അ​ന​ധി​കൃ​ത കു​ടി​യേ​റ്റ​ക്കാ​രെ തി​രി​ച്ച​യ​യ്ക്കു​ന്ന​തി​ന്‍റെ ഭാ​ഗ​മാ​യി പാ​ക്കി​സ്ഥാ​നി​ല്‍ നി​ന്ന് 1,70,000 അ​ഫ്ഗാ​നി​ക​ൾ തി​രി​കെ പോ​യ​താ​യി അ​ധി​കൃ​ത​ര്‍. ടോ​ര്‍ഖോം അ​തി​ര്‍ത്തി വ​ഴി​യാ​ണ് അ​ഫ്ഗാ​ന്‍ പൗ​ര​ന്മാ​ര്‍ അ​ഫ്ഗാ​നി​സ്ഥാ​നി​ലേ​ക്കു മ​ട​ങ്ങി​പ്പോ​യ​ത്. ഞാ​യ​റാ​ഴ്ച മാ​ത്രം 6,500-ല​ധി​കം അ​ഫ്ഗാ​ന്‍ പൗ​ര​ന്മാ​ര്‍ പാ​ക്കി​സ്ഥാ​നി​ല്‍ നി​ന്നു മ​ട​ങ്ങി​യ​താ​യി അ​ധി​കൃ​ത​ർ വ്യ​ക്ത​മാ​ക്കി.

ന​വം​ബ​ര്‍ ഒ​ന്നി​നു മു​മ്പ് അ​ന​ധി​കൃ​ത കു​ടി​യേ​റ്റ​ക്കാ​ര്‍ രാ​ജ്യം വി​ട​ണ​മെ​ന്ന് പാ​ക്കി​സ്ഥാ​ന്‍ നി​ര്‍ദേ​ശി​ച്ചി​രു​ന്നു. ഇ​തി​നു​ശേ​ഷം രാ​ജ്യ​ത്തു തു​ട​രു​ന്ന​വ​രെ അ​റ​സ്റ്റ് ചെ​യ്തു നാ​ടു ക​ട​ത്തു​മെ​ന്നും അ​റി​യി​ച്ചി​രു​ന്നു. പാ​ക്കി​സ്ഥാ​ന്‍ ന​ല്‍കി​യ സ​മ​യ​പ​രി​ധി അ​വ​സാ​നി​ച്ച​തി​നു ശേ​ഷ​വും സ്വ​മേ​ധ​യാ രാ​ജ്യം വി​ട്ടു പോ​കു​ന്ന​വ​ര്‍ ധാ​രാ​ള​മാ​ണ്.

നി​സാ​ര കു​റ്റ​കൃ​ത്യ​ങ്ങ​ളി​ല്‍ ഏ​ര്‍പ്പെ​ട്ട് പാ​ക്കി​സ്ഥാ​ന്‍ ജ​യി​ലി​ല്‍ ക​ഴി​യു​ന്ന അ​ഫ്ഗാ​ന്‍ പൗ​ര​ന്മാ​രെ​യും തി​രി​ച്ച​യ​യ്ക്കു​ന്നു​ണ്ട്. ഇ​ത്ത​ര​ത്തി​ല്‍ 500ല്‍ ​അ​ധി​കം ത​ട​വു​കാ​രെ തി​രി​കെ അ​യ​ച്ച​താ​യി രേ​ഖ​ക​ള്‍ വ്യ​ക്ത​മാ​ക്കു​ന്നു. സാ​മ്പ​ത്തി​ക പ്ര​തി​സ​ന്ധി, വ​ര്‍ധി​ക്കു​ന്ന തീ​വ്ര​വാ​ദ പ്ര​വ​ര്‍ത്ത​ന​ങ്ങ​ള്‍ തു​ട​ങ്ങി​യ കാ​ര​ണ​ങ്ങ​ളാ​ലാ​ണു അ​ന​ധി​കൃ​ത കു​ടി​യേ​റ്റ​ക്കാ​രെ ഒ​ഴി​പ്പി​ക്കാ​ന്‍ പാ​ക്കി​സ്ഥാ​ന്‍ തീ​രു​മാ​നി​ച്ച​ത്.

