ലോ​ഗോയിലെ കളർ മാറ്റിയതിൽ കേരള ബ്ലാസ്റ്റേഴ്സിനെതിരെ സോഷ്യൽ മീഡിയയിൽ വ്യാപക വിമർശനം. മഞ്ഞയും നീലയും ചേർന്ന ബ്ലാസ്‌റ്റേഴ്‌സിന്റെ കൊമ്പനാനയുടെ ചിത്രത്തിന് പകരം ഓറഞ്ച് പശ്ചാത്തലത്തിൽ വെള്ള നിറത്തിലുള്ള ആനയെ അവതരിപ്പിച്ചതാണ് ആരാധകരുടെ രോഷത്തിന് കാരണമായത്.

-------------------aud-----------------------------

നാനാഭാ​ഗങ്ങളിൽ നിന്ന് വിമർശനമുയർന്നതോടെ പഴയ ലോഗോ തന്നെയിട്ട് ക്ലബ്ബിന്റെ സോഷ്യൽ മീഡിയ ടീം തടിതപ്പി. നിരവധി പേരാണ് ബ്ലാസ്റ്റേഴ്സിനെതിരെ രം​ഗത്തെത്തിയത്. ഇന്ത്യൻ സൂപ്പർ ലീ​ഗിൽ കേരള ബ്ലാസ്റ്റേഴ്‌സ് നോർത്ത് ഈസ്റ്റ് യുണൈറ്റഡിനെതിരെ ആദ്യ എവേ മത്സരത്തിന് ഇറങ്ങിയിരിക്കുകയാണ്. ടീമിന്റെ എവേ ജേഴ്‌സി വെള്ളയും ഓറഞ്ചും ഇടകലർന്നതാണ്. ഇതിന്റെ പശ്ചാത്തലത്തിൽ ഈ നിറം ലോഗോയിലേക്കും കൊണ്ടുവരികയായിരുന്നു ക്ലബ്ബ്. എന്നാൽ പ്രതിഷേധം കനത്തതോടെ ക്ലബ്ബ് പഴയ ലോഗോയിലേക്ക് തന്നെ മാറി.