ഇ​ന്ത്യ​യു​ടെ കൗ​മാ​ര​താ​രം ഡി. ​ഗു​കേ​ഷി​ന് ലോ​ക ചെ​സ് ചാ​മ്പ്യ​ൻ​ഷി​പ് കി​രീ​ടം ഒ​ന്ന​ര പോ​യ​ന്റ് അ​രി​കെ. 11ാം ഗെ​യി​മി​ൽ ചൈ​ന​യു​ടെ നി​ല​വി​ലെ ചാ​മ്പ്യ​ൻ ഡി​ങ് ലി​റെ​നെ വീ​ഴ്ത്തി​യ ചെ​ന്നൈ സ്വ​ദേ​ശി ഇ​താ​ദ്യ​മാ​യി ലീ​ഡും പി​ടി​ച്ചു.

-------------------aud------------------------------

മൂ​ന്ന് റൗ​ണ്ട് മാ​ത്രം ശേ​ഷി​ക്കെ ഗു​കേ​ഷി​ന് ആ​റും ലി​റെ​ന് അ​ഞ്ചും പോ​യ​ന്റാ​ണു​ള്ള​ത്. ജേ​താ​വാ​കാ​ൻ വേ​ണ്ട​ത് 7.5 പോ​യ​ന്റാ​ണ്. ഇ​ന്ന​ത്തെ 12ാം റൗ​ണ്ട് മ​ത്സ​ര​ത്തി​ലും ഗു​കേ​ഷി​ന് ജ​യം ആ​വ​ർ​ത്തി​ക്കാ​നാ​യാ​ൽ ച​രി​ത്ര​കി​രീ​ടം ച​ല​ഞ്ച​റു​ടെ കൈ​യെ​ത്തും ദൂ​രെ​യെ​ത്തും. ഞാ​യ​റാ​ഴ്ച വെ​ള്ള​ക്ക​രു​ക്ക​ളു​മാ​യി ക​ളി​ച്ച ഗു​കേ​ഷ് 29 നീ​ക്ക​ങ്ങ​ൾ​ക്കൊ​ടു​വി​ൽ ജ​യം നേ​ടി. ലി​റെ​ൻ വ​രു​ത്തി​യ ര​ണ്ടു പി​ഴ​വു​ക​ളു​ടെ ചു​വ​ടു​പി​ടി​ച്ചാ​ണ് 18കാ​ര​ൻ വി​ജ​യ​ത്തി​ലേ​ക്ക് ക​രു​ക്ക​ൾ നീ​ക്കി​യ​ത്. ആ​ദ്യ ഗെ​യി​മി​ൽ ലി​റെ​നും മൂ​ന്നാ​മ​ത്തേ​തി​ൽ ഗു​കേ​ഷും ജ​യി​ച്ച​തൊ​ഴി​ച്ചാ​ൽ എ​ട്ട് റൗ​ണ്ടു​ക​ൾ സ​മ​നി​ല​യി​ൽ ക​ലാ​ശി​ച്ചി​രു​ന്നു. ലീ​ഡ് ല​ഭി​ച്ച​തോ​ടെ ഗു​കേ​ഷി​ന് ലോ​ക ചാ​മ്പ്യ​നാ​വു​ന്ന ഏ​റ്റ​വും പ്രാ​യം കു​റ​ഞ്ഞ താ​ര​മാ​വാ​നും സാ​ധ്യ​ത തെ​ളി​ഞ്ഞി​രി​ക്കു​ക​യാ​ണ്. വി​ശ്വ​നാ​ഥ​ൻ ആ​ന​ന്ദൊ​ഴി​കെ ഇ​ന്ത്യ​യി​ൽ​നി​ന്നാ​രും ലോ​ക ചെ​സ് ചാ​മ്പ്യ​ൻ​ഷി​പ് കി​രീ​ടം നേ​ടി​യി​ട്ടി​ല്ല.