തെരഞ്ഞെടുപ്പ് പ്രചാരണത്തിനെത്തുന്ന പ്രധാനമന്ത്രി നരേന്ദ്ര മോദിക്കൊപ്പം വേദി പങ്കിടില്ലെന്ന് മിസോറം മുഖ്യമന്ത്രി സൊറംതങ്ക. ഈ മാസം 30ന് മിസോറാമിന്റെ പടിഞ്ഞാറൻ നഗരമായ മാമിത്തിൽ മോദി സന്ദർശനത്തിനെത്തുമെന്നാണ് കരുതുന്നത്. ബിജെപിയുടെ തെരഞ്ഞെടുപ്പ് പ്രചാരണത്തിനാണ് മോദി മിസോറാമിലെത്തുന്നത്.മിസോറമിലെ ജനങ്ങളെല്ലാം ക്രൈസ്തവരാണ്. മണിപ്പൂരിൽ മെയ്തികൾ നൂറുകണക്കിന് പള്ളികൾ കത്തിച്ച സമയത്ത് മിസോറാമിലെ എല്ലാ ജനങ്ങളും അതിനെതിരായിരുന്നു. ഈ സമയത്ത് ബിജെപിയോട് അനുഭാവം പുലർത്തുക എന്നത് പാർട്ടിക്ക് മൈനസ് പോയിന്റായിരിക്കുമെന്നും സൊറംതങ്ക പറഞ്ഞു.മിസോറാമിൽ അധികാരത്തിലിരിക്കുന്ന പാർട്ടിയാണ് സാറംതങ്കയുടെ നേതൃത്വത്തിലുള്ള എംഎൻഎഫ്. കേന്ദ്രത്തിൽ ബിജെപിയുമായി സഖ്യമു പാർട്ടിക്ക് സംസ്ഥാനതലത്തിൽ സഖ്യമില്ല. നവംബർ ഏഴിനാണ് മിസോറാം തെരഞ്ഞെടുപ്പ്. ഡിസംബർ മൂന്നിന് വോട്ടെണ്ണും.