ലോക സിനിമാ ചരിത്രത്തിൽ പുതുചരിത്രമെഴുതുന്ന 3D ബൈബിൾ സിനിമ ‘Jesus and Mother Mary’-യുടെ ടൈറ്റിൽ 3D പോസ്റ്റർ വത്തിക്കാനിൽ വെച്ച് പ്രകാശനം ചെയ്തു.ഹോളിവുഡിലും, യു എ ഇ ലും ആസ്ഥാനമായ റാഫേൽ ഫിലിം പ്രൊഡക്ഷൻസ് ആണ് ഈ സിനിമ ഇംഗ്ലീഷ് ഭാഷയിലും മറ്റു ഭാഷകളിലേക്കും നിർമ്മിക്കുന്നത് . സിനിമയുടെ 3D പോസ്റ്റർ പ്രകാശന ചടങ്ങ് പോപ്പ് ഫ്രാൻസിസ് അനുഗ്രഹിച്ചതോടെ  ലോക സിനിമാ ലോകം ഈ പ്രോജക്റ്റിനെ വലിയ ആവേശത്തോയാണ് ഉറ്റുനോക്കുന്നത് .
ലോകത്തിന്റെ വിവിധ ഭാഗങ്ങളിൽ നിന്നുള്ള 150-ലധികം ആളുകൾ പങ്കെടുത്തിരുന്ന ചടങ്ങിൽ സിനിമയുടെ നിർമാതാവായ റാഫേൽ പോഴോലിപറമ്പിൽ മാർപാപ്പയ്ക്ക് മാർപാപ്പയുടെ തന്നെ മനോഹരമായ 3D ഫോട്ടോ സമ്മാനിച്ചുകൊണ്ട് പ്രത്യേക ശ്രദ്ധ നേടിയിരുന്നു.
റാഫേൽ പൊഴോലിപറമ്പിൽ നിർമ്മിക്കുന്ന സിനിമ സംവിധാനം ചെയ്യുന്നത് തോമസ് ബെഞ്ചമിൻ ആണ്. ജീമോൻ പുല്ലേലി ഈ സിനിമയുടെ   പ്രോജക്ട് ഡിസൈനിഗിംനും ടെക്നിക്കൽ  ഡയറക്ഷനും നേതൃത്വം നൽകുന്നു.
റാഫേൽ ഫിലിം പ്രൊഡക്ഷൻസിന്റെ ബാനറിൽ നിർമിക്കുന്ന ഈ സിനിമയിൽ സഹ നിർമ്മാണത്തിലേക്ക് ഖത്തർ വ്യവസായിയായ ഡേവിസ്  ഇടകളത്തുരും , യു എ ഇ - ഇന്ത്യയിൽ നിന്നുമായി 10ഓളം പേരും കൈ കോർക്കുന്നു .
ലോക സിനിമയെ തന്നെ 3D എഫക്ട്സ് കൊണ്ട് അവതാറിലൂടെ വിസ്മയിപ്പിച്ച  ചക്ക് കോമിസ്കി ഈ പ്രോജക്ടിന്റെ 3D കൈകാര്യം ചെയ്യുന്നു. ബ്രിട്ടനും ഇറ്റലിയിലും ആസ്ഥാനമാക്കിയ മേക്കപ്പ് സ്പെഷ്യലിസ്റ്റ് കമ്പനിയായ മക്കിനാരിയം പ്രോസ്തെറ്റിക് മേക്കപ്പിന് നേതൃത്വം നൽകുന്നു. ഹോങ്‌കോങ്ങ് ആസ്ഥാനമായ ക്യാമെക്സ് ആർട്ട് പ്രൊഡക്ഷൻ നിർവ്വഹിക്കുന്നു. 3D സ്റ്റീരിയോയോസ്‌കോപിക് പ്രൊഡക്ഷൻ ദുബായ് - ഇന്ത്യൻ ആസ്ഥാനമായ XRFX കൈകാര്യം ചെയ്യുന്നു. പോസ്റ്റ് പ്രൊഡക്ഷൻ ചുമതല ഇന്ത്യൻ സ്ഥാപനം ആയ CG park ആണ് നിർവഹിക്കുന്നത്
3D സിനിമാ സാങ്കേതികവിദ്യയുടെ  പുതുസാധ്യതകളെ  ഉപയോഗിച്ചുകൊണ്ട് നിർമ്മിക്കുന്ന ഈ വമ്പൻ ബജറ്റ് സിനിമ ആഗോളതലത്തിലുള്ള ജനങ്ങളിലേക്ക് 3ഡിയിലൂടെ പുതു ദൃശ്യവിസ്മയം ഏറ്റവും മികച്ച രീതിയിൽ എത്തിക്കാനാണ് റാഫേൽ ഫിലിം പ്രൊഡക്ഷൻ ലക്ഷ്യമിടുന്നത്.
പി ആർ ഓ മഞ്ജു ഗോപിനാഥ്