ഒരു നൂറ്റാണ്ടിനിടെയിലെ ചൂടൻ ക്രിസ്മസ് ആഘോഷിച്ചു യുകെ ജനത

26/12/23

ഇത്തവണ ബ്രിട്ടനിലെത്തിയ സാന്റാക്ലോസ് അദ്ഭുതപ്പെട്ടുകാണും, പതിവിനു വിപരീതമായി കോട്ടും മറ്റു ശൈത്യകാല വസ്ത്രങ്ങളും ധരിക്കാതെ സാന്താക്ലോസ് തൊപ്പിയുമണിഞ്ഞ് കടലിൽ നീന്തിത്തുടിക്കുന്ന ബ്രിട്ടീഷുകാരെ കണ്ട്. ഏതാണ്ട് ഒരു ദശബ്ദത്തിനിടയിൽ ബ്രിട്ടൻ കണ്ട ഏറ്റവും ചൂടേറിയ ക്രിസ്ത്മസ് ആയിരുന്നു കഴിഞ്ഞുപോയത്. ക്രിസ്ത്മസ് ദിനത്തിലെ റെക്കോർഡ് താപനിലയായിരുന്നു മെറ്റ് ഓഫീസ് രേഖപ്പെടുത്തിയത്.

എക്സെറ്റർ വിമാനത്താവളം ഈസ്റ്റ് മെയിലിംഗ്, കെന്റ് എന്നിവിടങ്ങളിൽ ഇന്നലെ താപനില 12.4 ഡിഗ്രി സെൽഷ്യസിൽ താഴെ പോയില്ല.അതോടെ അത് 1983-ൽ ക്രോയ്ഡണിലെ വാഢണിൽ രേഖപ്പെടുത്തിയ, ഇതുവരെയുള്ള ഏറ്റവും ഉയർന്ന ക്രിസ്ത്മസ് ദിന താപനിലയായ 11.5 ഡിഗ്രി സെൽഷ്യസിനെ മറികടന്നു. ഏറ്റവും ഉയർന്ന താപനില കണക്കാക്കിയാൽ എക്സിറ്റർ വിമാനതാവളത്തിലും സോമർസെറ്റിലെ മെറിഫീൽഡിലും 13.2 ഡിഗ്രി സെൽഷ്യസ് രേഖപ്പെടുത്തി.ഇതോടെ, 13.3 ഡിഗ്രി സെൽഷ്യസ് രേഖപ്പെടുത്തിയതിന് ശേഷമുള്ള ഏറ്റവും ചൂടേറിയ ഡിസംബർ 25 ആയി മാറി ഇന്നലെ.

അതേസമയം, മഞ്ഞും, മഴയും നിറഞ്ഞതായിരുന്നു സ്‌കോട്ട്ലാൻഡിലെ വിവിധ ഭാഗങ്ങളിലെ ക്രിസ്ത്മസ് ദിനം. പലയിടങ്ങളിലും മഞ്ഞ് പുതഞ്ഞു കിടന്ന് വൈറ്റ് ക്രിസ്ത്മസ് നൽകി. തണുപ്പ് കുറഞ്ഞതോടെ രാജ്യത്തിന്റെ വിവിധ ഭാഗങ്ങളിൽ ഉത്സാഹതിമിർപ്പ് വർധിച്ചു. പുറംവാതിൽ ജലാശയങ്ങളിലും കടൽത്തീരത്തും ഒത്തുകൂടി നീന്തിത്തിമിർത്തായിരുന്നു പലരുടെയും ക്രിസ്ത്മസ് ആഘോഷങ്ങൾ.

