ഒരാളുടെ ജീവനെടുത്ത തൃപ്പൂണിത്തുറയിലെ പടക്ക സ്‌ഫോടനത്തിൽ നിർണായക വിവരങ്ങളാണ് പുറത്തുവരുന്നത്. പുതിയകാവ് അമ്പലക്കമ്മിറ്റിക്ക്ക്ഷേ ത്രോത്സവത്തിന് വെടിക്കെട്ട് നടത്തുന്നതിന് പൊലീസ് അനുമതി നൽകിയിരുന്നില്ലെന്ന് വ്യക്തമാക്കി. ക്ഷേത്ര ഭാരവാഹികൾക്ക് എതിരെ അനുമതിയില്ലാതെ വെടിക്കെട്ട് നടത്തിയതിന് ഇന്നലെ തന്നെ പൊലീസ് കേസെടുത്തിരുന്നു.

സ്ഫോടക വസ്തുക്കൾ സൂക്ഷിച്ചിരുന്നത് അനധികൃതമായാണ് എന്ന് പൊലീസ് പറയുന്നു. അനുമതിയില്ലാതെ സ്ഫോടക വസ്തുക്കൾ പൊട്ടിച്ചത് പുതിയകാവ് ക്ഷേത്രത്തിൽ ഇന്നലെ തെക്കുംപുറം വിഭാഗമാണ്. തുടര്ന്ന ഇന്നലെ തന്നെ തെക്കുംപുറം എൻഎസ്എസ് കരയോഗം ഭാരവാഹികൾക്കെതിരെ പൊലീസ് കേസെടുത്തിരുന്നുവെന്നും പൊലീസ് വ്യക്തമാക്കി. പൊലീസ് പറയുന്നത് വെടിക്കെട്ട് നടത്തരുതെന്ന് അമ്പല കമ്മിറ്റിക്കും പടക്ക കരാറുകാർക്കും നിർദേശം നൽകിയിരുന്നു എന്നാണ്. വടക്കുംപുറം കരയോഗത്തിൻ്റെ വെടിക്കെട്ടായിരുന്നു ഇന്ന് വൈകുന്നേരം നടത്താനിരുന്നത്. ഇതിനിടെയാണ് സ്ഫോടനമുണ്ടായത്. ജില്ലാ കളക്ടർ എൻഎസ്‌കെ ഉമേഷ് പറഞ്ഞു നിയമ വിരുദ്ധമായാണ് പടക്കം സംഭരിച്ചിരുന്നത്. സ്‌ഫോടനത്തിൽ പരിക്കേറ്റ പടക്ക ശാലാ ജീവനക്കാരനും ഉള്ളൂർ സ്വദേശിയുമായ വിഷ്ണു ആണ് മരിച്ചത്.

അഗ്നിരക്ഷാസേന വ്യക്തമാക്കിയതും പടക്കശേഖരണശാല പ്രവര്‍ത്തിച്ചിരുന്നത് അനുമതിയില്ലാതെയാണ്. തൃപ്പൂണിത്തറ ജനറൽ ആശുപത്രിയിൽ അപകടത്തിൽ പരിക്കേറ്റ സ്ത്രീകളും കുട്ടികളുമടക്കം 16 പേരെ പ്രവേശിപ്പിച്ചു. ഇവരിൽ നാല് പേരെ മെഡിക്കൽ കോളേജിലേക്ക് മാറ്റി. പടക്കക്കടയോ പടക്ക നിര്‍മാണശാലകളോ പടക്ക ശേഖരണശാലകളോ വീടുകള്‍ തിങ്ങിനിറഞ്ഞ ഇത്തരം മേഖലകളില്‍ പ്രവര്‍ത്തിക്കാന്‍ പാടില്ലെന്നാണ് നിയമം. പുതിയകാവ് വടക്കുപുറം കരയോഗത്തിന്റെ ഊരക്കാട്ടുള്ള പടക്കപ്പുരയ്ക്ക് ആണ് ഇന്ന് രാവിലെ 11 ടെ തീപിടിച്ചത്. സമീപത്തുള്ള 25 വീടുകൾക്കു കേടുപാടുകൾ പറ്റി. നാട്ടുകാർ വലിയ സ്ഫോടന ശബ്ദം കേട്ടതായി പറയുന്നു. 300 മീറ്റർ അപ്പുറത്തേക്ക് അവശിഷ്ടങ്ങൾ തെറിച്ചു വീണുവെന്നാണ് സമീപ വാസികൾ പറയുന്നത്. പടക്കങ്ങള്‍ ടെമ്പോ ട്രാവലറില്‍നിന്ന് ഇറക്കി അടുത്തുള്ള കോണ്‍ക്രീറ്റ് കെട്ടിടത്തിലേക്ക് മാറ്റുന്നതിനിടെയാണ് പൊട്ടിത്തെറിയുണ്ടായത്.

സമീപതുള്ള ഇരുപതോളം വീടുകള്‍ക്ക് ഗുരുതരമായ കേടുപാടുകള്‍ പറ്റിയിട്ടുണ്ട്. ആറോളം വീടുകളുടെ മേല്‍ക്കൂര തകര്‍ന്നു. പൂര്‍ണമായും തകര്‍ന്ന നിലയിലാണ് ഒരു വീട്. സ്‌ഫോടനത്തിന്റെ ഭാഗമായി ഉണ്ടായിട്ടുള്ള ചെറിയ പരിക്കുകളോടെ സമീപത്തെ ആശുപത്രിയിലേക്ക് കൂടുതല്‍ പേര്‍ ചികിത്സയ്ക്ക് എത്തുന്നുണ്ടെന്നാണ് റിപ്പോര്‍ട്ട്. തൃപ്പൂണിത്തുറ– വൈക്കം റോഡിൽ അപകടത്തെ തുടർന്ന് വൻ ഗതാഗതക്കുരുക്കാണ് അനുഭവപ്പെടുന്നത്.