ഗെരിത്ത് കൊടുങ്കാറ്റും പേമാരിയും: വാഹനം നദിയിൽ വീണ് 3 മരണം

29/12/23

ബ്രിട്ടനെ ആകെ ഉലച്ച് ഗെരിത്ത് കൊടുങ്കാറ്റിന്റെ താണ്ഡവം. വ്യാപക നാശനഷ്ടം ആണ് രാജ്യത്തിന്റെ വിവിധ ഭാഗങ്ങളിൽ ഉണ്ടായിരിക്കുന്നത്. കൊടുങ്കാറ്റിനൊപ്പം മാഞ്ചസ്റ്ററിലും പരിസരപ്രദേശങ്ങളിലും ഉണ്ടായ ടൊർണാഡോയിൽ നിരവധി വീടുകളുടെ മേൽക്കൂരകൾ തകർന്നു. വൻമരങ്ങൾ കടപുഴകി റോഡ് ഗതാഗതം പലയിടത്തും തടസപ്പെട്ടു. ട്രെയിൻ സർവീസുകളും വ്യോമ ഗതാഗതവും താറുമാറായി. ആയിരക്കണക്കിന് വീടുകളിൽ വൈദ്യുതി നിലച്ചു . കനത്ത മഴയിൽ വാഹനം നദിയിലേക്ക് ഒഴുകിപ്പോയി മൂന്ന് പേർ മരണമടഞ്ഞു. ഇന്നലെ രാവിലെ നോർത്ത് യോർക്ക് മൂഴ്സിൽ എസ്‌ക് നദി മറികടക്കുന്നതിന് ശ്രമിക്കുന്നതിനിടെയാണ് അപകടം ഉണ്ടായത്. എമർജൻസി സർവ്വീസുകൾ സംഭവസ്ഥലത്തെത്തി കാർ പുറത്തെടുത്തെങ്കിലും അതിലുണ്ടായിരുന്ന മൂന്നുപേരും മരണമടഞ്ഞിരുന്നു.


ഓഫ് -റോഡ് ഡ്രൈവിംഗിൽ ഏർപ്പെട്ടിരിക്കുന്നവരായിരുന്നു അവർ എന്നാണ് ദൃക്സാക്ഷികൾ പറയുന്നത്. കനത്ത മഴയിൽ നിറഞ്ഞുകവിഞ്ഞ നദി അവരെ വിഴുങ്ങുകയായിരുന്നു. ഏതാണ്ട് 400 യാർഡ് ദൂരത്തോളം വാഹനം ഒഴുക്കിക്കൊണ്ടുപോയി എന്നും ദൃക്സാക്ഷികൾ പറയുന്നു. സമീപത്തുണ്ടായിരുന്ന ഒരു ട്രാക്ടർ ഉപയോഗിച്ച് സംഭവസ്ഥലത്തുണ്ടായിരുന്നവർ അപകടത്തിൽ പെട്ടവരെ രക്ഷിക്കാൻ ഏറെ ശ്രമിച്ചെങ്കിലും സാധിച്ചില്ല. പിന്നീട് അഗ്‌നിശമന പ്രവർത്തകരെത്തിയായിരുന്നു കാർ നദിയിൽ നിന്നും പുറത്തെടുത്തത്.
അതിനിടെ, ബ്രിട്ടന്റെ മറ്റു ഭാഗങ്ങളിൽ നിന്നും വലിയ നാശനഷ്ടങ്ങളുടെയും ദുരിതങ്ങളുടെയും വാർത്തകളാണ് വരുന്നത്. ഗ്രെയ്റ്റർ മാഞ്ചസ്റ്റർ, സ്റ്റേബ്രിഡ്ജിൽ കാറ്റത്ത് ഒരു വീടിന്റെ മേൽക്കൂര തകർന്ന് വീണു. ഭാര്യയും ഭർത്താവും മൂന്ന് കുട്ടികളുമടങ്ങുന്ന കുടുംബ അദ്ഭുതകരമായാണ് പരിക്കുകൾ ഇല്ലാതെ രക്ഷപ്പെട്ടത്. ആഞ്ഞടിച്ച കൊടുങ്കാറ്റിൽ വീട് തകരുമ്പോൾ കുടുംബം അവരുടെ കിടപ്പുമുറിയിലായിരുന്നു. ദൈവാനുഗ്രഹം ഒന്നുകൊണ്ട് മാത്രമാണ് രക്ഷപ്പെട്ടതെന്ന് അവർ പറയുന്നു.
ഇവിടെ നിരവധി വീടുകളുടെ മേൽക്കൂരകളാണ് പറന്നുപോയതും തകർന്നടിഞ്ഞതും. അതുകൂടാതെ കനത്ത കാറ്റിൽ കടപുഴകി വീണ മരങ്ങളും നിരവധി നാശനഷ്ടങ്ങൾക്ക് കാരണമായതായി റിപ്പോർട്ടിൽ പറയുന്നു. രാജ്യമാകെ ആഞ്ഞടിക്കുന്ന ടൊർണാഡൊ കൊടുങ്കാറ്റിൽ നിന്നും രക്ഷപ്പെടാൻ നൂറോളം കുടുംബങ്ങളെ ഒഴിപ്പിച്ചതായി ടെയ്ംസൈഡ് കൗൺസിൽ അറിയിച്ചു.

