60 ടോറി എംപിമാർ റുവാൻഡ ഇമിഗ്രേഷൻ ബില്ലിനെതിരെ വിമതനീക്കത്തിന്

17/01/24

പ്രധാനമന്ത്രി റിഷി സുനാകിനു തലവേദനയായി 60 ടോറി എംപിമാർ റുവാൻഡ ഇമിഗ്രേഷൻ ബില്ലിനെതിരെ വിമതനീക്കത്തിന്. വിവാദമായ റുവാൻഡ ഇമിഗ്രേഷൻ ബിൽ സഭയിൽ വീണ്ടും അവതരിപ്പിക്കുമ്പോൾ 60 ടോറി എംപിമാർ വിമതനീക്കം നടത്തി ബില്ലിനെ പൊട്ടിക്കുമെന്നാണ് ഭീഷണി. ഇത് അതിജീവിക്കാൻ സുനാകിന് സാധിക്കാതെ പോയാൽ മന്ത്രിസഭ പിരിച്ചുവിട്ട് പൊതുതെരഞ്ഞെടുപ്പ് പ്രഖ്യാപിക്കുമെന്നാണ് സൂചന.

പാർട്ടിയുടെ വൈസ് ചെയർമാൻമാരായ ലീ ആൻഡേഴ്‌സണും, ബ്രെൻഡൻ ക്ലാർക്ക് സ്മിത്തും നിയമം കർശനമാക്കണമെന്ന് ആവശ്യപ്പെട്ട് രാജിവെച്ചത് പ്രധാനമന്ത്രിക്ക് അവസാനനിമിഷം തിരിച്ചടിയായി. മുൻ ക്യാബിനറ്റ് മന്ത്രിമാർ ഉൾപ്പെടെ 60 എംപിമാരാണ് നിയമം കടുപ്പിച്ച് യൂറോപ്യൻ ജഡ്ജിമാരുടെ ഇടപെടൽ തടയണമെന്ന് ആവശ്യപ്പെട്ട് വിമതപക്ഷത്തുള്ളത്.
കെമി ബാഡെനോക്കിന്റെ സഹായി ജെയിൻ സ്റ്റീവെൻസണെ വിമതർക്കൊപ്പം വോട്ട് ചെയ്തതിന് പുറത്താക്കിയിട്ടുണ്ട്. ഇന്നലെ വിമതർ ആവശ്യപ്പെട്ട ഭേദഗതികൾ പരാജയപ്പെട്ടിരുന്നു. എന്നാൽ ഇന്ന് മൂന്നാം വായന നടക്കുമ്പോൾ പ്രതിപക്ഷ പാർട്ടികൾക്കൊപ്പം ചേർന്ന് പ്ലാൻ മുക്കാനുള്ള അവസരം വിമതർക്ക് ലഭിക്കും. 30 ടോറി എംപിമാരെങ്കിലും എതിർത്ത് വോട്ട് ചെയ്താൽ പ്രധാനമന്ത്രിക്ക് അത് കനത്ത തിരിച്ചടിയാകും.
കുടിയേറ്റക്കാർ വ്യക്തിപരമായി നിയമപോരാട്ടം നടത്തുന്നതും, യൂറോപ്യൻ മനുഷ്യാവകാശ കോടതികളുടെ ഇടപെടലും തടയാത്തിടത്തോളം നിയമം പ്രാവർത്തികമാകില്ലെന്നാണ് വിമത നേതാക്കളുടെ നിലപാട്. ബോറിസ് ജോൺസൺ ഇവർക്ക് പിന്തുണ പ്രഖ്യാപിച്ചതും സ്ഥിതി രൂക്ഷമാക്കി. മാറ്റങ്ങൾ ഇല്ലെങ്കിൽ ബില്ലിനെ എതിർത്ത് വോട്ട് ചെയ്യുമെന്ന് മുൻ ക്യാബിനറ്റ് മന്ത്രിമാരായ സുവെല്ലാ ബ്രാവർമാൻ, റോബർട്ട് ജെന്റിക്ക്, സിമോൺ ക്ലാർക്ക് എന്നിവർ വ്യക്തമാക്കിയിട്ടുണ്ട്.
എന്തായാലും ബില്ലിൽ ഭേദഗതികൾ സ്വീകരിക്കാൻ പ്രധാനമന്ത്രി തയാറായില്ലെങ്കിൽ പാർലമെന്റിൽ സുനാകിന് പരാജയം ഏറ്റുവാങ്ങേണ്ടി വരും. ഇത് സംഭവിച്ചാൽ മന്ത്രിസഭ പിരിച്ചുവിട്ട് തെരഞ്ഞെടുപ്പ് പ്രഖ്യാപിക്കാനുള്ള ഒരുക്കത്തിലാണ് പ്രധാനമന്ത്രിയെന്ന് സ്രോതസ്സുകൾ പറയുന്നു.

