വാടക കുടിശ്ശിക വരുത്തിയതുൾപ്പടെയുള്ള കുറ്റങ്ങൾക്ക് 35,000 വീടുകൾ നോ-ഫോൾട്ട് എവിക്ഷൻ ഉപയോഗിച്ച് ഒഴിപ്പിക്കാൻ ഒരുങ്ങി കോടതി...

15/11/23

നോ-ഫോൾട്ട് എവിക്ഷൻ ഉപയോഗിച്ച് 35,000 ഓളം കുടുംബങ്ങളെ ഒഴിപ്പിക്കാൻ ഒരുങ്ങുകയാണ് കോടതി. വാടക കുടിശ്ശിക ഇല്ലാത്തതോ, വാടകക്കാരുടെ പെരുമാറ്റ ദൂഷ്യമോ ഇല്ലാതെ തന്നെ വാടകക്കാരെ ഒഴിപ്പിച്ച് വീട് സ്വന്തമാക്കാൻ ഉടമസ്ഥർക്ക് സാധിക്കുന്ന ഈ അവകാശം നിർത്തലാക്കുമെന്ന് തെരേസ മേയുടെ കാലം മുതൽ മാറിമാറി വന്ന സർക്കാരുകൾ ആവർത്തിച്ചു പറയുന്നുണ്ടെങ്കിലും അത് ഇതുവരെ യാഥാർത്ഥ്യമായിട്ടില്ല.ഈ പരിഷ്‌കാരം തുടർച്ചയായി വൈകിപ്പിച്ചു കൊണ്ടിരിക്കുകയാണ്. അടുത്ത പൊതു തെരെഞ്ഞെടുപ്പ് പ്രഖ്യാപിക്കുന്നത് വരെയെങ്കിലും ഇത് ഒരു നിയമമാകാനുള്ള സാധ്യതയും ഇല്ല. അതുകൊണ്ടു തന്നെ കോടതി നടപടികൾ വഴി ആയിരക്കണക്കിന് വാടകക്കാരെയാണ് ഒഴിപ്പിക്കാൻ തുനിയുന്നത്. സെക്ഷൻ 21 എവിക്ഷൻസ് താൻ നീക്കം ചെയ്യുമെന്ന് 2019. തെരേസാ മേ പറഞ്ഞതിനു ശേഷം ഇതുവരെ 23,000 കുടുംബങ്ങളെ വ്യത്യസ്ത കൗണ്ടി കോടതി ഉദ്യോഗസ്ഥർ കുടിയൊഴിപ്പിച്ചിട്ടുണ്ട് എന്ന് കണക്കുകൾ വ്യക്തമാക്കുന്നു.കഴിഞ്ഞയാഴ്ച്ച പുറത്തു വന്ന കണക്കുകൾ പ്രകാരം ഈവർഷം ഇപ്രകാരം കുടിയൊഴിപ്പിക്കപ്പെടുന്ന കുടുംബങ്ങളുടെ എണ്ണം കഴിഞ്ഞ വർഷത്തിന്റേതിന്റെ38 ശതമാനം കൂടുതലാണ്.ഇതോടെ വാടകക്കാരുടെ സംഘങ്ങൾ നോ ഫോൾട്ട് എവിക്ഷനെതിരെ ശക്തമായി രംഗത്തെത്തിയിട്ടുണ്ട്. ഈ പ്രവണത 2024 അവസാനം വരെ തുടരുകയാണെങ്കിൽ 35,000 ഓളം കുടുംബങ്ങൾ കുടിയൊഴിപ്പിക്കപ്പെടും. അതോടൊപ്പം 1,18,000ൽ അധികം കുടുംബങ്ങളെ സെക്ഷൻ 21 പ്രകാരം കോടതി നടപടികളിലേക്ക് വലിച്ചിഴക്കുകയും ചെയ്യും എന്നാണ് ഗാർഡിയൻ പത്രം പ്രസിദ്ധീകരിച്ച വിശകലന റിപ്പോർട്ടിൽ പറയുന്നത്.ഹൗസിംഗ് സൊസൈറ്റിയായ ഷെൽട്ടർ കഴിഞ്ഞയാഴ്ച്ച പറഞ്ഞത് വാടകക്കാരിൽ പത്തിൽ ഒന്ന് പേർക്കും ഈ ശൈത്യകാലത്ത് വീടുകൾ നഷ്ടപ്പെടുമെന്ന നിലയിലാണ് എന്നാണ്. മാത്രമല്ല, നേഷൻവൈഡ് ബിൽഡിംഗ് സൊസൈറ്റിയുടെ സാമ്പത്തിക പിന്തുണയോടെ, അവർ യുഗവുമായി ചേർന്ന് നടത്തിയ സർവ്വേയിൽ തെളിഞ്ഞത് ഇംഗ്ലണ്ടിലെ 43 ശതമാനം വാടകക്കാരും, ഹൗസിംഗ് കോസ്റ്റുകൾ ഉയരുന്നത് കാരണം വീടില്ലാത്തവരായി മാറുമെന്ന ആശങ്കയിലാണ് എന്നാണ്..

