ആംബുലൻസുകളിൽ നിന്നും രോഗികളെ കൈമാറാൻ ഒരു മണിക്കൂറിലേറെ വേണ്ടിവരുന്ന സംഭവങ്ങൾ അഞ്ച് വർഷം മുൻപത്തെ അപേക്ഷിച്ച് പത്തിരട്ടി അധികമാണെന്ന് കണക്കുകൾ. മേയ് മാസത്തിൽ ആംബുലൻസുകളിൽ നിന്നും രോഗികളെ കൈമാറുന്നതിൽ നേരിട്ട കാലതാമസങ്ങൾ 32,000-ലേറെ പേരുടെ ജീവൻ അപകടത്തിലാക്കിയെന്നാണ് എൻഎച്ച്എസ് മേധാവികളുടെ മുന്നറിയിപ്പ്. ആംബുലൻസുകൾ എ&ഇയിൽ എത്തുകയും, എന്നാൽ തിരക്കേറിയ യൂണിറ്റുകളിലേക്ക് രോഗികളെ കൈമാറാൻ സാധിക്കാതെ പോകുന്നതാണ് പ്രതിസന്ധിയാകുന്നതെന്ന് അസോസിയേഷൻ ഓഫ് ആംബുലൻസ് ചീഫ് എക്‌സിക്യൂട്ടീവ്‌സ് പറഞ്ഞു.

-------------------aud--------------------------------

ഇതോടെ പാരാമെഡിക്കുകൾക്ക് തിരികെ ഡ്യൂട്ടി ആരംഭിക്കാൻ കഴിയാത്ത സാഹചര്യവും നേരിടും. എന്നിരുന്നാലും രോഗികൾ ആംബുലൻസുകൾക്ക് പിന്നിൽ കാത്തിരിക്കണമെന്ന് ഇതിന് അർത്ഥമില്ല. ആളുകളെ എ&ഇയിലേക്ക് മാറ്റിയിട്ടുണ്ടെങ്കിലും നടപടികൾ പൂർത്തിയാക്കാൻ ജീവനക്കാർ ലഭ്യമല്ലാത്ത സാഹചര്യങ്ങളാണ് ഇതിലുള്ളത്.
15 മിനിറ്റിനുള്ളിൽ ഈ കൈമാറ്റം നടക്കണമെന്നാണ് നാഷണൽ ഗൈഡ്‌ലൈൻ. എന്നാൽ ആശുപത്രികളിൽ ഗുരുതരമായ കാലതമാസം നേരിടുന്നതായി പല തവണ മുന്നറിയിപ്പ് നൽകിയിട്ടുണ്ടെന്ന് എഎസിഇ മാനേജിംഗ് ഡയറക്ടർ അന്നാ പാരി വ്യക്തമാക്കി. ഈ ദുരവസ്ഥ രോഗികൾക്ക് ദോഷം സംഭവിക്കാൻ ഇടയാക്കുന്നുവെന്നാണ് കണക്കുകൾ സ്ഥിരീകരിക്കുന്നത്.
പുതിയ ലേബർ ഗവൺമെന്റ് ഈ വിഷയം കൈകാര്യം ചെയ്യണമെന്ന് എഎസിഇ ആവശ്യപ്പെടുന്നു. രോഗികളെ കൈമാറാൻ ഒരു മണിക്കൂറിലേറെ വേണ്ടിവരുന്ന സംഭവങ്ങൾ അഞ്ച് വർഷം മുൻപത്തെ അപേക്ഷിച്ച് പത്തിരട്ടി അധികമാണെന്ന് കണക്കുകൾ വ്യക്തമാക്കുന്നു.