2018ൽ തുടങ്ങിയ ആടുജീവിതം ഷൂട്ടിംഗ് അവസാനിച്ചത് 2022 ജൂലൈയിൽ ആണ്.  നാല് വർഷത്തെ പോരാട്ടം, കഠിനപ്രയത്നം; പ്രേകഷകർ കാത്തിരിക്കുന്ന  'ആടുജീവിതം' .

30/11/23

കഴിഞ്ഞ നാല് വർഷത്തിൽ ഏറെയായി മലയാള സിനിമാ ലോകം ഒന്നടങ്കം കാത്തിരിക്കുന്നൊരു സിനിമയുണ്ട്. 'ആടുജീവിതം'. ഓരോ മലയാളിയും വായിച്ച് മനഃപാഠമാക്കിയ ബെന്യാമിന്റെ ആടുജീവിതം സിനിമാ രൂപത്തിൽ എത്തുമ്പോൾ അത് എങ്ങനെ ഉണ്ടാകുമെന്ന് അറിയാനുള്ള കാത്തിരിപ്പാണ് അത്. നജീബായുള്ള പൃഥ്വിരാജിന്റെ പരകായ പ്രവേശം കാണാനുള്ള ആകാംക്ഷയും പ്രേക്ഷകർക്ക് ഏറെയാണ്. ചിത്രത്തിനായി പൃഥ്വി നടത്തിയ ത്യാ​ഗകഥകൾ പലപ്പോഴും പുറത്തുവന്നിരുന്നു. മലയാള സിനിമയുടെ തലവര തന്നെ മാറ്റിമറിക്കാൻ പോകുന്ന ആടുജീവിതത്തിന്റെ വൻ അപ്ഡേറ്റ് വരാൻ ഒരുങ്ങുകയാണ്. 

ആടുജീവിതത്തിന്റെ റിലീസ് തിയതി എത്തുന്നു എന്നതാണ് ആ അപ്ഡേറ്റ്. നാളെ അതായത് നവംബർ 30ന് വൈകുന്നേരം നാല് മണിക്ക് റിലീസ് തിയതി പുറത്തുവരും. റിലീസ് വിവരം പങ്കുവച്ച് ഒരു ചെറു വീഡിയോയും അണിയറ പ്രവർത്തകർ പുറത്തിറക്കിയിട്ടുണ്ട്. 2018 മാർച്ചിൽ കേരളത്തിൽ ആണ് ആടുജീവിതം തുടങ്ങുന്നത്. 2019ൽ സംഘം ജോർദാനിൽ എത്തി. 2020 മാർച്ച് വരെ അവിടെ തന്നെ ആയിരുന്നു. അന്ന് കൊവിഡ് മഹാമാരി കാരണം സിനിമാ ടീം ജോർ​ദാനിൽ കുടുങ്ങിയ വാർത്ത പുറത്തുവന്നിരുന്നു. 2022 ഏപ്രിലിൽ അൽജീരിയയിലും 2022 മെയ്യിൽ വീണ്ടും ജോർദ്ദാനിൽ തന്നെ ഷൂട്ടിം​ഗ് നടന്നു. ശേഷം 2022 ജൂലൈയിൽ ആടുജീവിതത്തിന് പാക്കപ്പ് പറയുക ആയിരുന്നു. 

മികച്ച വീഡിയോകൾ . ബ്ലെസി സംവിധാനം ചെയ്യുന്ന ആടുജീവിതം പാൻ- ഇന്ത്യൻ റിലീസ് ആയാണ് ഒരുങ്ങുന്നത്. പൃഥ്വിരാജ് സുകുമാരന് ഒപ്പം അമല പോളും ശോഭ മോഹനും അഭിനയിക്കുന്നുണ്ട്. ഇവരെ കൂടാതെ വിദേശ കലാകാരന്മാരും ചിത്രത്തിലുണ്ട്. എ ആർ റഹ്മാൻ ആണ് സം​ഗീത സംവിധാനം. കെ.എസ്. സുനിൽ ഛായാഗ്രാഹണം നിർവഹിക്കുന്ന ചിത്രത്തിന്റെ കലാസംവിധാം പ്രശാന്ത് മാധവ് ആണ്. റസൂൽ പൂക്കുട്ടിയാണ് സൗണ്ട് ഡിസൈൻ. രഞ്ജിത്ത് അമ്പാടിയാണ് മേക്കപ്പ് ആർട്ടിസ്റ്റ്. സൂര്യ ചിത്രം കങ്കുവയുടെ മേക്കപ്പും രഞ്ജിത്ത് ആണ്. 

Latest Articles

ജോ ബൈഡനെ നീക്കണമെന്ന് കമല ഹാരിസിനോട് അറ്റോർണി ജനറൽ; പൊതു ഇടപഴകലുകളിലും വിദേശ നേതാക്കളുമായുള്ള ആശയവിനിമയത്തിലും ബൈഡന്റെ വിവരമില്ലായ്മ പ്രകടമായ സന്ദർഭങ്ങളുണ്ടായിരുന്നെന്നും തന്റെ അഭ്യർത്ഥനയുടെ നിയമപരമായ അടിസ്ഥാനം അടിവരയിട്ട് മോറിസി ചൂണ്ടിക്കാട്ടിയത്

യുകെ അടക്കമുള്ള രാജ്യങ്ങളിലെ സാംസങ്ങ് ഗാലക്സി ആൻഡ്രോയ്ഡ് ഉപഭോക്താക്കളെ ലക്ഷ്യം വെച്ച് ഓൺലൈൻ ക്രിമിനലുകൾ രംഗത്ത്; 61 രാജ്യങ്ങളിൽ 1800 ബാങ്കിംഗ് ആപ്ലിക്കേഷനുകൾ ഹാക്ക് ചെയ്യാൻ സാധ്യത; യുകെയിലെ 48 ബാങ്കുകളും ലിസ്റ്റിൽ

Instagram

Magnavision TV

Magnavision ltd is an Indian general entertainment channel broadcasting in Malayalam over internet protocol. This channel is to promote unity, encouraging talents from around the world, providing news, entertainment programmes, dances, movies, talk shows and songs.

© Copyright 2023. All Rights Reserved

crossmenu