മൂന്ന് വർഷങ്ങളിൽ 50 ലക്ഷത്തോളം പേർക്ക് മോർട്ട്ഗേജ് നിരക്ക് ഗണ്യമായി വർദ്ധിക്കുമെന്നു മുന്നറിയിപ്പ്

07/12/23

വർദ്ധിച്ചു വരുന്ന പലിശ നിരക്ക് വെല്ലുവിളികൾ മൂലം അടുത്ത മൂന്ന് വർഷത്തിനുള്ളിൽ ബ്രിട്ടനിലെ അൻപത് ലക്ഷത്തോളംവരുന്ന മോർട്ട്ഗേജ് തിരിച്ചടവിൽ നൂറു കണക്കിന് പൗണ്ടിന്റെ വർദ്ധനവ് ഉണ്ടാകുമെന്ന് ബാങ്ക് ഓഫ് ഇംഗ്ലണ്ടിന്റെ മുന്നറിയിപ്പ്. 2021-ൽ പലിശ നിരക്ക് ഉയരാൻ തുടങ്ങിയതോടെ പകുതിയോളം മോർട്ട്ഗേജ് ഉടമകൾ പുതിയ ഫിക്സ്ഡ് റേറ്റ് ഡീലിലേക്ക് മാറിയിട്ടുണ്ട്. ഇവരുടെ എണ്ണം ഏകദേശം അൻപത് ലക്ഷത്തോളം വരും. 

ബാക്കിയുള്ള ഏതാണ് അൻപത് ലക്ഷത്തോളം മോർട്ട്ഗേജ് ഉടമകൾ 2026 അവസാനത്തോടെ തിരിച്ചടവ് തുകയിൽ വൻ വർദ്ധനവ് നേരിടുംഎന്നാണ് ഏറ്റവും പുതിയ ഫിനാൻഷ്യൽ സ്റ്റെബിലിറ്റി റിപ്പോർട്ടിൽ എഫ് പി സി പറയുന്നത്.

കഴിഞ്ഞ ഒന്നുരണ്ട് മാസങ്ങളായി പലിശ നിരക്ക് മാറാതെ തുടരുന്നുണ്ടെങ്കിലും, അതിന് മുൻപുണ്ടായ വർദ്ധനവ് കാരണം ഒരു ഫിക്സ്ഡ് ഡീലീന്റെ കാലാവധി കഴിയുന്ന ഉപഭോക്താക്കൾക്ക് ഉയർന്ന തിരിച്ചടവ് തുകയാണ് ലഭിക്കുന്നത്. അതിന്റെ ഫലമായി ഏതാണ്ട് 5 ലക്ഷം കുടുംബങ്ങൾക്ക് 2024 അവസാനമാകുമ്പോഴേക്കും മോർട്ട്ഗേജ് തിരിച്ചടവ് തുകയിൽ 55 പൗണ്ടിന്റെ വർദ്ധനവ് പ്രതീക്ഷിക്കാം.

അതുപോലെ ഉയർന്ന അടവ് തവണ തുക കുടിശ്ശിക നേരിയ തോതിൽ വർദ്ധിപ്പിച്ചിട്ടുണ്ട്. വരും വർഷങ്ങളിൽ കൂടുതൽ പേർ അവരുടെ പേയ്മെന്റ് കൃത്യ സമയത്ത് നടത്തുന്നതിൽ പരാജയപ്പെട്ടേക്കാം. എന്നിരുന്നാലും, മതിയായ മൂലധനം യു കെ ബാങ്കുകൾക്ക് ഉള്ളതിനാൽ ഈ പ്രതിസന്ധി മറികടക്കാൻ അവയ്ക്ക് കഴിയുമെന്നാണ് ബാങ്ക് ഓഫ് ഇംഗ്ലണ്ടിന്റെ ഫിനാൻഷ്യൽ പോളിസി കമ്മിറ്റി വിലയിരുത്തുന്നത്.

യു എസ്സ് ലോംഗ് ഡേറ്റഡ് ബോണ്ട് യീൽഡ്സ് അതായത്  സർക്കാരിന്റെ വായ്പയ്ക്ക് മേലുള്ള പലിശ കഴിഞ്ഞ ജൂലൈ മുതൽ വർദ്ധിച്ചു വരികയാണ് യു കെ, യൂറോപ്യൻ യൂണിയൻ, ജപ്പാൻ എന്നിവിടങ്ങളിലെ സ്ഥിതിയും മറിച്ചല്ല.ചൈനയിലെ പ്രോപ്പർട്ട് മാർക്കറ്റ് താഴേക്ക് പോവുകയാണ് ഇത് സമ്പദ്ഘടനയുടെ മറ്റ് മേഖലകളെയും പ്രതികൂലമായി ബാധിക്കും. ഇത് അതിശക്തമായ വെല്ലുവിളിയാണ് ഉയർത്തുന്നതെന്നും എഫ് പി സി വിലയിരുത്തി.

Latest Articles

ജോ ബൈഡനെ നീക്കണമെന്ന് കമല ഹാരിസിനോട് അറ്റോർണി ജനറൽ; പൊതു ഇടപഴകലുകളിലും വിദേശ നേതാക്കളുമായുള്ള ആശയവിനിമയത്തിലും ബൈഡന്റെ വിവരമില്ലായ്മ പ്രകടമായ സന്ദർഭങ്ങളുണ്ടായിരുന്നെന്നും തന്റെ അഭ്യർത്ഥനയുടെ നിയമപരമായ അടിസ്ഥാനം അടിവരയിട്ട് മോറിസി ചൂണ്ടിക്കാട്ടിയത്

യുകെ അടക്കമുള്ള രാജ്യങ്ങളിലെ സാംസങ്ങ് ഗാലക്സി ആൻഡ്രോയ്ഡ് ഉപഭോക്താക്കളെ ലക്ഷ്യം വെച്ച് ഓൺലൈൻ ക്രിമിനലുകൾ രംഗത്ത്; 61 രാജ്യങ്ങളിൽ 1800 ബാങ്കിംഗ് ആപ്ലിക്കേഷനുകൾ ഹാക്ക് ചെയ്യാൻ സാധ്യത; യുകെയിലെ 48 ബാങ്കുകളും ലിസ്റ്റിൽ

Instagram

Magnavision TV

Magnavision ltd is an Indian general entertainment channel broadcasting in Malayalam over internet protocol. This channel is to promote unity, encouraging talents from around the world, providing news, entertainment programmes, dances, movies, talk shows and songs.

© Copyright 2023. All Rights Reserved

crossmenu