ബ്രിട്ടനിൽ പോലീസ് സേനയുടെ പ്രവർത്തനങ്ങൾ പലപ്പോഴും അത്ഭുതപ്പെടുത്തുന്നതാണ്. മോഷണം നടന്ന സ്ഥലത്ത് ചെന്ന് നോക്കാൻ പോലും പോലീസ് എത്തുന്നില്ലെന്നതാണ് സ്ഥിതി. കവർച്ച ചെയ്യപ്പെട്ടാലും, പിടിച്ചുപറി നടന്നാലും യാതൊരു നടപടിയും കൂടാതെ കേസ് അവസാനിപ്പിക്കുന്നത് വർദ്ധിക്കുകയാണ്. എന്നാൽ കൂടുതൽ പോലീസുകാരെ നൽകി ഈ പ്രശ്‌നത്തിന് പരിഹാരം കാണുമെന്നാണ് പ്രധാനമന്ത്രി ഋഷി സുനാകിന്റെ പക്ഷം.

-------------------aud--------------------------------

പൊതുതെരഞ്ഞെടുപ്പ് വാഗ്ദാനങ്ങളുടെ കൂട്ടത്തിലാണ് പുതുതായി 8000 പോലീസ് ഉദ്യോഗസ്ഥരെ ഇറക്കുമെന്ന് ഋഷി സുനാക് പ്രഖ്യാപിച്ചിരിക്കുന്നത്. എന്നാൽ ഇതിന് ആവശ്യമായ തുക വിസ ഫീസ് വർദ്ധിപ്പിച്ച് കണ്ടെത്തുമെന്നും പ്രധാനമന്ത്രി കൂട്ടിച്ചേർക്കുന്നു. കുറ്റകൃത്യങ്ങൾ കുറയ്ക്കാൻ കൂടുതൽ അധികാരങ്ങളുള്ള 'കൂടുതൽ ബോബീസ്' രംഗത്തിറങ്ങുമെന്ന് സുനാക് പറഞ്ഞു . ലേബർ പാർട്ടി ചൈൽഡ്‌കെയറിലേക്ക് ശ്രദ്ധ തിരിക്കുകയും, 100,000 പുതിയ നഴ്‌സറി സീറ്റുകൾ നൽകുമെന്ന് വാഗ്ദാനം ചെയ്യുകയുമുണ്ടായി. ഈ ഘട്ടത്തിലാണ് പ്രചരണത്തിന്റെ മൂന്നാം ആഴ്ചയിൽ നീതിയും,നിയമവും ഉപയോഗിക്കാൻ സുനാക് ശ്രമിക്കുന്നത്.
ഇമിഗ്രേഷൻ ഹെൽത്ത് സർചാർജ്ജിൽ വിദ്യാർത്ഥികൾക്ക് നൽകിവരുന്ന ഡിസ്‌കൗണ്ട് പിൻവലിച്ചും, എല്ലാ വിസാ ഫീസിലും 25% അധിക ചാർജ്ജ് ഈടാക്കിയും കൂടുതൽ പോലീസുകാർക്കുള്ള പണം കണ്ടെത്തുമെന്നാണ് സുനാകിന്റെ പ്രഖ്യാപനം. ഇതുവഴി ആകെ ചെലവുള്ള 818 മില്ല്യണിൽ 600 മില്ല്യണും ഒഴുകിയെത്തും.