സാമ്പത്തിക ക്രമക്കേടുകൾ ഉൾപ്പെടെയുള്ള ആരോപണങ്ങളുടെ പേരിൽ അന്വേഷണം നടക്കുന്നുണ്ടെന്ന് പോലീസ് സ്ഥിരീകരിച്ചതോടെ ഗ്രേറ്റർ മാഞ്ചസ്റ്റർ സർവകലാശാല വൈസ് ചാൻസലറെയും മറ്റ് രണ്ട് ജീവനക്കാരെയും സസ്‌പെൻഡ് ചെയ്തു. പ്രൊഫ. ജോർജ്ജ് ഹോംസിൻ ആണ് ആരോപണം നേരിടുന്നത്. അദ്ദേഹം കഴിഞ്ഞ 20 വർഷമായി വൈസ് ചാൻസിലർ ഉൾപ്പെടെയുള്ള ഉയർന്ന തസ്തികകളിൽ പ്രവർത്തിച്ചു വരുകയാണ്.

-------------------aud--------------------------------

ബോൾട്ടൻ യൂണിവേഴ്സിറ്റി എന്നാണ് നിലവിൽ ഗ്രേറ്റർ മാഞ്ചസ്റ്റർ സർവകലാശാല അറിയപ്പെടുന്നത്. ഈ സസ്പെൻഷൻ ഒരു മുൻകരുതൽ നടപടിയാണെന്നും ആരോപണ വിധേയൻ കുറ്റം ചെയ്തതായി തെളിയിക്കപ്പെട്ടിട്ടില്ലെന്നും സർവകലാശാല അറിയിച്ചു . ഏകദേശം 11,000 വിദ്യാർത്ഥികൾ പഠിക്കുന്ന സർവകലാശാല ആരോപണങ്ങൾക്ക് കാരണമായ സംഭവങ്ങളെ കുറിച്ച് കൂടുതൽ വിശദാംശങ്ങൾ പുറത്തുവിട്ടിട്ടില്ല. ഗ്രേറ്റർ മാഞ്ചസ്റ്റർ സർവകലാശാലയിലെ സാമ്പത്തിക ക്രമക്കേടുകൾ സംബന്ധിച്ച ആരോപണങ്ങളിൽ അന്വേഷണം ആരംഭിച്ചതായി ഗ്രേറ്റർ മാഞ്ചസ്റ്റർ പോലീസ് വക്താവ് പറഞ്ഞു.