നോർവിച്ചിലെ കൂട്ടമരണം; പിതാവ് പെൺമക്കളെയും യുവതിയെയും കുത്തിക്കൊന്നതിന് ശേഷം സ്വയം കഴുത്തറുത്തു കൊന്നതെന്ന് പോസ്റ്റ്മോർട്ടം റിപ്പോർട്ട്

25/01/24

നോർവിച്ചിൽ ഒരു പുരുഷനും ഒരു സ്ത്രീയും രണ്ട് കുട്ടികളും മരിച്ച നിലയിൽ കണ്ടെത്തിയ സംഭവം ഒരു കൊലപാതക - ആത്മഹത്യ കേസ് ആണെന്ന് അന്വേഷണോദ്യോഗസ്ഥർ സ്ഥിരീകരിച്ചു. പോസ്റ്റ്മോർട്ടം റിപ്പോർട്ട് ലഭിച്ചതിന് ശേഷമായിരുന്നു സ്ഥിരീകരണം. ഇതിൽ 36 കാരിയായ യുവതിയും രണ്ടു കുട്ടികളും കൊല്ലപ്പെട്ടതാണെന്നും അവരെ കൊന്നതിനു ശേഷം പുരുഷൻ സ്വയം കുത്തി ആത്മഹത്യ ചെയ്യുകയായിരുന്നു എന്നുമാണ് പോലീസ് പറയുന്നത്.
ഇക്കഴിഞ്ഞ വെള്ളിയാഴ്ച്ച ലഭിച്ച ഒരു ഫോൺ സന്ദേശത്തെ തുടർന്ന് കോസ്റ്റെസ്സെയിലെ അലൻ ബെഡ്ഫോർഡ് ക്രസന്റിലുള്ള ഒരു വീട്ടിലെത്തിയ പോലീസ് കണ്ടത് നാലുപേർ മരിച്ചു കിടക്കുന്നതായിരുന്നു. ബർട്ട്ലോമീ എന്ന 45 കാരനും, കാന്റിഷ എന്ന 36 കാരിയായ യുവതിയും ജാസ്മിൻ (12), നടാഷ (8) എന്നീ കുട്ടികളുമായിരുന്നു മരിച്ചത്. ഇതുമായി ബന്ധപ്പെട്ട് വേറെ ആരുടെ മേലും സംശയമില്ലെന്ന് പോലീസ് അറിയിച്ചു.
സംഭവം നടക്കുന്നതിന് ഒരു മണിക്കൂർ മുൻപായി ബർട്ട്ലോമി പോലീസിനെ വിളിച്ചിരുന്നതായി കണ്ടെത്തിയിട്ടുണ്ട്. തന്റെ മാനസികാവസ്ഥ തകരാറിലാകുന്നു എന്നായിരുന്നു അയാൾ പറഞ്ഞത്. ഡോക്ടറുടെ സഹായം തേടാൻ പോലീസ് ഉപദേശിക്കുകയായിരുന്നു എന്നാണ് അറിയാൻ കഴിയുന്നത്. ഇന്നലെ പുറത്തു വന്ന പോസ്റ്റ്മോർട്ടം റിപ്പോർട്ടിൽ പറയുന്നത് രണ്ട് കുട്ടികളും മരണമടഞ്ഞത് കഴുത്തിലേറ്റ മുറിവ് മൂലമാണെന്നാണ്. യുവതിക്കും കഴുത്തിലായിരുന്നു കുത്തേറ്റത്.
മൂവരെയും കൊന്നതിന് ശേഷം ബർട്ട്ലോമി സ്വയം കഴുത്തിൽ കുത്തി മരിക്കുകയായിരുന്നു. കെയർ ടേക്കർ ആയി ജോലി ചെയ്യുന്ന കുട്ടികളുടെ അമ്മ, സംഭവം നടക്കുമ്പോൾ ജോലിയിൽ ആയിരുന്നു എന്നാണ് റിപ്പോർട്ടുകൾ പറയുന്നത്. ബെർട്ട്ലോമിക്ക് ചില മാനസിക പ്രശ്നങ്ങൾ ഉണ്ടായിരുന്നതായി അവരുടെ ചില സുഹൃത്തുക്കൾ സ്ഥിരീകരിക്കുകയും ചെയ്തിട്ടുണ്ട്. ഏതായാലും അന്വേഷണം തുടരുകയാണെന്ന് പോലീസ് അറിയിച്ചു.

Latest Articles

ജോ ബൈഡനെ നീക്കണമെന്ന് കമല ഹാരിസിനോട് അറ്റോർണി ജനറൽ; പൊതു ഇടപഴകലുകളിലും വിദേശ നേതാക്കളുമായുള്ള ആശയവിനിമയത്തിലും ബൈഡന്റെ വിവരമില്ലായ്മ പ്രകടമായ സന്ദർഭങ്ങളുണ്ടായിരുന്നെന്നും തന്റെ അഭ്യർത്ഥനയുടെ നിയമപരമായ അടിസ്ഥാനം അടിവരയിട്ട് മോറിസി ചൂണ്ടിക്കാട്ടിയത്

യുകെ അടക്കമുള്ള രാജ്യങ്ങളിലെ സാംസങ്ങ് ഗാലക്സി ആൻഡ്രോയ്ഡ് ഉപഭോക്താക്കളെ ലക്ഷ്യം വെച്ച് ഓൺലൈൻ ക്രിമിനലുകൾ രംഗത്ത്; 61 രാജ്യങ്ങളിൽ 1800 ബാങ്കിംഗ് ആപ്ലിക്കേഷനുകൾ ഹാക്ക് ചെയ്യാൻ സാധ്യത; യുകെയിലെ 48 ബാങ്കുകളും ലിസ്റ്റിൽ

Instagram

Magnavision TV

Magnavision ltd is an Indian general entertainment channel broadcasting in Malayalam over internet protocol. This channel is to promote unity, encouraging talents from around the world, providing news, entertainment programmes, dances, movies, talk shows and songs.

© Copyright 2023. All Rights Reserved

crossmenu