ദുബായ്: ഇന്ത്യൻ ക്രിക്കറ്റ് ടീം താരങ്ങളുടെ കായികക്ഷമത അളക്കാനുള്ള പുതിയ ഫിറ്റ്നെസ് ടെസ്റ്റായ ബ്രോങ്കോ ടെസ്റ്റിന് വിധേയരായി ഇന്ത്യൻ താരങ്ങള്. ദുബായിലെ ഐസിസി അക്കാദമി ഗ്രൗണ്ടില് ഫിറ്റ്നെസ് ആന്ഡ് കണ്ടീഷനിംഗ് കോച്ച് അഡ്രിയാന് ലെ റൂക്സിന്റെ മേല്നോട്ടത്തലാണ് കളിക്കാര് ബ്രോങ്കോ ടെസ്റ്റിന് വിധേയരായത്. ഇന്ത്യൻ താരങ്ങളായ സഞ്ജു സാംസണ് ശുഭ്മാന് ഗില്, ജിതേഷ് ശര്മ, അര്ഷ്ദീപ് സിംഗ് എന്നിവരാണ് ഇന്നലെ ബ്രോങ്കോ ടെസ്റ്റിന് വിധേയരായത്. ബ്രോങ്കോ ടെസ്റ്റ് പൂര്ത്തിയാക്കിയ ഇന്ത്യൻ താരങ്ങളില് സഞ്ജു സാംസണെ അഡ്രിയാൻ റൂക്സ് പുറത്ത് തട്ടി അഭിനന്ദിക്കുന്നതും ബിസിസിഐ പങ്കുവെച്ച വീഡിയോയില് കാണാം. ബ്രോങ്കോ ടെസ്റ്റില് ഏറ്റവും മികച്ച പ്രകടനം പുറത്തെടുത്തതിനാണ് ഇതെന്നാണ് ആരാധകരുടെ വിലയിരുത്തല്.
ബ്രോങ്കോ ടെസ്റ്റ് കഴിഞ്ഞശേഷം എന്താണ് ബ്രോങ്കോ ടെസ്റ്റ് എന്ന് കളിക്കാര്ക്ക് അഡ്രിയാൻ റൂക്സ് വിശദീകരിച്ചുകൊടുക്കുകയും ചെയ്തു. ഇന്ന് നമ്മള് ഓടിയത് വെറും ഓട്ടമല്ല, ബ്രോങ്കോ ഓട്ടമാണ്. ഇത് പുതിയൊരു കാര്യമൊന്നുമല്ല. വര്ഷങ്ങളായി കായികക്ഷമത അളക്കാന് ഉപയോഗിക്കുന്നതാണ്. ഇന്ത്യൻ ടീമില് ഇതിപ്പോള് അവതരപ്പിച്ചുവെന്നേയുള്ളു. രണ്ട് ഗുണങ്ങളാണ് ഇതുകൊണ്ടുള്ളത്. പരിശീലനത്തിനൊപ്പം കായികക്ഷമത വിലയിരുത്താനും ഇതുപയോഗിക്കാം എന്നതാണത്. കളിക്കാര് ഫിറ്റ്നെസിന്റെ കാര്യത്തില് എവിടെ നില്ക്കുന്നുവെന്ന് തിരിച്ചറിയാന് ഇതിലൂടെ കഴിയും-റൂക്സ് പറഞ്ഞു.
© Copyright 2025. All Rights Reserved
