ദ്യ പകുതിയുടെ ഇഞ്ചുറി ടൈമിൽ ബോക്സിന് തൊട്ടു പുറത്തു വച്ച് ലഭിച്ച ഫ്രീ കിക്കിൽ നിന്ന് ഗോളി അബ്ദുൾ റൗഫ് അൽ ദുഖായിലിനെ കാഴ്ചക്കാരനാക്കി നേടിയ ഗോളിലൂടെ റൊണാൾഡോ അൽ നസ്റിൻറെ ലീഡുയർത്തി. 85-ാം മിനിറ്റിൽ മാർസലോ ബ്രോസോവിച്ചും ഇഞ്ചുറി ടൈമിൽ രണ്ടാം ഗോൾ നേടിയ ടാലിസ്കയും അൽ നസ്റിൻറെ ഗോൾപട്ടിക പൂർത്തിയാകി. 85-ാം മിനിറ്റിൽ ഫാഷൻ കസാലയാണ് ഫെയ്ഹയുടെ ആശ്വാസ ഗോൾ നേടിയത്. കരിയറിൽ റൊണാൾഡോയുടെ 899-ാം ഗോളും ഫ്രീ കിക്കിലൂടെ നേടുന്ന 64-ാം ഗോളുമാണ് ഇന്നലെ അടിച്ചത്. ക്ലബ്ബ് ഫുട്ബോളിൽ റൊണാൾഡോയുടെ 53-ാമത്തെ ഫ്രീ കിക്ക് ഗോളാണിത്. ഇതോടെ ക്ലബ്ബ് ഫുട്ബോളിൽ 54 ഫ്രീ കിക്ക് ഗോളുകൾ നേടിയ മെസിയുടെ റെക്കോർഡിന് അരികിലെത്താനും റൊണാൾഡോക്കായി. ദേശീയ കുപ്പായത്തിൽ മെസിയും റൊണാൾഡോയും 11 ഫ്രീ കിക്ക് ഗോളുകളാണ് ഇതുവരെ നേടിയിട്ടുള്ളത്. കരിയറിൽ ആയിരം ഗോളുകൾ തികയ്ക്കുകയാണ് തൻറെ ലക്ഷ്യമെന്ന്  റൊണാൾഡോ നേരത്തെ വ്യക്തമാക്കിയിരുന്നു. അതിനായി ആദ്യം 900 മറികടക്കണമെന്നും ആയിരം ഗോളുകളിൽ എത്തുമെന്നാണ് തൻറെ പ്രതീക്ഷയെന്നും 39കാരനായ റൊണാൾഡോ വ്യക്തമാക്കിയിരുന്നു.