ഇന്ത്യ-പാകിസ്ഥാൻ സംഘർഷാവസ്ഥ തുടരുകയാണ്. ജമ്മു കശ്മീരിലെ നിയന്ത്രണ രേഖയിൽ (എൽഒസി) പാകിസ്ഥാൻ സൈന്യം വെടിനിർത്തൽ കരാർ ലംഘിക്കുന്നത് ആവർത്തിച്ചു. വർദ്ധിച്ചുവരുന്ന സംഘർഷാവസ്ഥയെക്കുറിച്ച് ഇസ്ലാമാബാദിന്റെ അഭ്യർഥന മാനിച്ച് ഐക്യരാഷ്ട്രസഭ സുരക്ഷാ കൗൺസിലിൽ കൂടിയാലോചനകൾ ആരംഭിച്ചിരുന്നു.

-------------------aud--------------------------------

ഈ സാഹചര്യത്തിലും നിയന്ത്രണ രേഖയിൽ തുടർച്ചയായി 12-ാം രാത്രിയും അതിർത്തി കടന്നുള്ള വെടിവയ്പ്പ് തുടർന്നു. ജമ്മു കശ്മീരിലെ കുപ്‌വാര, ബാരാമുള്ള, പൂഞ്ച്, രജൗരി, മെന്ദാർ, നൗഷേര, സുന്ദർബാനി, അഖ്‌നൂർ എന്നീ സെക്ടറുകളിലാണ് പാക് സൈന്യം പ്രകോപനമില്ലാതെ ചെറു ആയുധങ്ങൾ ഉപയോ​ഗിച്ച് വെടിവയ്പ്പ് നടത്തിയത്. ഇന്ത്യൻ സൈന്യ ശക്തമായി പ്രതിരോധിച്ചതായും തിരിച്ചടിച്ചതായും ഔദ്യോ​ഗിക വൃത്തങ്ങൾ അറിയിച്ചു.