Latest Articles

വനിതാ ഐപിഎല്ലിൽ യുപി വാരിയേഴ്സ്-മുംബൈ ഇന്ത്യൻസ് മത്സരത്തിനിടെ സുരക്ഷാ ഉദ്യോഗസ്ഥരുടെ കണ്ണുവെട്ടിച്ച് ഗ്രൗണ്ടിലേക്ക് ഓടിയിറങ്ങിയ ആരാധകനെ തടഞ്ഞ് വാരിയേഴ്സ് ക്യാപ്റ്റൻ അലീസ ഹീലി. മുുംബൈ ടീം ബാറ്റ് ചെയ്യുന്നതിനിടെയാണ് ആരാധകൻ ഗ്രൗണ്ടിലേക്ക് ഓടിയിറങ്ങി പിച്ചിന് അടുത്തെത്തിയത്.

ബെംഗളൂരു നമ്മ മെട്രോ ട്രെയിനിൽ യാത്ര ചെയ്യാനെത്തിയകർഷകനെ മുഷിഞ്ഞ വസ്ത്രം ധരിച്ചെന്നതിൻ്റെ പേരിൽ തടഞ്ഞ സുരക്ഷാ ജീവനക്കാരനെ ബെംഗളൂരു മെട്രോ റെയിൽ കോർപറേഷൻ പിരിച്ചുവിട്ടു. രാജാജിനഗർ മെട്രോ ‌സ്റ്റേഷനിലാണു സംഭവം.

മുസ്‌ലിം പ്രീണനം ആരോപിച്ച് മുഖ്യമന്ത്രി സിദ്ധരാമയ്യയെ 'സിദ്ധരാമുള്ള ഖാൻ' എന്നു വിളിച്ചാക്ഷേപിച്ചതിന് ബിജെപി എംപി അനന്ത്കുമാർ ഹെഗ്ഡെയ്ക്ക് എതിരെ പൊലീസ് കേസെടുത്തു. മതവിഭാഗത്തെ ആക്ഷേപിച്ചതിനു പുറമേ വിദ്വേഷ പ്രസംഗം നടത്തിയെന്ന കുറ്റവും ചുമത്തി ഉത്തരകന്നഡയിലെ മുണ്ട്ഗോഡ് പൊലീസാണു കേസെടുത്തത്.

ജോ ബൈഡനെ നീക്കണമെന്ന് കമല ഹാരിസിനോട് അറ്റോർണി ജനറൽ; പൊതു ഇടപഴകലുകളിലും വിദേശ നേതാക്കളുമായുള്ള ആശയവിനിമയത്തിലും ബൈഡന്റെ വിവരമില്ലായ്മ പ്രകടമായ സന്ദർഭങ്ങളുണ്ടായിരുന്നെന്നും തന്റെ അഭ്യർത്ഥനയുടെ നിയമപരമായ അടിസ്ഥാനം അടിവരയിട്ട് മോറിസി ചൂണ്ടിക്കാട്ടിയത്

യുകെ അടക്കമുള്ള രാജ്യങ്ങളിലെ സാംസങ്ങ് ഗാലക്സി ആൻഡ്രോയ്ഡ് ഉപഭോക്താക്കളെ ലക്ഷ്യം വെച്ച് ഓൺലൈൻ ക്രിമിനലുകൾ രംഗത്ത്; 61 രാജ്യങ്ങളിൽ 1800 ബാങ്കിംഗ് ആപ്ലിക്കേഷനുകൾ ഹാക്ക് ചെയ്യാൻ സാധ്യത; യുകെയിലെ 48 ബാങ്കുകളും ലിസ്റ്റിൽ

Instagram

Magnavision TV

Magnavision ltd is an Indian general entertainment channel broadcasting in Malayalam over internet protocol. This channel is to promote unity, encouraging talents from around the world, providing news, entertainment programmes, dances, movies, talk shows and songs.

© Copyright 2023. All Rights Reserved

crossmenu