ഈ അടുത്താണ് ഒരു പുരാതന ഈജിപ്ഷ്യൻ ക്ഷേത്രത്തിൽ നിന്ന് കണ്ടെടുത്ത വളരെ നിഗൂഢതകൾ ഒളിഞ്ഞിരിക്കുന്ന ഒരു കല്ല് വാർത്തകളിൽ ഇടം പിടിച്ചത്. ഇതിൽ പതിച്ചിരിക്കുന്നത് ‘ദൈവങ്ങളുടെ ഭാഷ’ ആണെന്ന അവകാശവാദം നിലനിൽക്കുന്നതിനാൽ ഈ കല്ല് ആളുകൾക്കിടയിൽ ഒരു കൗതുകമായി മാറിയിരിക്കുകയാണ്. റോസെറ്റ സ്റ്റോൺ എന്നാണ് ഈ കല്ല് അറിയപ്പെടുന്നത്. ബ്രിട്ടീഷ് മ്യൂസിയത്തിലെ തന്നെ ഏറ്റവും പ്രശസ്തമായ പുരാവസ്തുക്കളിൽ ഒന്നായാണ് ഈ കല്ലിനെ കണക്കാക്കുന്നത്. ബിസി 204 മുതൽ 181 വരെയുള്ള കാലഘട്ടത്തിൽ ടോളമി അഞ്ചാമൻ രാജാവിന്റെ ഭരണകാലത്തെ കല്ലാണ് ഇതെന്നാണ് റിപ്പോർട്ട്. അതായത് ഏകദേശം 2020 വർഷത്തെ പഴക്കമാണ് ഈ കല്ലിനുള്ളത്. അതേസമയം ഈ രാജാവിന്റെ കൽപ്പനകളും നിയമങ്ങളും ആണ് ഇതിൽ കുറിച്ചിരിക്കുന്നത് എന്നാണ് പുരാവസ്തു ഗവേഷകരുടെ കണ്ടെത്തൽ. കൂടാതെ ഈജിപ്തിലെ തന്നെ പല ക്ഷേത്രങ്ങളിലും ഇതിന് സമാനമായ കല്ലുകൾ കണ്ടെത്തിയിട്ടുണ്ട്. ഇപ്പോൾ ജാക്ക് എന്നൊരു വ്യക്തി എക്സില്‍ പങ്കിട്ട ഈ കല്ലിനെ കുറിച്ചുള്ള ഒരു പോസ്റ്റാണ് സമൂഹ് മാധ്യമങ്ങളിൽ ഏറെ ശ്രദ്ധ നേടുന്നത്. ഭൂമിയിലെ ഭാഷാ വിവർത്തനത്തിന്റെ ഏറ്റവും പ്രധാനപ്പെട്ട ഒന്നാണ് റോസെറ്റ സ്റ്റോൺ എന്നതിൽ സംശയമില്ല എന്നാണ് അദ്ദേഹം ഈ കല്ലിന്റെ ചിത്രം പങ്കുവെച്ചുകൊണ്ട് കുറിച്ചിരിക്കുന്നത്.അതേസമയം 1822- ൽ, ഭാഷാ പണ്ഡിതന്മാരായ തോമസ് യംഗും ജീൻ ഫ്രാങ്കോയിസ് ചാംപോളിയനും ഹൈറോഗ്ലിഫിക് ലിപിയിൽ കുറിച്ചിരിക്കുന്ന കാര്യങ്ങൾ വിവർത്തനം ചെയ്തു എന്നാണ് റിപ്പോർട്ട്‌. ദൈവങ്ങളുടെ ഭാഷ മനസ്സിലാക്കിയ ആദ്യ രണ്ടു വ്യക്തികൾ ഇവരാണെന്നും കണക്കാക്കുന്നു. നേരത്തെ ഈജിപ്തിലെ പുരാതന അവശിഷ്ടങ്ങളിൽ നിന്ന് ഈ ലിഖിതങ്ങളുടെ മൂന്ന് ശകലങ്ങളും കണ്ടെടുത്തിരുന്നു, മാഗ്‌നവിഷൻ ഇന്റർനാഷണൽ ഡെസ്ക്