കോട്ടയത്ത് അത്യാധുനിക ക്രിക്കറ്റ് സ്റ്റേഡിയം ഒരുക്കുന്നതിനായി കേരള ക്രിക്കറ്റ് അസോസിയേഷനും സിഎംഎസ് കോളേജും  തമ്മിൽ കരാർ ഒപ്പുവെച്ചു. കോട്ടയം ജില്ലയിൽ ബിസിസിഐ ഫസ്റ്റ് ക്ലാസ് നിലവാരത്തിലുള്ള ക്രിക്കറ്റ് ഗ്രൗണ്ടാവും സിഎംഎസ് കോളേജിൽ കേരള ക്രിക്കറ്റ് അസോസിയേഷൻ നിർമ്മിക്കുക.

-------------------aud------------------------------

കരാർ പ്രകാരം സിഎംഎസ് കോളജിന്റെ നിലവിലുള്ള ഗ്രൗണ്ട് 30 വർഷത്തേക്ക് കെസിഎയ്ക്ക് നൽകും. തിരുവനന്തപുരം തുമ്പയിലെ സെന്റ് സേവ്യേഴ്സ് കോളജിലും ആലപ്പുഴയിലെ എസ്ഡി കോളജിലും കെസിഎ ഇത്തരത്തിൽ മൈതാനങ്ങൾ ഏറ്റെടുത്തിട്ടുണ്ട്. ഇവിടങ്ങളിൽ ഉയർന്ന നിലവാരമുള്ള ക്രിക്കറ്റ് ഗ്രൗണ്ടുകൾ വികസിപ്പിച്ചെടുത്തിട്ടുണ്ട്. നിർമ്മാണത്തിന്റെ ആദ്യ ഘട്ടത്തിൽ ഒരു ക്രിക്കറ്റ് ഗ്രൗണ്ട്, പവലിയൻ, സ്പ്രിംഗ്ലർ സിസ്റ്റം, ഇൻഡോർ, ഔട്ട്‌ഡോർ പരിശീലന സൗകര്യങ്ങൾ, ആധുനിക ജിംനേഷ്യം, ഒരു ഫുട്‌ബോൾ ഗ്രൗണ്ട് എന്നിവയും ഉൾപ്പെടും. ഇതിന്റെ പദ്ധതി ചെലവ് 14 കോടി രൂപയാണ് കണക്കാക്കുന്നത്. രണ്ടാം ഘട്ട വികസനത്തിൽ ഫ്‌ലഡ്ലൈറ്റുകൾ ഉണ്ടായിരിക്കും. ഡേ ആൻഡ് നൈറ്റ് മത്സരങ്ങൾ നടത്തുന്നതിനാണിത്.
ഏപ്രിൽ അവസാനത്തോടെ മൈതാനത്തിന്റെ നിർമ്മാണം ആരംഭിച്ച് ഒരു വർഷത്തിനുള്ളിൽ പൂർത്തിയാകുമെന്ന് പ്രതീക്ഷിക്കുന്നു. ഇതോടെ സിഎംഎസ് ക്രിക്കറ്റ് സ്റ്റേഡിയം രഞ്ജി ട്രോഫി ഉൾപ്പെടെയുള്ള ബിസിസിഐ ഫസ്റ്റ് ക്ലാസ് മത്സരങ്ങൾക്ക് അനുയോജ്യമായ വേദിയാകും.