പ്രത്യേക പാർലമെന്‍റ് സമ്മേളത്തിൽ വനിതാ സംവരണ ബിൽ കൊണ്ടുവരണമെന്ന് ലോക്സഭാ സ്പീക്കർ ഓം ബിർള വിളിച്ചുചേർത്ത സർവകക്ഷി യോഗത്തിൽ പ്രതിപക്ഷം ഒറ്റക്കെട്ടായി ആവശ്യപ്പെട്ടു. പ്രത്യേക പാർലമെന്‍റ് സമ്മേളത്തിനു മുന്നോടിയായാണ് ഇന്നലെ സർവകക്ഷി യോഗം നടത്തിയത്.

26/09/23

സർക്കാർ പ്രസിദ്ധീകരിച്ച പ്രത്യേക പാർലമെന്‍റ് സമ്മേളനത്തിന്‍റെ അജന്‌ഡ യോഗത്തിൽ ചർച്ചയായി. വനിതാ സംവരണ ബില്ലിനെ ബിജെപിയും സഖ്യ കക്ഷികളും പിന്തുണയ്ക്കുന്നുണ്ട്. അദാനി വിവാദം, മണിപ്പുർ വിഷയം എന്നിവയും പാർലമെന്‍റ് സമ്മേളനത്തിൽ ചർച്ച ചെയ്യണമെന്ന് പ്രതിപക്ഷ പാർട്ടികൾ യോഗത്തിൽ ആവശ്യപ്പെട്ടു.

ലോക്സഭയിലെ ഉപനേതാവ്- പ്രതിരോധമന്ത്രി രാജ്നാഥ് സിംഗ്, രാജ്യസഭയിലെ സഭാ നേതാവ് കേന്ദ്രമന്ത്രി പിയൂഷ് ഗോയൽ, പാർലമെന്‍ററി കാര്യ മന്ത്രി പ്രഹ്ലാദ് ജോഷി എന്നിവരും യോഗത്തിൽ സർക്കാരിനെ പ്രതിനിധീകരിച്ച് പങ്കെടുത്തു. വിലക്കയറ്റം, തൊഴിലില്ലായ്മ, സാമൂഹിക സംഘർഷം, മണിപ്പുർ സാഹചര്യം തുടങ്ങിയ വിഷയങ്ങൾ സർവകക്ഷിയോഗത്തിൽ പാർട്ടി ഉന്നയിച്ചതായി കോണ്‍ഗ്രസ് എംപി പ്രമോദ് തിവാരി വ്യക്തമാക്കി. വനാവകാശ നിയമം പാസാക്കിയതുപോലെ മത്സ്യത്തൊഴിലാളികൾക്ക് കടലിന്‍റെ അവകാശം നൽകുന്ന ബിൽ പാസാക്കണമെന്ന് സർവകക്ഷി യോഗത്തിൽ പങ്കെടുത്ത കേരള കോണ്‍ഗ്രസ്-എം ചെയർമാൻ ജോസ് കെ. മാണി ആവശ്യപ്പെട്ടു. മണിപ്പുർ കലാപത്തിന് പരിഹാരമായിട്ടില്ലെന്നും പ്രത്യേക സമ്മേളനത്തിൽ കേന്ദ്രസർക്കാർ അതിനുള്ള പരിഹാരങ്ങൾ നിർദേശിക്കണമെന്നും ആവശ്യപ്പെട്ട ജോസ് കെ. മാണി റബർ കർഷകരെ സംരക്ഷിക്കുന്നതിന് കേന്ദ്ര നയങ്ങളിൽ അടിയന്തരമായ മാറ്റം വരുത്തണമെന്നും ആവശ‍്യപ്പെട്ടു. പത്തു വർഷത്തിലേറെയായി റബർ കർഷകർ അനുഭവിക്കുന്ന പ്രതിസന്ധിക്ക് കാരണം കേന്ദ്ര നയങ്ങളാണെന്നും ജോസ് കെ. മാണി ചൂണ്ടിക്കാട്ടി.

കേരള കോണ്‍ഗ്രസ്-എം വൈസ് ചെയർമാൻ തോമസ് ചാഴികാടനും യോഗത്തിൽ പങ്കെടുത്തു.

