ഇംഗ്ലണ്ടിലെ ഗ്രാമീണ മേഖലകളിൽ വീടില്ലാത്തവരുടെ എണ്ണത്തിൽ 40% വർധന

28/12/23

യുകെയിൽ സ്വന്തമായൊരു വീട് എല്ലാവരുടെയും സ്വപ്‌നമാണ്. എന്നാൽ ഉയർന്ന മോർട്ട്‌ഗേജ് നിരക്കുകളും, ഭവനങ്ങളുടെ ലഭ്യത കുറവും ഈ സ്വപ്‌നത്തിന് വിഘാതം സൃഷ്ടിക്കുന്നുണ്ട്. ഇതിനിടെയാണ് ഇംഗ്ലണ്ടിന്റെ ഗ്രാമീണ മേഖലകളിൽ വീടില്ലാത്തവരുടെ എണ്ണത്തിൽ 40% വർധന ഉണ്ടായതായി ഒരു ചാരിറ്റി വ്യക്തമാക്കുന്നത്.
അഞ്ച് വർഷത്തിനിടെയാണ് ഇത്ര വലിയ വിടവ് സംജാതമായത്. രണ്ടാം ഭവനം വാങ്ങുന്നവരുടെ എണ്ണമേറിയതും, കുതിച്ചുയരുന്ന മോർട്ട്‌ഗേജുകളും, ഉയർന്ന എനർജി ബില്ലുകളുമാണ് ഈ പ്രതിസന്ധി സൃഷ്ടിക്കുന്നതെന്ന് സിപിആർഇ ചാരിറ്റി വ്യക്തമാക്കി. 2018-ൽ ഗ്രാമീണ മേഖലകളിൽ 17,212 പേരാണ് ഭവനരഹിതരെങ്കിൽ ഇത് 2023 എത്തുമ്പോഴേക്കും 24,143 പേരിലേക്കാണ് ഉയർന്നത്.

ശമ്പളം സ്തംഭനാവസ്ഥയിലേക്ക് മാറിയതും, ഹൗസിംഗ് ചെലവുകൾ പല ഭാഗത്തും ഉയരുന്നതുമാണ് ഈ പ്രതിസന്ധിയിലേക്ക് നയിക്കുന്നത്. 2022 ഒക്ടോബറിൽ വാർഷിക പണപ്പെരുപ്പം 41 വർഷത്തെ ഉയർന്ന നിരക്കായ 11.1 ശതമാനത്തിലേക്ക് എത്തിയിരുന്നു. നവംബറിൽ ഇത് 3.9 ശതമാനത്തിലേക്ക് താഴ്‌ന്നെങ്കിലും മറ്റ് പല കാരണങ്ങൾ ചേർന്ന് ഭക്ഷ്യ ദാരിദ്ര്യത്തിലേക്കും, ഭവനമില്ലാത്ത അവസ്ഥയിലേക്കും നയിച്ചെന്ന് സംഘടന പറയുന്നു.
റെക്കോർഡ് ഭവനവിലയും, , സോഷ്യൽ-റെന്റ് ഹൗസിംഗിനുള്ള കാത്തിരിപ്പ് ഏറുന്നതും, രണ്ടാമത്തെ വീടുകൾ വാങ്ങുന്നവരുടെ എണ്ണമേറുന്നതും, ചെറിയ കാലത്തേക്ക് വാടകയ്ക്ക് കൊടുക്കുന്നതുമെല്ലാം ഭവനരഹിതരുടെ എണ്ണം വർദ്ധിപ്പിക്കുന്ന കാര്യങ്ങളാണെന്ന് ചാരിറ്റി ചൂണ്ടിക്കാണിക്കുന്നു.

Latest Articles

ജോ ബൈഡനെ നീക്കണമെന്ന് കമല ഹാരിസിനോട് അറ്റോർണി ജനറൽ; പൊതു ഇടപഴകലുകളിലും വിദേശ നേതാക്കളുമായുള്ള ആശയവിനിമയത്തിലും ബൈഡന്റെ വിവരമില്ലായ്മ പ്രകടമായ സന്ദർഭങ്ങളുണ്ടായിരുന്നെന്നും തന്റെ അഭ്യർത്ഥനയുടെ നിയമപരമായ അടിസ്ഥാനം അടിവരയിട്ട് മോറിസി ചൂണ്ടിക്കാട്ടിയത്

യുകെ അടക്കമുള്ള രാജ്യങ്ങളിലെ സാംസങ്ങ് ഗാലക്സി ആൻഡ്രോയ്ഡ് ഉപഭോക്താക്കളെ ലക്ഷ്യം വെച്ച് ഓൺലൈൻ ക്രിമിനലുകൾ രംഗത്ത്; 61 രാജ്യങ്ങളിൽ 1800 ബാങ്കിംഗ് ആപ്ലിക്കേഷനുകൾ ഹാക്ക് ചെയ്യാൻ സാധ്യത; യുകെയിലെ 48 ബാങ്കുകളും ലിസ്റ്റിൽ

Instagram

Magnavision TV

Magnavision ltd is an Indian general entertainment channel broadcasting in Malayalam over internet protocol. This channel is to promote unity, encouraging talents from around the world, providing news, entertainment programmes, dances, movies, talk shows and songs.

© Copyright 2023. All Rights Reserved

crossmenu