യുക്രൈൻ തലസ്ഥാനമായ കീവിൽ കുട്ടികളുടെ ആശുപത്രിക്ക് നേരെ റഷ്യൻ മിസൈലാക്രമണം. വിവിധയിടങ്ങളിൽ നടന്ന ആക്രമണത്തിൽ 31 പേർ കൊല്ലപ്പെട്ടു. 154 പേർക്ക് പരിക്കേറ്റു. തലസ്ഥാനമായ കീവ് അടക്കം 5 നഗരങ്ങളെ ലക്ഷ്യമാക്കി നാൽപതോളം മിസൈലുകൾ ഉപയോഗിച്ചാണ് പകൽ സമയത്ത് റഷ്യ ആക്രമണം നടത്തിയത്. കീവിലെ കുട്ടികളുടെ ഏറ്റവും വലിയ ആശുപത്രിയിലാണ് ഒരു മിസൈൽ പതിച്ചത്.

-------------------aud-------------------------------

വ്യത്യസ്ത തരത്തിലുള്ള 40 ലധികം മിസൈലുകൾ അഞ്ച് നഗരങ്ങളെ ലക്ഷ്യമിട്ടതായി യുക്രൈൻ പ്രസിഡന്റ് സെലെൻസ്‌കി സോഷ്യൽ മീഡിയയിൽ പറഞ്ഞു. റക്ഷഷ്യയുടെ 30 മിസൈലുകൾ തകർത്തതായി യുക്രൈൻ വ്യോമസേനയും അറിയിച്ചു. നാല് മാസത്തിനിടെ കീവിൽ റഷ്യ നടത്തിയ ഏറ്റവും വലിയ മിസൈൽ ആക്രമണമാണിത്. കീവ് നഗരത്തിലെ 10 മേഖലകളിൽ ഏഴിലും റഷ്യ മിസൈൽ ആക്രമണം നടത്തി. കീവിലെ കുട്ടികളുടെ ഏറ്റവും വലിയ ആശുപത്രിക്ക് നേരെയാണ് ആക്രമണമുണ്ടായത്. ആശുപത്രി കെട്ടിടത്തിനു കാര്യമായ നാശനഷ്ടമുണ്ടായി. ആക്രമണത്തിൽ ആശുപത്രിയിലെ രണ്ട് ജീവനക്കാർ ഉൾപ്പെടെ ഏഴ് പേരാണ് മരിച്ചത്.
ഹൃദ്രോഗികളുടെ ശസ്ത്രക്രിയ നടത്തുന്നതിനിടെയാണ് ആക്രമണം നടന്നതെന്നും ശസ്ത്രക്രിയ തടസപ്പെട്ടതായും റിപ്പോർട്ടുണ്ട്. മധ്യ യുക്രൈനിലെ സെലൻസ്‌കിയുടെ ജന്മസ്ഥലമായ ക്രിവി റിഹിൽ നടന്ന ആക്രമണത്തിൽ 10 പേരും കൊല്ലപ്പെട്ടു.
യുഎസിലെ വാഷിങ്ടണിൽ 3 ദിവസത്തെ നാറ്റോ സമ്മേളനം ആരംഭിക്കുന്നതിന്റെ തലേന്നാണ് റഷ്യയുടെ ആക്രമണം. വിവിധ തരം ബാലിസ്റ്റിക്, ക്രൂസ് മിസൈലുകൾ ആക്രമണത്തിന് ഉപയോഗിച്ചതായാണ് റിപ്പോർട്ടുകൾ. അതേസമയം ആശുപത്രികൾക്ക് നേരെ മിസൈൽ ആക്രമണം നടന്നുവെന്ന റിപ്പോർട്ടുകൾ റഷ്യ തളളി. യുക്രൈൻ സൈനീക താവളങ്ങൾക്ക് നേരെയാണ് ആക്രമണം നടത്തിയതെന്നും റഷ്യൻ സൈന്യം പറഞ്ഞു.