സംസ്‌ഥാനത്തെ പാതയോരങ്ങളിലെ  അനധികൃത ബോർഡ്, ബാനർ, കൊടി:5000 രൂപ പിഴ ചുമത്താനും ഇതു സ്‌ഥാപിച്ചവർക്കെതിരെ പ്രോസിക്യൂഷൻ നടപടി ആരംഭിക്കാനും സർക്കാർ നിർദേശം നൽകി..

23/11/23

സംസ്‌ഥാനത്തെ പാതയോരങ്ങളിൽ അനധികൃതമായി സ്‌ഥാപിച്ചിട്ടുള്ള ബോർഡുകൾ, ബാനറുകൾ, കൊടിതോരണങ്ങൾ എന്നിവ ഓരോന്നിനും 5000 രൂപ പിഴ ചുമത്താനും ഇതു സ്‌ഥാപിച്ചവർക്കെതിരെ പ്രോസിക്യൂഷൻ നടപടി ആരംഭിക്കാനും സർക്കാർ നിർദേശം നൽകി. ഇതു സംബന്ധിച്ച വിധി നടപ്പാക്കാത്തതിന് സർക്കാരിനെയും തദ്ദേശ സ്ഥാപനങ്ങളെയും ഹൈക്കോടതി രൂക്ഷമായി വിമർശിച്ച സാഹചര്യത്തിലാണ് തദ്ദേശ വകുപ്പ് അഡീഷനൽ ചീഫ് സെക്രട്ടറി ശാരദ മുരളീധരൻ്റെ സർക്കുലർ. പൊതുസ്‌ഥലങ്ങളിൽ പരസ്യം സ്ഥാപിക്കുന്നതു സംബന്ധിച്ച മുനിസിപ്പാലിറ്റി നിയമത്തിലെ (1999) വ്യവസ്ഥപ്രകാരമാണ് പിഴ. ഇതിനു പുറമേ, തദ്ദേശ സ്ഥാപന അധികൃതർ ആവശ്യപ്പെടുന്നതനുസരിച്ച് പൊലീസ് കേസ് റജിസ്റ്റർ ചെയ്യും. ഗതാഗത തടസ്സം സൃഷ്‌ടിക്കുക, പൊതുജനശല്യം, പൊതുസ്‌ഥലത്ത് ജനങ്ങൾക്ക് അപകടം വരുത്തുന്ന നടപടികൾ തുടങ്ങിയ വകുപ്പുകൾ പ്രകാരമായിരിക്കും കേസ്.

ഹൈക്കോടതി നിർദേശാനുസരണം രൂപീകരിച്ച കമ്മിറ്റികളാണ് നടപടി സ്വീകരിക്കേണ്ടത്. ഇതിനായി തദ്ദേശ സ്‌ഥാപന തലത്തിൽ പ്രാദേശിക സമിതിയും ജില്ലാ തലത്തിൽ നിരീക്ഷണ സമിതിയും കഴിഞ്ഞ വർഷം ഡിസംബറിൽ രൂപീകരിച്ചു. ഇവ പരാജയമാണെന്നു കോടതി ഈ വർഷം ജനുവരിയിൽ വിലയിരുത്തി. തുടർന്ന്, കോടതി നിയോഗിച്ച അമിക്കസ് ക്യൂറിയുടെ റിപ്പോർട്ട് കുടി പരിഗണിച്ച ശേഷം ഉടനടി പിഴ ഈടാക്കി പ്രോസിക്യൂഷൻ നടപടികളിലേക്കു കടക്കാൻ കഴിഞ്ഞ മാസം നിർദേശിച്ചതോടെയാണ് ഇപ്പോഴത്തെ ഉത്തരവ്.

Latest Articles

ബെംഗളൂരു നമ്മ മെട്രോ ട്രെയിനിൽ യാത്ര ചെയ്യാനെത്തിയകർഷകനെ മുഷിഞ്ഞ വസ്ത്രം ധരിച്ചെന്നതിൻ്റെ പേരിൽ തടഞ്ഞ സുരക്ഷാ ജീവനക്കാരനെ ബെംഗളൂരു മെട്രോ റെയിൽ കോർപറേഷൻ പിരിച്ചുവിട്ടു. രാജാജിനഗർ മെട്രോ ‌സ്റ്റേഷനിലാണു സംഭവം.

മുസ്‌ലിം പ്രീണനം ആരോപിച്ച് മുഖ്യമന്ത്രി സിദ്ധരാമയ്യയെ 'സിദ്ധരാമുള്ള ഖാൻ' എന്നു വിളിച്ചാക്ഷേപിച്ചതിന് ബിജെപി എംപി അനന്ത്കുമാർ ഹെഗ്ഡെയ്ക്ക് എതിരെ പൊലീസ് കേസെടുത്തു. മതവിഭാഗത്തെ ആക്ഷേപിച്ചതിനു പുറമേ വിദ്വേഷ പ്രസംഗം നടത്തിയെന്ന കുറ്റവും ചുമത്തി ഉത്തരകന്നഡയിലെ മുണ്ട്ഗോഡ് പൊലീസാണു കേസെടുത്തത്.

ജോ ബൈഡനെ നീക്കണമെന്ന് കമല ഹാരിസിനോട് അറ്റോർണി ജനറൽ; പൊതു ഇടപഴകലുകളിലും വിദേശ നേതാക്കളുമായുള്ള ആശയവിനിമയത്തിലും ബൈഡന്റെ വിവരമില്ലായ്മ പ്രകടമായ സന്ദർഭങ്ങളുണ്ടായിരുന്നെന്നും തന്റെ അഭ്യർത്ഥനയുടെ നിയമപരമായ അടിസ്ഥാനം അടിവരയിട്ട് മോറിസി ചൂണ്ടിക്കാട്ടിയത്

യുകെ അടക്കമുള്ള രാജ്യങ്ങളിലെ സാംസങ്ങ് ഗാലക്സി ആൻഡ്രോയ്ഡ് ഉപഭോക്താക്കളെ ലക്ഷ്യം വെച്ച് ഓൺലൈൻ ക്രിമിനലുകൾ രംഗത്ത്; 61 രാജ്യങ്ങളിൽ 1800 ബാങ്കിംഗ് ആപ്ലിക്കേഷനുകൾ ഹാക്ക് ചെയ്യാൻ സാധ്യത; യുകെയിലെ 48 ബാങ്കുകളും ലിസ്റ്റിൽ

Instagram

Magnavision TV

Magnavision ltd is an Indian general entertainment channel broadcasting in Malayalam over internet protocol. This channel is to promote unity, encouraging talents from around the world, providing news, entertainment programmes, dances, movies, talk shows and songs.

© Copyright 2023. All Rights Reserved

crossmenu