മോർട്ട്‌ഗേജ് വിപണി കാത്തിരിക്കുന്ന വാർത്ത. ക്രെഡിറ്റ് കാർഡിൽ ഉൾപ്പെടെ കടമെടുത്തിട്ടുള്ള എല്ലാവർക്കും ഈ വാർത്ത ചെറിയ ആശ്വാസമല്ല നൽകുന്നത്. കാരണം പലിശ നിരക്ക് കുറയ്ക്കാൻ പോകുന്നുവെന്ന് കേട്ടാൽ ഏതൊരു കടക്കാരനും സ്വാഭാവികമായും ആശ്വാസമാകുമല്ലോ!
എന്തായാലും 2008 സാമ്പത്തിക പ്രതിസന്ധിക്ക് ശേഷമുള്ള ഏറ്റവും വേഗത്തിലാണ് പലിശ നിരക്കുകൾ താഴുകയെന്നാണ് ഇക്കണോമിസ്റ്റുകളുടെ പ്രവചനം.

-------------------aud--------------------------------

ഏതാനും വർഷങ്ങൾക്കിടെയുള്ള മാനംമുട്ടെ ഉയർന്ന് നിൽക്കുന്ന കടമെടുപ്പ് ചെലവുകൾ നേരിടുന്ന മോർട്ട്‌ഗേജ് ഉപഭോക്താക്കൾക്ക് ഈ കണക്കുകൾ വലിയ ആശ്വാസമാണ് സമ്മാനിക്കുന്നത്.  അടുത്ത ആഴ്ച പലിശ നിരക്കുകൾ നിലവിലെ 4.5 ശതമാനത്തിൽ നിന്നും 4.25 ശതമാനത്തിലേക്ക് കുറയ്ക്കുമെന്നാണ് പ്രതീക്ഷിക്കുന്നതെന്ന് ടൈംസ് റിപ്പോർട്ട് ചെയ്യുന്നു. ഈ വർഷം വരാനിരിക്കുന്ന മറ്റ് നിരവധി വെട്ടിക്കുറവുകളുടെ തുടക്കമാകും ഇതെന്നാണ് സൂചന. അടുത്ത ഒന്നര വർഷത്തിനുള്ളിൽ ഒരു ശതമാനം വരെ നിരക്ക് കുറയുമെന്നാണ് കരുതുന്നത്.