വൻകിട നികുതിഭാരത്തെ തുടർന്ന് യുകെയിലെ കോടീശ്വരന്മാർ കൂട്ടത്തോടെ രാജ്യം വിടുന്നതായി റിപ്പോർട്ട്. ലണ്ടനിൽ നിന്നാണ് ഏറ്റവും കൂടുതൽ സമ്പന്നരുടെ പലായനം നടക്കുന്നത്. സർക്കാരിന്റെ നികുതി നയങ്ങളും സാമ്പത്തിക അനിശ്ചിതത്വവുമാണ് ഇതിന് പ്രധാന കാരണം. രാജ്യത്തിന്റെ സാമ്പത്തിക ഭാവിയെക്കുറിച്ച് സർക്കാരിന് ആശങ്കയുണ്ട്. ഉയർന്ന നികുതി നിരക്കുകൾ സമ്പന്നർക്ക് മറ്റ് രാജ്യങ്ങളിലേക്ക് മാറാൻ പ്രേരണയാകുന്നു. ദുബായ്, അബുദാബി തുടങ്ങിയ നഗരങ്ങളിലേക്ക് ബ്രിട്ടീഷ് കോടീശ്വരന്മാർ കൂടുതലായി താമസം മാറ്റുന്നതായും കണ്ടെത്തിയിട്ടുണ്ട്. ഈ പ്രദേശങ്ങളിലെ കുറഞ്ഞ നികുതിനിരക്കും ഉയർന്ന ജീവിതനിലവാരവുമാണ് ആകർഷണം. ഈ 'കൂട്ടപലായനം' യുകെയുടെ നികുതി വരുമാനത്തെയും നിക്ഷേപ സാധ്യതകളെയും പ്രതികൂലമായി ബാധിക്കും. സമ്പന്നരെ രാജ്യത്ത് നിലനിർത്താൻ നികുതി പരിഷ്കാരങ്ങൾ കൊണ്ടുവരണമെന്ന ആവശ്യം ശക്തമാണ്.