കേരളത്തിൽനിന്നുള്ള എംപിമാരായ ബിനോയ് വിശ്വം, ഇ.ടി. മുഹമ്മദ് ബഷീർ, എളമരം കരീം തുടങ്ങിയവരും സർവകക്ഷിയോഗത്തിൽ പങ്കെടുത്തു.

Latest Articles

വനിതാ ഐപിഎല്ലിൽ യുപി വാരിയേഴ്സ്-മുംബൈ ഇന്ത്യൻസ് മത്സരത്തിനിടെ സുരക്ഷാ ഉദ്യോഗസ്ഥരുടെ കണ്ണുവെട്ടിച്ച് ഗ്രൗണ്ടിലേക്ക് ഓടിയിറങ്ങിയ ആരാധകനെ തടഞ്ഞ് വാരിയേഴ്സ് ക്യാപ്റ്റൻ അലീസ ഹീലി. മുുംബൈ ടീം ബാറ്റ് ചെയ്യുന്നതിനിടെയാണ് ആരാധകൻ ഗ്രൗണ്ടിലേക്ക് ഓടിയിറങ്ങി പിച്ചിന് അടുത്തെത്തിയത്.

ബെംഗളൂരു നമ്മ മെട്രോ ട്രെയിനിൽ യാത്ര ചെയ്യാനെത്തിയകർഷകനെ മുഷിഞ്ഞ വസ്ത്രം ധരിച്ചെന്നതിൻ്റെ പേരിൽ തടഞ്ഞ സുരക്ഷാ ജീവനക്കാരനെ ബെംഗളൂരു മെട്രോ റെയിൽ കോർപറേഷൻ പിരിച്ചുവിട്ടു. രാജാജിനഗർ മെട്രോ ‌സ്റ്റേഷനിലാണു സംഭവം.

മുസ്‌ലിം പ്രീണനം ആരോപിച്ച് മുഖ്യമന്ത്രി സിദ്ധരാമയ്യയെ 'സിദ്ധരാമുള്ള ഖാൻ' എന്നു വിളിച്ചാക്ഷേപിച്ചതിന് ബിജെപി എംപി അനന്ത്കുമാർ ഹെഗ്ഡെയ്ക്ക് എതിരെ പൊലീസ് കേസെടുത്തു. മതവിഭാഗത്തെ ആക്ഷേപിച്ചതിനു പുറമേ വിദ്വേഷ പ്രസംഗം നടത്തിയെന്ന കുറ്റവും ചുമത്തി ഉത്തരകന്നഡയിലെ മുണ്ട്ഗോഡ് പൊലീസാണു കേസെടുത്തത്.

ജോ ബൈഡനെ നീക്കണമെന്ന് കമല ഹാരിസിനോട് അറ്റോർണി ജനറൽ; പൊതു ഇടപഴകലുകളിലും വിദേശ നേതാക്കളുമായുള്ള ആശയവിനിമയത്തിലും ബൈഡന്റെ വിവരമില്ലായ്മ പ്രകടമായ സന്ദർഭങ്ങളുണ്ടായിരുന്നെന്നും തന്റെ അഭ്യർത്ഥനയുടെ നിയമപരമായ അടിസ്ഥാനം അടിവരയിട്ട് മോറിസി ചൂണ്ടിക്കാട്ടിയത്

യുകെ അടക്കമുള്ള രാജ്യങ്ങളിലെ സാംസങ്ങ് ഗാലക്സി ആൻഡ്രോയ്ഡ് ഉപഭോക്താക്കളെ ലക്ഷ്യം വെച്ച് ഓൺലൈൻ ക്രിമിനലുകൾ രംഗത്ത്; 61 രാജ്യങ്ങളിൽ 1800 ബാങ്കിംഗ് ആപ്ലിക്കേഷനുകൾ ഹാക്ക് ചെയ്യാൻ സാധ്യത; യുകെയിലെ 48 ബാങ്കുകളും ലിസ്റ്റിൽ

Instagram

Magnavision TV

Magnavision ltd is an Indian general entertainment channel broadcasting in Malayalam over internet protocol. This channel is to promote unity, encouraging talents from around the world, providing news, entertainment programmes, dances, movies, talk shows and songs.

© Copyright 2023. All Rights Reserved

crossmenu