ഇന്നലെ രാത്രി കൊച്ചി കലൂരിലെ ഇടശ്ശേരി ബാറിൽ നടന്ന വെടിവെപ്പിൽ കണ്ടാലറിയാവുന്ന നാലു പേർക്കെതിരെ കേസെടുത്തു. കേസെടുത്തിരിക്കുന്നത് കരുതിക്കൂട്ടിയുള്ള ആക്രമണം, വധശ്രമം, ആയുധം കൈവശംവെക്കൽ എന്നീ വകുപ്പുകൾ ചുമത്തിയാണ്. കൈത്തോക്ക് കൊണ്ട് പരുക്കേൽപ്പിച്ചു എന്നാണ് എഫ്‌ഐആർ.

രണ്ടു പേർക്കാണ് സംഭവത്തിൽ വെടിയേറ്റത്. സംഭവം ഇന്നലെ രാത്രി 11 മണിയോടെയാണ് നടന്നത്. എയര്‍ പിസ്റ്റള്‍ ഉപയോഗിച്ച് മദ്യപിക്കാനെത്തിയ സംഘത്തിലെ ഒരാളാണ് വെടിവെച്ചത്. സംഭവം ഉണ്ടായത് മദ്യം നല്‍കുന്നത് സംബന്ധിച്ച തര്‍ക്കത്തിന് പിന്നാലെയായിരുന്നു. ബാറിൽ നിന്ന് മദ്യപിച്ചിറങ്ങിയ സംഘം പുറത്തുവെച്ച് വാക്കേറ്റത്തിലേർപ്പെട്ടിരുന്നു. തുടർന്ന് ഇത് ചോദ്യം ചെയ്യാനെത്തിയ ജീവനക്കാർക്ക് നേരെ വെടിവെക്കുകയായിരുന്നു. വെടിയേറ്റത് ബാറിലെ ജീവനക്കാരായ അഖിൽ, സുജിൻ എന്നിവർക്കാണ്. മെഡിക്കൽ ട്രസ്റ്റ് ആശുപത്രിയിൽ ഇവർ ചികിത്സയിലാണ്. കൂടാതെ ഒരാൾക്ക് സംഭവസ്ഥലത്ത് ക്രൂരമർദനമേൽക്കുകയും ചെയ്തു. മർദനത്തിൽ പരുക്കേറ്റ ജിതിനെ എറണാകുളം ലിസി ആശുപത്രിയിലേക്ക് മാറ്റി. പ്രതികളെത്തിയത് KL 51B 2194 എന്ന നമ്പർ വാഹനത്തിലാണ്. ഇവർക്കായി അന്വേഷണം ഊർജിതമാക്കായിരിക്കുകയാണ്. സിസിടിവി ദൃശ്യങ്ങൾ ശേഖരിച്ചിട്ടുണ്ട്. ഉടൻ പ്രതികളിലേക്ക്
പൊലീസിന് എത്താനായേക്കുമെന്ന പ്രതീക്ഷയിലാണ്.