേക്കുള്ള താപനില, മർദ്ദം എന്നിവയും കാലാവസ്ഥയിൽ സ്വാധീനം ചെലുത്താമെന്നാണ് വിലയിരുത്തൽ. എന്നാൽ യഥാർത്ഥ പ്രവചനം ലഭിക്കുക ഡിസംബർ 25നോട് ചേർന്ന് വരുന്ന ദിവസങ്ങളിലാണ്. ബ്രിട്ടനിൽ 2010-ലാണ് അവസാനമായി വ്യാപകമായ വൈറ്റ് ക്രിസ്മസ് രേഖപ്പെടുത്തിയത്. 2020 മുതൽ കൂടുതലായും ഔദ്യോഗികമായി വൈറ്റ് ക്രിസ്മസ് ദിനങ്ങൾ ഉണ്ടെങ്കിലും, യഥാർത്ഥത്തിൽ മഞ്ഞ് കെട്ടികിടന്ന പ്രദേശങ്ങൾ വളരെ പരിമിതമായിരുന്നു. കാലാവസ്ഥാ മാറ്റത്തെ തുടർന്നുള്ള ചൂടേറിയ ശീതകാലങ്ങൾ ഭാവിയിൽ ഇത്തരം ‘വൈറ്റ് ക്രിസ്മസ്’ സാദ്ധ്യതകൾ കുറയ്ക്കുമെന്ന ആശങ്കയും വിദഗ്ധർ മുന്നോട്ടു വയ്ക്കുന്നു.