വിദ്യാര്ത്ഥികള്ക്ക് സര്ക്കാര് നിശ്ചയിച്ച കണ്സഷന് നിരക്ക് സ്വകാര്യ സ്റ്റേജ് കാരേജ് ബസ്സുകളില് ലഭിക്കുന്നു എന്ന് ഉറപ്പാക്കണമെന്ന് ബാലാവകാശ കമ്മിഷന്. കണ്സഷന് നിരക്ക് നല്കാത്ത സ്വകാര്യ സ്റ്റേജ് കാരേജ് ബസ്സുകളുടെ പെര്മിറ്റും കുറ്റം ചെയ്ത ജീവനക്കാരുടെ ലൈസന്സും റദ്ദ് ചെയ്യുന്നതിന് നിയമനടപടികള് സ്വീകരിക്കാനും ട്രാന്സ്പോര്ട്ട് കമ്മീഷണര്ക്ക് ബാലാവകാശ കമ്മിഷന് നിര്ദ്ദേശം നല്കി.
കിളിമാനൂര്-വെളളല്ലൂര് കല്ലമ്പലം റൂട്ടില് സര്വ്വീസ് നടത്തുന്ന സ്വകാര്യ ബസ്സുകള് വിദ്യാര്ത്ഥികള്ക്ക് അനുവദിച്ചിട്ടുളള ടിക്കറ്റ് നിരക്കല്ല ഈടാക്കുന്നത്. കമ്മിഷന് ലഭിച്ച പരാതിയിൽ അര്ഹതപ്പെട്ട നിരക്ക് ചോദിക്കു മ്പോള് കുട്ടികളെ ഭീഷണിപ്പെടുത്തുന്നു തുടങ്ങിയ വിഷയങ്ങള് പരാമര്ശിച്ചാണ് നടപടി. സര്ക്കാര് വിദ്യാര്ത്ഥികള്ക്ക് നിശ്ചയിച്ച കണ്സഷന് നിരക്ക് നിഷേധിക്കുന്നത് കുട്ടികളുടെ അവകാശ നിയമങ്ങളുടെ ലംഘനമായി വിലയിരുത്തിയ കമ്മിഷന് അംഗം എന്. സുനന്ദയാണ് ഉത്തരവ് പുറപ്പെടുവിച്ചത്. 3 മാസത്തിനകം ഉത്തരവിന്മേല് സ്വീകരിച്ച നടപടി റിപ്പോര്ട്ട് ലഭ്യമാക്കാനും നിര്ദ്ദേശം നല്കി.
© Copyright 2023. All Rights Reserved
