രണ്ടാം മോദി സര്‍ക്കാരിര് മണിക്കൂറുകള്‍ക്കുള്ളില്‍ അവസാന ബജറ്റ് ലോകസഭയില്‍ അവതരിപ്പിക്കും. ഇടക്കാല ബജറ്റാണ് ധനമന്ത്രി നിര്‍മല സീതാരാമന്‍ അവതരിപ്പിക്കുന്നത് പൊതു തെരഞ്ഞെടുപ്പ് അടുത്ത പശ്ചാത്തലത്തില്‍.നിലവിലെ സര്‍ക്കാര്‍ പൂര്‍ണ ബജറ്റ് തിരഞ്ഞെടുപ്പ് വര്‍ഷത്തില്‍ അവതരിപ്പിക്കാറില്ല. ഹ്രസ്വകാലത്തേയ്ക്ക് വരുന്ന ചെലവും പ്രതീക്ഷിക്കുന്ന വരവും അടങ്ങുന്ന ഇടക്കാല ബജറ്റാണ് അവതരിപ്പിക്കാറ്. പുതിയ സര്‍ക്കാര്‍ അധികാരത്തില്‍ വന്ന ശേഷം പൂര്‍ണ ബജറ്റ് അവതരിപ്പിക്കുന്നതാണ് രീതി. പൂര്‍ണ ബജറ്റ് എന്നുപറഞ്ഞാൽ ഒരു സാമ്പത്തിക വര്‍ഷം മുഴുവനായി പ്രതീക്ഷിക്കുന്ന വരവും ചെലവും അടങ്ങുന്ന സാമ്പത്തിക രേഖയാണ്.
ഇടക്കാല ബജറ്റില്‍ സര്‍ക്കാരിന്റെ എസ്റ്റിമേറ്റിൽ ചെലവ്, വരുമാനം, ധനക്കമ്മി, സാമ്പത്തിക പ്രകടനം, ഏതാനും മാസത്തേക്കുള്ള പ്രവചനങ്ങള്‍ എന്നിവ ഉള്‍പ്പെടുന്നു. വലിയ നയപ്രഖ്യാപനങ്ങള്‍ സാധാരണയായി ഇടക്കാല ബജറ്റ് അവതരണ വേളയില്‍ ഉണ്ടാവാറില്ല. ഈ കീഴ് വഴക്കം പുതിയ സര്‍ക്കാരിന് ബുദ്ധിമുട്ട് സൃഷ്ടിക്കാതിരിക്കാനാണ്. വോട്ടുബാങ്കായ മധ്യവര്‍ഗത്തെ ലക്ഷ്യമിട്ടുള്ള ബിജെപിയുടെ പ്രഖ്യാപനങ്ങളും ഉണ്ടാകും. ആദായ നികുതിയില്‍ വലിയ ഇളവുകള്‍ക്ക് സാധ്യതയുണ്ട്. കിസാന്‍ സമ്മാന്‍ നിധിയിലുള്ള വനിത കര്‍ഷകര്‍ക്ക് 6000 ൽ നിന്ന് 12,000 രൂപയാക്കി പ്രധാനമന്ത്രി സഹായം വര്‍ധിപ്പിച്ചേക്കും.
© Copyright 2023. All Rights Reserved
