കടുത്ത ചൂടിൽ വെന്തുരുകി ഡൽഹി നഗരം. വീണ്ടും ഡൽഹിയിൽ 47 ഡിഗ്രി സെൽഷ്യസിന് മുകളിൽ ചൂട് രേഖപ്പെടുത്തി. ജാഗ്രതയുടെ ഭാഗമായി ഡൽഹിയിൽ അടുത്ത അഞ്ചുദിവസം കേന്ദ്ര കാലാവസ്ഥ വകുപ്പ് റെഡ് അലർട്ട് പ്രഖ്യാപിച്ചു.
-------------------aud--------------------------------
ഡൽഹിയിൽ 47.4 ഡിഗ്രി സെൽഷ്യസ് ചൂടാണ് ഇന്നലെ രേഖപ്പെടുത്തിയത്. ഡൽഹിക്ക് പുറമേ സമീപ പ്രദേശങ്ങളിലും കനത്ത ചൂടാണ് അനുഭവപ്പെടുന്നത്. ഉഷ്ണതരംഗം തുടരുന്ന പശ്ചാത്തലത്തിൽ ഡൽഹിയിൽ വൈദ്യുതി ഉപഭോഗവും പാരമ്യത്തിൽ എത്തി. വൈദ്യുതി ഉപഭോഗം 7572 മെഗാവാട്ട് ആയാണ് ഉയർന്നത്. വേനലവധിക്കായി ഇതുവരെ അടയ്ക്കാത്ത സ്കൂളുകളോട് ഉടൻ തന്നെ കുട്ടികൾക്ക് അവധി അനുവദിക്കാൻ ഡൽഹി സർക്കാർ നിർദേശിച്ചു.
ഞായറാഴ്ച 44.4 ഡിഗ്രി സെൽഷ്യസ് ചൂടാണ് രേഖപ്പെടുത്തിയത്. തിങ്കളാഴ്ച സാധാരണയേക്കാൾ 3.7 ഡിഗ്രി ചൂടാണ് ഉയർന്നത്. നജഫ്ഗഡിൽ തിങ്കളാഴ്ച 47.4 ഡിഗ്രി സെൽഷ്യസാണ് രേഖപ്പെടുത്തിയത്. ദക്ഷിണപടിഞ്ഞാറൻ ഡൽഹിയിൽ ഞായറാഴ്ച രേഖപ്പെടുത്തിയ 47.8 ഡിഗ്രി സെൽഷ്യസ് രാജ്യത്ത് ഇതുവരെ രേഖപ്പെടുത്തിയ ഏറ്റവും ഉയർന്ന ചൂടാണ്. ഉഷ്ണതരംഗം തുടരുന്നതിനാൽ പകൽസമയത്ത് പരമാവധി വീടുകളിൽ തന്നെ കഴിയാനും അധികൃതർ നിർദേശിച്ചു.
© Copyright 2023. All Rights Reserved