Latest Articles

വനിതാ ഐപിഎല്ലിൽ യുപി വാരിയേഴ്സ്-മുംബൈ ഇന്ത്യൻസ് മത്സരത്തിനിടെ സുരക്ഷാ ഉദ്യോഗസ്ഥരുടെ കണ്ണുവെട്ടിച്ച് ഗ്രൗണ്ടിലേക്ക് ഓടിയിറങ്ങിയ ആരാധകനെ തടഞ്ഞ് വാരിയേഴ്സ് ക്യാപ്റ്റൻ അലീസ ഹീലി. മുുംബൈ ടീം ബാറ്റ് ചെയ്യുന്നതിനിടെയാണ് ആരാധകൻ ഗ്രൗണ്ടിലേക്ക് ഓടിയിറങ്ങി പിച്ചിന് അടുത്തെത്തിയത്.

ബെംഗളൂരു നമ്മ മെട്രോ ട്രെയിനിൽ യാത്ര ചെയ്യാനെത്തിയകർഷകനെ മുഷിഞ്ഞ വസ്ത്രം ധരിച്ചെന്നതിൻ്റെ പേരിൽ തടഞ്ഞ സുരക്ഷാ ജീവനക്കാരനെ ബെംഗളൂരു മെട്രോ റെയിൽ കോർപറേഷൻ പിരിച്ചുവിട്ടു. രാജാജിനഗർ മെട്രോ ‌സ്റ്റേഷനിലാണു സംഭവം.

മുസ്‌ലിം പ്രീണനം ആരോപിച്ച് മുഖ്യമന്ത്രി സിദ്ധരാമയ്യയെ 'സിദ്ധരാമുള്ള ഖാൻ' എന്നു വിളിച്ചാക്ഷേപിച്ചതിന് ബിജെപി എംപി അനന്ത്കുമാർ ഹെഗ്ഡെയ്ക്ക് എതിരെ പൊലീസ് കേസെടുത്തു. മതവിഭാഗത്തെ ആക്ഷേപിച്ചതിനു പുറമേ വിദ്വേഷ പ്രസംഗം നടത്തിയെന്ന കുറ്റവും ചുമത്തി ഉത്തരകന്നഡയിലെ മുണ്ട്ഗോഡ് പൊലീസാണു കേസെടുത്തത്.

ജോ ബൈഡനെ നീക്കണമെന്ന് കമല ഹാരിസിനോട് അറ്റോർണി ജനറൽ; പൊതു ഇടപഴകലുകളിലും വിദേശ നേതാക്കളുമായുള്ള ആശയവിനിമയത്തിലും ബൈഡന്റെ വിവരമില്ലായ്മ പ്രകടമായ സന്ദർഭങ്ങളുണ്ടായിരുന്നെന്നും തന്റെ അഭ്യർത്ഥനയുടെ നിയമപരമായ അടിസ്ഥാനം അടിവരയിട്ട് മോറിസി ചൂണ്ടിക്കാട്ടിയത്

യുകെ അടക്കമുള്ള രാജ്യങ്ങളിലെ സാംസങ്ങ് ഗാലക്സി ആൻഡ്രോയ്ഡ് ഉപഭോക്താക്കളെ ലക്ഷ്യം വെച്ച് ഓൺലൈൻ ക്രിമിനലുകൾ രംഗത്ത്; 61 രാജ്യങ്ങളിൽ 1800 ബാങ്കിംഗ് ആപ്ലിക്കേഷനുകൾ ഹാക്ക് ചെയ്യാൻ സാധ്യത; യുകെയിലെ 48 ബാങ്കുകളും ലിസ്റ്റിൽ

Instagram

Magnavision TV

Magnavision ltd is an Indian general entertainment channel broadcasting in Malayalam over internet protocol. This channel is to promote unity, encouraging talents from around the world, providing news, entertainment programmes, dances, movies, talk shows and songs.

© Copyright 2023. All Rights Reserved

crossmenu