ചെങ്കടലിലെ പുതിയ സംഭവങ്ങൾ ഇന്ത്യൻ സാമ്പത്തിക രംഗത്തിന്റെ വളർച്ചയെ ഇത് ബാധിച്ചേക്കുമെന്ന് ലോക സാമ്പത്തിക ഫോറം പ്രസിഡന്റ് ബോർഗ് ബ്രെൻഡിന്റെ  മുന്നറിയിപ്പ്

15/01/24

ചെങ്കടലിലെ പുതിയ സംഭവങ്ങൾ എണ്ണവിലയിൽ കുതിച്ചുചാട്ടത്തിന് ഇടയാക്കുമെന്ന് ആശങ്ക. മേഖല പ്രക്ഷുബ്ദമാകുന്നത് ഇന്ത്യ പോലുള്ള ഇറക്കുമതി രാജ്യങ്ങൾക്ക് വലിയ പ്രതിസന്ധിയാകും. ഇന്ത്യൻ സാമ്പത്തിക രംഗത്തിന്റെ വളർച്ചയെ ഇത് ബാധിച്ചേക്കുമെന്ന് ലോക സാമ്പത്തിക ഫോറം പ്രസിഡന്റ് ബോർഗ് ബ്രെൻഡ് മുന്നറിയിപ്പ് നൽകി. ഹൂതികളും അമേരിക്കയും ബ്രിട്ടനുമാണ് ചെങ്കടലിൽ പോരടിക്കുന്നത്.
അതേസമയം, വിഷയത്തിൽ രമ്യമായ പരിഹാരം കാണാനുള്ള ശ്രമത്തിലാണ് ഇന്ത്യ. ചെങ്കടൽ വഴിയുള്ള ചരക്കു കടത്ത് തടസപ്പെട്ടാൽ ഇന്ത്യയുടെ കയറ്റുമതി-ഇറക്കുമതിയെ ബാധിക്കും. എന്നാൽ മറ്റു വൻകിട രാജ്യങ്ങളെ ബാധിക്കുന്ന അത്ര ഇന്ത്യയെ ബാധിക്കില്ല. ഇന്ന് വിദേശകാര്യ മന്ത്രി എസ് ജയശങ്കർ ഇറാനിലെത്തുമ്പോൾ വിഷയം ചർച്ച ചെയ്യുമെന്നാണ് വിവരം.

-------------------aud--------------------------------fcf308
ചെങ്കടലിലെ പ്രശ്‌നങ്ങൾ പ്രധാനമായും ബാധിക്കുക ഇസ്രായേലിനെയും യൂറോപ്പിനെയും ആഫ്രിക്കയെയുമാണ്. ഹൂതികൾ ലക്ഷ്യമിടുന്നത് ഇസ്രായേലിനെയാണ്. എന്നാൽ പ്രമുഖ കപ്പൽ കമ്പനികൾ ഇതുവഴിയുള്ള സർവീസ് നിർത്തിയത് ചരക്കുകടത്തിനെ ബാധിച്ചു. മാത്രമല്ല, കപ്പലുകൾ കണ്ടെയ്‌നറുകളുടെ ഇൻഷുറൻസ് തുക ഉയർത്തിയതും ചെലവ് വർധിപ്പിച്ചിട്ടുണ്ട്.
ചെങ്കടൽ പാത ഒഴിവാക്കി യാത്ര ചെയ്യുക എന്നത് കപ്പൽ കമ്പനികൾക്ക് വളരെ ചെലവേറിയതാണ്. ചെങ്കടൽ പാത അടഞ്ഞാൽ സൂയസ് കനാൽ വഴിയും അടയും. ഇതാകട്ടെ, യൂറോപ്പിനെ വലിയ പ്രതിസന്ധിയിലേക്ക് നയിക്കും. സൂയസ് കനാൽ വഴി ഇന്ത്യയുടെ നിരവധി ചരക്കു കപ്പലുകൾ യാത്ര ചെയ്യുന്നതാണ്. ഇതിനെല്ലാം പുറമെയാണ് ഈ പ്രതിസന്ധി കാരണം എണ്ണ വില വർധിക്കുമെന്ന ആശങ്ക. ഇന്ത്യയുൾപ്പെടെയുള്ള എണ്ണ ഇറക്കുമതി രാജ്യങ്ങൾ 10 മുതൽ 20 ഡോളർ വരെ അധികം നൽകേണ്ടി വന്നേക്കും. ബാരലിന് ഇത്രയും വർധന വരുന്നത് നിലവിലെ സാഹചര്യത്തിൽ ഇന്ത്യയുടെ സാമ്പത്തിക ഭദ്രതയ്ക്ക് ഇളക്കം തട്ടിക്കും. ഇക്കാര്യം മുൻകൂട്ടി കണ്ടാണ് ഇന്ത്യ ഇറാനിൽ വിഷയം ചർച്ചയാക്കുന്നത്. ഹൂതികളെ പിന്തിരിപ്പിക്കാൻ കഴിയുന്ന ഏക രാജ്യം ഇറാനാണ്.അതേസമയം, ഇന്ത്യയ്ക്ക് എണ്ണ വില കുറച്ച് നൽകാമെന്ന് സൗദി അറേബ്യ സമ്മതിച്ചിട്ടുണ്ട്. ഫെബ്രുവരിയിൽ നൽകുന്ന എണ്ണയും വില കുറച്ച് കിട്ടും. ഈ സാഹചര്യത്തിൽ കൂടുതൽ എണ്ണ സൗദിയിൽ നിന്ന് ഇന്ത്യ ഇറക്കിയേക്കും. പ്രത്യേകിച്ച് റഷ്യയുടെ എണ്ണയ്ക്ക് വില കുറയ്ക്കാത്ത സാഹചര്യത്തിൽ. റഷ്യയിൽ നിന്നുള്ള ഇറക്കുമതി ഇന്ത്യ അൽപ്പം കുറച്ചിട്ടുണ്ട്. ഈ അവസരം മുതലെടുക്കാനാണ് സൗദി അറേബ്യ വില കുറച്ചിരിക്കുന്നത്.ചരക്ക് കപ്പലുകളുടെ സുരക്ഷ, ചെങ്കടൽ വഴിയുള്ള ചരക്കു കടത്ത്, കടൽ കൊള്ളക്കാരുടെ ശല്യം, വ്യാപാര സഹകരണം ശക്തിപ്പെടുത്തൽ തുടങ്ങിയ കാര്യങ്ങളെല്ലാം എസ് ജയശങ്കർ ഇറാൻ നേതാക്കളുമായി ചർച്ച നടത്തുമെന്നാണ് പ്രതീക്ഷിക്കുന്നത്. ഹൂതികൾക്ക് നേരെ അമേരിക്കയും ബ്രിട്ടനും കഴിഞ്ഞ രണ്ട് ദിവസങ്ങളിൽ തുടർച്ചയായി ആക്രമണം നടത്തിയിരുന്നു. തിരിച്ചടിക്കുമെന്ന് ഹൂതികളും മുന്നറിയിപ്പ് നൽകിയ പിന്നാലെയാണ് ജയശങ്കർ ഇറാനിലെത്തുന്നത്.

