എറണാകുളം തൃപ്പൂണിത്തുറയിലെ പടക്ക സ്‌ഫോടനത്തിൽ ഒരാൾ മരിച്ചു. കുട്ടികളും സ്ത്രീകൾക്കുമടക്കം 16 പേർക്ക് പരിക്ക്. പടക്ക ശാലാ ജീവനക്കാരൻ വിഷ്ണു എന്നയാളാണ് ഗുരുതരമായി പരിക്കേറ്റ മരിച്ചത്. സ്ത്രീകളും കുട്ടികളുമടക്കം 16 പേരെ തൃപ്പൂണിത്തറ ജനറൽ ആശുപത്രിയിൽ പ്രവേശിപ്പിച്ചു. മെഡിക്കൽ കോളേജിലേക്ക് ഇവരിൽ നാല് പേരെ മാറ്റി. അനുമതിയില്ലാതെ ആണ് സ്ഫോടകവസ്തുക്കൾ സൂക്ഷിച്ചതെന്ന് ജില്ലാ ഫയർഫോഴ്സ് അറിയിച്ചു.

തീപിടിച്ചത് പുതിയകാവ് വടക്കുപുറം കരയോഗത്തിന്റെ ഊരക്കാട്ടുള്ള പടയ്ക്കപ്പുരയ്ക്ക് ആണ്. സമീപത്തുള്ള 25 വീടുകൾക്കു കേടുപാടുകൾ പറ്റി. നാട്ടുകാർ വലിയ സ്ഫോടന ശബ്ദം കേട്ടതായി പറയുന്നു. ഫയർ ഫോഴ്സ് എത്തി തീയണക്കാനുള്ള ശ്രമം തുടരുകയാണ്. സമീപ വാസികൾ പറഞ്ഞത്‌ 300 മീറ്റർ അപ്പുറത്തേക്ക് അവശിഷ്ടങ്ങൾ തെറിച്ചു വീണുവെന്നാണ്. ആളുകൾ സ്ഫോടനം നടന്നതിന് സമീപത്തെ വീടുകളിലും കുടുങ്ങിക്കിടക്കുകയാണെന്നാണ്. സ്ഥലത്തേക്ക് രണ്ടു വണ്ടി ഫയർഫോഴ്സ് യൂണിറ്റ് കൂടി തിരിച്ചിട്ടുണ്ട്. കൂടുതൽ ആംബുലൻസുകൾ സ്ഥലത്തേക്ക് എത്തിക്കൊണ്ടിരിക്കുകയാണ്. തൃപ്പൂണിത്തുറ– വൈക്കം റോഡിൽ അപകടത്തെ തുടർന്ന് വൻ ഗതാഗതക്കുരുക്കാണ് അനുഭവപ്പെടുന്നത്.