സെൻട്രൽ ലണ്ടനിലെ ഹൈഡ് പാർക്കിൽ എല്ലാവർഷവും, സെർപ്പന്റൈൻ സ്വിമ്മിംഗ് ക്ലബ് സംഘടിപ്പിക്കാറുള്ള പീറ്റർ പാൻ കപ്പ് നീന്തൽ മത്സരത്തിൽ പങ്കെടുക്കാൻ എത്തിയവരിൽ പലരും സാന്റാക്ലോസ് തൊപ്പികളണിഞ്ഞാണ് എത്തിയത്. എല്ലാ വർഷവും ക്രിസ്ത്മസ് ദിനത്തിലാണ് ഈ മത്സരം സംഘടിപ്പിക്കുക. 1864-ൽ ആരംഭിച്ച ഈ മത്സരമാണ് ലോകത്തിലെ തന്നെ തുടർച്ചയായി, മുടക്കമില്ലാതെ നടത്തുന്ന ഏറ്റവും പഴയ മത്സരം. 1903 ൽ ഗ്രന്ഥകാരനായ ജെ എം ബാരി പീറ്റർ പാൻ കപ്പ് സംഭാവന നൽകിയതോടെയാണ് മത്സരം ആ പേരിൽ അറിയപ്പെടാൻ തുടങ്ങിയത്. ലണ്ടനിലെ താപനില ഏതാണ് 12 ഡിഗ്രി സെൽഷ്യസിന് അടുത്തായതിനാൽ മത്സരത്തിൽ പങ്കെടുക്കാൻ എത്തിയവർക്ക് കഴിഞ്ഞ വർഷത്തെ അത്ര തണുപ്പ് അനുഭവിക്കേണ്ടി വന്നില്ല. അതേസമയം, നോർത്ത് ടൈനിസൈഡിലെ ടൈന്മോത്തിൽ ശാന്തമായ വടക്കൻ കടലിൽ നീന്തിത്തുടിക്കാൻ മറ്റൊരു സംഘം എത്തി. സമുദ്ര ജല താപനില 6 ഡിഗ്രി സെൽഷ്യസ് ആയിരുന്നു. അതിനിടയിൽ, സഫോക്കിലെ കുടുംബങ്ങൾക്ക് ഏറെ പ്രയോജനകരമായ സെയിന്റ് എലിസബത്ത് ഹോസ്പീസിന് വേണ്ടിയുള്ള ധനസമാഹരണത്തിന്റെ ഭഗമായി 600 ഓളം പേർ ഫെലിസ്‌ക്ടോവിൽ കടലിൽ മുങ്ങിക്കുളിച്ചു.

Latest Articles

ബെംഗളൂരു നമ്മ മെട്രോ ട്രെയിനിൽ യാത്ര ചെയ്യാനെത്തിയകർഷകനെ മുഷിഞ്ഞ വസ്ത്രം ധരിച്ചെന്നതിൻ്റെ പേരിൽ തടഞ്ഞ സുരക്ഷാ ജീവനക്കാരനെ ബെംഗളൂരു മെട്രോ റെയിൽ കോർപറേഷൻ പിരിച്ചുവിട്ടു. രാജാജിനഗർ മെട്രോ ‌സ്റ്റേഷനിലാണു സംഭവം.

മുസ്‌ലിം പ്രീണനം ആരോപിച്ച് മുഖ്യമന്ത്രി സിദ്ധരാമയ്യയെ 'സിദ്ധരാമുള്ള ഖാൻ' എന്നു വിളിച്ചാക്ഷേപിച്ചതിന് ബിജെപി എംപി അനന്ത്കുമാർ ഹെഗ്ഡെയ്ക്ക് എതിരെ പൊലീസ് കേസെടുത്തു. മതവിഭാഗത്തെ ആക്ഷേപിച്ചതിനു പുറമേ വിദ്വേഷ പ്രസംഗം നടത്തിയെന്ന കുറ്റവും ചുമത്തി ഉത്തരകന്നഡയിലെ മുണ്ട്ഗോഡ് പൊലീസാണു കേസെടുത്തത്.

ജോ ബൈഡനെ നീക്കണമെന്ന് കമല ഹാരിസിനോട് അറ്റോർണി ജനറൽ; പൊതു ഇടപഴകലുകളിലും വിദേശ നേതാക്കളുമായുള്ള ആശയവിനിമയത്തിലും ബൈഡന്റെ വിവരമില്ലായ്മ പ്രകടമായ സന്ദർഭങ്ങളുണ്ടായിരുന്നെന്നും തന്റെ അഭ്യർത്ഥനയുടെ നിയമപരമായ അടിസ്ഥാനം അടിവരയിട്ട് മോറിസി ചൂണ്ടിക്കാട്ടിയത്

യുകെ അടക്കമുള്ള രാജ്യങ്ങളിലെ സാംസങ്ങ് ഗാലക്സി ആൻഡ്രോയ്ഡ് ഉപഭോക്താക്കളെ ലക്ഷ്യം വെച്ച് ഓൺലൈൻ ക്രിമിനലുകൾ രംഗത്ത്; 61 രാജ്യങ്ങളിൽ 1800 ബാങ്കിംഗ് ആപ്ലിക്കേഷനുകൾ ഹാക്ക് ചെയ്യാൻ സാധ്യത; യുകെയിലെ 48 ബാങ്കുകളും ലിസ്റ്റിൽ

Instagram

Magnavision TV

Magnavision ltd is an Indian general entertainment channel broadcasting in Malayalam over internet protocol. This channel is to promote unity, encouraging talents from around the world, providing news, entertainment programmes, dances, movies, talk shows and songs.

© Copyright 2023. All Rights Reserved

crossmenu