Latest Articles

ബെംഗളൂരു നമ്മ മെട്രോ ട്രെയിനിൽ യാത്ര ചെയ്യാനെത്തിയകർഷകനെ മുഷിഞ്ഞ വസ്ത്രം ധരിച്ചെന്നതിൻ്റെ പേരിൽ തടഞ്ഞ സുരക്ഷാ ജീവനക്കാരനെ ബെംഗളൂരു മെട്രോ റെയിൽ കോർപറേഷൻ പിരിച്ചുവിട്ടു. രാജാജിനഗർ മെട്രോ ‌സ്റ്റേഷനിലാണു സംഭവം.

മുസ്‌ലിം പ്രീണനം ആരോപിച്ച് മുഖ്യമന്ത്രി സിദ്ധരാമയ്യയെ 'സിദ്ധരാമുള്ള ഖാൻ' എന്നു വിളിച്ചാക്ഷേപിച്ചതിന് ബിജെപി എംപി അനന്ത്കുമാർ ഹെഗ്ഡെയ്ക്ക് എതിരെ പൊലീസ് കേസെടുത്തു. മതവിഭാഗത്തെ ആക്ഷേപിച്ചതിനു പുറമേ വിദ്വേഷ പ്രസംഗം നടത്തിയെന്ന കുറ്റവും ചുമത്തി ഉത്തരകന്നഡയിലെ മുണ്ട്ഗോഡ് പൊലീസാണു കേസെടുത്തത്.

ജോ ബൈഡനെ നീക്കണമെന്ന് കമല ഹാരിസിനോട് അറ്റോർണി ജനറൽ; പൊതു ഇടപഴകലുകളിലും വിദേശ നേതാക്കളുമായുള്ള ആശയവിനിമയത്തിലും ബൈഡന്റെ വിവരമില്ലായ്മ പ്രകടമായ സന്ദർഭങ്ങളുണ്ടായിരുന്നെന്നും തന്റെ അഭ്യർത്ഥനയുടെ നിയമപരമായ അടിസ്ഥാനം അടിവരയിട്ട് മോറിസി ചൂണ്ടിക്കാട്ടിയത്

യുകെ അടക്കമുള്ള രാജ്യങ്ങളിലെ സാംസങ്ങ് ഗാലക്സി ആൻഡ്രോയ്ഡ് ഉപഭോക്താക്കളെ ലക്ഷ്യം വെച്ച് ഓൺലൈൻ ക്രിമിനലുകൾ രംഗത്ത്; 61 രാജ്യങ്ങളിൽ 1800 ബാങ്കിംഗ് ആപ്ലിക്കേഷനുകൾ ഹാക്ക് ചെയ്യാൻ സാധ്യത; യുകെയിലെ 48 ബാങ്കുകളും ലിസ്റ്റിൽ

Instagram

Magnavision TV

Magnavision ltd is an Indian general entertainment channel broadcasting in Malayalam over internet protocol. This channel is to promote unity, encouraging talents from around the world, providing news, entertainment programmes, dances, movies, talk shows and songs.

© Copyright 2023. All Rights Reserved

crossmenu