ലേബർ പാർട്ടിയുടെ ലീഡ് കണ്ട് ഭയക്കേണ്ട, ടോറികൾക്ക് ഇനിയും വിജയിക്കാം; കൺസർവേറ്റീവ് വിശ്വാസികൾക്ക് പ്രതീക്ഷ നൽകി മുൻ ബ്രക്‌സിറ്റ് സെക്രട്ടറി ഡേവിഡ് ഡേവിസ്

02/01/24

അടുത്ത പൊതുതെരഞ്ഞെടുപ്പ് വിജയിക്കാൻ കൺസർവേറ്റീവുകൾക്ക് സാധിക്കുമോ? സകലമാന സർവ്വെകളും ടോറികൾക്ക് എതിരാണ്. എന്നാൽ കൺസർവേറ്റീവ് പാർട്ടിക്ക് ഇനിയുമൊരു അങ്കത്തിന് ബാല്യമുണ്ടെന്നാണ് മുൻ ബ്രക്‌സിറ്റ് സെക്രട്ടറി ഡേവിഡ് ഡേവിസ് ഓരോ ടോറി എംപിക്കും അയച്ച ന്യൂഇയർ സന്ദേശത്തിൽ വ്യക്തമാക്കുന്നത്.
തെരഞ്ഞെടുപ്പ് എങ്ങനെ വിജയിക്കാൻ കഴിയുമെന്ന് ഡേവിഡ് ഡേവിസ് അക്കമിട്ട് നിരത്തുന്നുണ്ട്. പ്രതീക്ഷ കൈവിടേണ്ട സാഹചര്യമില്ലെന്നും അദ്ദേഹം ഓർമ്മിപ്പിക്കുന്നു. ലേബർ ഇപ്പോഴും 20 ശതമാനം പോൾ ലീഡ് നിലനിർത്തുന്നുണ്ടെങ്കിലും മാർഗററ്റ് താച്ചറുടെ പാത പിന്തുടർന്നാൽ വിജയം സുനിശ്ചിതമാണെന്ന് ഡേവിസ് ചൂണ്ടിക്കാണിച്ചു.

കഴിഞ്ഞ മാസം റുവാൻഡ മൈഗ്രന്റ് സ്‌കീമിന്റെ പേരിൽ വോട്ടെടുപ്പിൽ നിന്നും വിട്ടുനിന്ന 38 എംപിമാരെയാണ് മുൻ ബ്രക്‌സിറ്റ് സെക്രട്ടറി ലക്ഷ്യമിട്ടത്. അടുത്ത തെരഞ്ഞെടുപ്പ് തോൽക്കുമെന്ന് ഉറപ്പിച്ചാണ് എംപിമാരിൽ പലരും നീങ്ങുന്നത്. ഇത് കല്ലിൽ കൊത്തിവെച്ച പോലെയാണ്. എന്നാൽ എന്റെ 36 വർഷത്തെ അനുഭവത്തിൽ ഇത് തെറ്റാണെന്ന് പറയാൻ കഴിയും, ഡേവിഡ് ഡേവിസ് പറയുന്നു.
ഋഷി സുനാകിന്റെ നേതൃത്വത്തിന്റെ വലിയ ആരാധകൻ അല്ലാത്ത, നിഷ്പക്ഷവാദിയായ മുൻ മന്ത്രി ഇത്തരമൊരു നീക്കം നടത്തിയത് ഡൗണിംഗ് സ്ട്രീറ്റിനും ആശ്വാസമാകും. മാർഗററ്റ് താച്ചർ 1986-ൽ സ്വന്തം മന്ത്രിമാരിൽ നിന്നും പ്രതിസന്ധി നേരിട്ടു, ഡിഫൻസ് സെക്രട്ടറി ഉൾപ്പെടെ രാജിവെച്ചു. പക്ഷെ തൊട്ടടുത്ത വർഷം 100-ലേറെ സീറ്റുകളുടെ ഭൂരിപക്ഷത്തിൽ താച്ചർ വിജയിച്ചുകയറി, ഡേവിഡ് ഓർമ്മിപ്പിച്ചു.
റുവാൻഡ പ്ലാൻ നിയമമായി, നൂറുകണക്കിന് കുടിയേറ്റക്കാരെ ആഫ്രിക്കയിലേക്ക് അയച്ചാൽ ഇത് കളിമാറ്റുമെന്ന് അദ്ദേഹം പ്രവചിക്കുന്നു. കൂടാതെ മാർച്ചിലെ ബജറ്റ് നികുതികൾ കുറയ്ക്കുന്നതായി മാറുകയും ചെയ്താൽ ഇത് ടോറികളെ വിജയത്തിലേക്ക് നയിക്കുന്ന ഘടകങ്ങളായി മാറുമെന്നും ഡേവിഡ് ഡേവിസ് ചൂണ്ടിക്കാണിച്ചു.

Latest Articles

ജോ ബൈഡനെ നീക്കണമെന്ന് കമല ഹാരിസിനോട് അറ്റോർണി ജനറൽ; പൊതു ഇടപഴകലുകളിലും വിദേശ നേതാക്കളുമായുള്ള ആശയവിനിമയത്തിലും ബൈഡന്റെ വിവരമില്ലായ്മ പ്രകടമായ സന്ദർഭങ്ങളുണ്ടായിരുന്നെന്നും തന്റെ അഭ്യർത്ഥനയുടെ നിയമപരമായ അടിസ്ഥാനം അടിവരയിട്ട് മോറിസി ചൂണ്ടിക്കാട്ടിയത്

യുകെ അടക്കമുള്ള രാജ്യങ്ങളിലെ സാംസങ്ങ് ഗാലക്സി ആൻഡ്രോയ്ഡ് ഉപഭോക്താക്കളെ ലക്ഷ്യം വെച്ച് ഓൺലൈൻ ക്രിമിനലുകൾ രംഗത്ത്; 61 രാജ്യങ്ങളിൽ 1800 ബാങ്കിംഗ് ആപ്ലിക്കേഷനുകൾ ഹാക്ക് ചെയ്യാൻ സാധ്യത; യുകെയിലെ 48 ബാങ്കുകളും ലിസ്റ്റിൽ

Instagram

Magnavision TV

Magnavision ltd is an Indian general entertainment channel broadcasting in Malayalam over internet protocol. This channel is to promote unity, encouraging talents from around the world, providing news, entertainment programmes, dances, movies, talk shows and songs.

© Copyright 2023. All Rights Reserved

crossmenu