Latest Articles

ബെംഗളൂരു നമ്മ മെട്രോ ട്രെയിനിൽ യാത്ര ചെയ്യാനെത്തിയകർഷകനെ മുഷിഞ്ഞ വസ്ത്രം ധരിച്ചെന്നതിൻ്റെ പേരിൽ തടഞ്ഞ സുരക്ഷാ ജീവനക്കാരനെ ബെംഗളൂരു മെട്രോ റെയിൽ കോർപറേഷൻ പിരിച്ചുവിട്ടു. രാജാജിനഗർ മെട്രോ ‌സ്റ്റേഷനിലാണു സംഭവം.

മുസ്‌ലിം പ്രീണനം ആരോപിച്ച് മുഖ്യമന്ത്രി സിദ്ധരാമയ്യയെ 'സിദ്ധരാമുള്ള ഖാൻ' എന്നു വിളിച്ചാക്ഷേപിച്ചതിന് ബിജെപി എംപി അനന്ത്കുമാർ ഹെഗ്ഡെയ്ക്ക് എതിരെ പൊലീസ് കേസെടുത്തു. മതവിഭാഗത്തെ ആക്ഷേപിച്ചതിനു പുറമേ വിദ്വേഷ പ്രസംഗം നടത്തിയെന്ന കുറ്റവും ചുമത്തി ഉത്തരകന്നഡയിലെ മുണ്ട്ഗോഡ് പൊലീസാണു കേസെടുത്തത്.

ജോ ബൈഡനെ നീക്കണമെന്ന് കമല ഹാരിസിനോട് അറ്റോർണി ജനറൽ; പൊതു ഇടപഴകലുകളിലും വിദേശ നേതാക്കളുമായുള്ള ആശയവിനിമയത്തിലും ബൈഡന്റെ വിവരമില്ലായ്മ പ്രകടമായ സന്ദർഭങ്ങളുണ്ടായിരുന്നെന്നും തന്റെ അഭ്യർത്ഥനയുടെ നിയമപരമായ അടിസ്ഥാനം അടിവരയിട്ട് മോറിസി ചൂണ്ടിക്കാട്ടിയത്

യുകെ അടക്കമുള്ള രാജ്യങ്ങളിലെ സാംസങ്ങ് ഗാലക്സി ആൻഡ്രോയ്ഡ് ഉപഭോക്താക്കളെ ലക്ഷ്യം വെച്ച് ഓൺലൈൻ ക്രിമിനലുകൾ രംഗത്ത്; 61 രാജ്യങ്ങളിൽ 1800 ബാങ്കിംഗ് ആപ്ലിക്കേഷനുകൾ ഹാക്ക് ചെയ്യാൻ സാധ്യത; യുകെയിലെ 48 ബാങ്കുകളും ലിസ്റ്റിൽ

Instagram

Magnavision TV

Magnavision ltd is an Indian general entertainment channel broadcasting in Malayalam over internet protocol. This channel is to promote unity, encouraging talents from around the world, providing news, entertainment programmes, dances, movies, talk shows and songs.

© Copyright 2023. All Rights Reserved

crossmenu