പവർ സേവർ എന്ന ഉപകരണം ഉപയോഗിച്ചു വൈദ്യുതി ബില്ലുകൾ കുറയ്ക്കാനും

കൂടുതൽ അറിയുക

ഭീ​ക​ര​പ്ര​വ​ർ​ത്ത​ന​ത്തി​ലും കു​റ്റ​കൃ​ത്യ​ങ്ങ​ളി​ലും ഏ​ർ​പ്പെ​ടു​ന്ന​വ​രി​ൽ അ​ധി​ക​വും അ​ന​ധി​കൃ​ത കു​ടി​യേ​റ്റ​ക്കാ​രാ​ണെ​ന്നും പാ​ക്കി​സ്ഥാ​ൻ ആ​രോ​പി​ക്കു​ന്നു. ഈ ​കു​ടി​യൊ​ഴി​പ്പി​ക്ക​ലി​നെ​തി​രേ അ​ന്താ​രാ​ഷ്ട്ര മ​നു​ഷ്യാ​വ​കാ​ശ സം​ഘ​ട​ന​ക​ള്‍ വി​മ​ര്‍ശ​നം ഉ​ന്ന​യി​ച്ചി​രു​ന്നു.

നാ​ലു പ​തി​റ്റാ​ണ്ടി​ലേ​റെ​യാ​യി രാ​ജ്യ​ത്തു താ​മ​സി​ക്കു​ന്ന​വ​ര്‍ ഉ​ള്‍പ്പെ​ടെ​യു​ള്ള​വ​രെ​യാ​ണു നി​ര്‍ബ​ന്ധി​ത​മാ​യി പു​റ​ത്താ​ക്കു​ന്ന​ത്. ബ​ഹു​ഭൂ​രി​പ​ക്ഷ​ത്തി​നും മ​ട​ങ്ങാ​ന്‍ സ്വ​ന്തം നാ​ടു പോ​ലു​മി​ല്ല. ഇ​ക്കാ​ര്യം ക​ണ​ക്കി​ലെ​ടു​ത്ത് ബ​ല​പ്ര​യോ​ഗം പാ​ടി​ല്ലെ​ന്നു യു​എ​ന്നും പൗ​രാ​വ​കാ​ശ സം​ഘ​ട​ന​ക​ളും അ​ഫ്ഗാ​നി​സ്ഥാ​നി​ലെ താ​ലി​ബാ​ന്‍ ഭ​ര​ണ​കൂ​ട​വും അ​ഭ്യ​ര്‍ഥി​ച്ചി​രു​ന്നു.

പാ​ക്കി​സ്ഥാ​നി​ല്‍ ഏ​ക​ദേ​ശം 40 ല​ക്ഷ​ത്തോ​ളം അ​ഫ്ഗാ​ന്‍ വം​ശ​ജ​രു​ണ്ടെ​ന്നാ​ണു റി​പ്പോ​ര്‍ട്ടു​ക​ള്‍. ഇ​തി​ല്‍ പ​തി​നേ​ഴ് ല​ക്ഷ​ത്തി​ല​ധി​കം പേ​രും അ​ന​ധി​കൃ​ത കു​ടി​യേ​റ്റ​ക്കാ​രാ​ണ്. അ​ഫ്ഗാ​നി​സ്ഥാ​നി​ല്‍ താ​ലി​ബാ​ന്‍ അ​ധി​കാ​ര​ത്തി​ലേ​റി​യ ശേ​ഷം പാ​ക്കി​സ്ഥാ​നി​ലേ​ക്ക് ആ​റു ല​ക്ഷ​ത്തോ​ളം പേ​ര്‍ കു​ടി​യേ​റി പാ​ര്‍ത്തി​രു​ന്നു. വ​രും​ദി​വ​സ​ങ്ങ​ളി​ൽ അ​ന​ധി​കൃ​ത കു​ടി​യേ​റ്റ​ക്കാ​രെ ക​ണ്ടെ​ത്താ​ൻ രാ​ജ്യ​വ്യാ​പ​ക തെ​ര​ച്ചി​ല്‍ തു​ട​രു​മെ​ന്ന് അ​ധി​കൃ​ത​ർ വ്യ​ക്ത​മാ​ക്കി.