പെഷാവർ പാക്കിസ്ഥാനിൽ ഗ്യാസ് പൈപ്പ്ലൈൻ കമ്പനിയിൽ സുരക്ഷാ ജോലിയിൽ ഉണ്ടായിരുന്നവർക്കു നേരെ തെഹ്രികെ താലിബാൻ പാക്കിസ്ഥാൻ ഭീകരർ നടത്തിയ വെടിവയ്പിൽ 5 സൈനികർ കൊല്ലപ്പെട്ടു. 11 പേർക്കു പരുക്കേറ്റു. പരുക്കേറ്റവരെ സൈനിക ആശുപത്രിയിലേക്കു മാറ്റി. പ്രത്യാക്രമണത്തിൽ 8 ഭീകരർ കൊല്ലപ്പെട്ടതായി പൊലീസ് അറിയിച്ചു.

ഖൈബർ പഖ്തുൺഖ്വ പ്രവിശ്യയിലെ ദേര ഇസ്മായിൽ ഖാൻ ജില്ലയിലാണ് വെടിവയ്‌പ് നടന്നത്. മേഖല അടച്ച സുരക്ഷാ സേന ഭീകരർക്കായി തിരച്ചിൽ തുടരുകയാണ്. ഗ്യാസ് പൈപ്പ്ലൈൻ തകർക്കാനായിരുന്നു ഭീകരരുടെ നീക്കമെന്ന് പൊലീസ് പറഞ്ഞു.