അദ്വാനിക്ക് ഭാരത രത്ന: പ്രഖ്യാപനം നടത്തി പ്രധാനമന്ത്രി, വെെകാരിക നിമിഷമെന്ന് മോദി

03/02/24

മുതിർന്ന ബിജെപി നേതാവും മുൻ ഉപപ്രധാനമന്ത്രിയുമായ ലാൽ കൃഷ്ണ അദ്വാനിക്ക് രാജ്യത്തെ പരമോന്നത സിവിലിയൻ ബഹുമതിയായ ഭാരതരത്‌ന നൽകാൻ തീരുമാനം. പ്രധാനമന്ത്രി നരേന്ദ്രമോദി തന്നെയാണ് എക്‌സിലെ ട്വീറ്റിലൂടെ ഇക്കാര്യം അറിയിച്ചത്.

ലാൽ കൃഷ്ണ അദ്വാനി ജിയെ ഭാരതരത്‌ന നൽകി ആദരിക്കുമെന്ന് അറിയിക്കുന്നതിൽ എനിക്ക് അതിയായ സന്തോഷമുണ്ട്. ഈ ബഹുമതി ലഭിച്ചതിൽ ഞാൻ അദ്ദേഹത്തോട് സംസാരിക്കുകയും അദ്ദമഹത്തെ അഭിനന്ദിക്കുകയും ചെയ്തു. നമ്മുടെ കാലത്തെ ഏറ്റവും ആദരണീയനായ രാഷ്ട്രീയക്കാരിൽ ഒരാളായ അദ്വാനി ജി ഇന്ത്യയുടെ വികസനത്തിന് അവിസ്മരണീയമായ സംഭാവന നൽകിയിട്ടുണ്ട്. താഴേത്തട്ടിൽ പ്രവർത്തിക്കുന്നത് മുതൽ നമ്മുടെ ഉപപ്രധാനമന്ത്രിയായി രാജ്യത്തെ സേവിക്കുന്നത് വരെ അദ്ദേഹത്തിൻ്റെ ജീവിതം തുറന്ന പുസ്തകമാണ്. നമ്മുടെ ആഭ്യന്തര മന്ത്രി, വാർത്താവിതരണ പ്രക്ഷേപണ മന്ത്രി എന്നീ നിലകളിലും അദ്ദേഹം വ്യക്തിമുദ്ര പതിപ്പിച്ചു. അദ്ദേഹത്തിൻ്റെ പാർലമെൻ്ററി പ്രവർത്തനം എപ്പോഴും മാതൃകാപരവും സമ്പന്നമായ ഉൾക്കാഴ്ചകളാൽ നിറഞ്ഞതുമാണ്.- പ്രധാനമന്ത്രി മോദി എക്സിൽ എഴുതി,പ്രതിബദ്ധതയ്ക്ക് പേരുകേട്ടതാണ് അദ്വാനി ജിയുടെ പൊതുജീവിതത്തിലെ പതിറ്റാണ്ടുകൾ നീണ്ട സേവനമെന്നും പ്രധാനമന്ത്രി ഓർമിപ്പിച്ചു. ദേശീയ ഐക്യത്തിനും സാംസ്കാരിക നവോത്ഥാനത്തിനും വേണ്ടി അദ്ദേഹം വലിയ ശ്രമങ്ങൾ നടത്തിയെന്നും അദ്ദേഹത്തെ ഭാരതരത്‌ന നൽകി ആദരിച്ചത് എന്നെ സംബന്ധിച്ചിടത്തോളം വളരെ വൈകാരികമായ നിമിഷമാണെന്നും നരേന്ദ്രമോദി പറഞ്ഞു. അദ്ദേഹവുമായി ഇടപഴകാനും അദ്ദേഹത്തിൽ നിന്ന് പഠിക്കാനും എണ്ണമറ്റ അവസരങ്ങൾ ലഭിച്ചത് എൻ്റെ ഭാഗ്യമായി ഞാൻ എപ്പോഴും കരുതുന്നുവെന്നും പ്രധാനമന്ത്രി ഓർമിച്ചു. 1980-ൽ ഭാരതീയ ജനതാ പാർട്ടി രൂപീകൃതമായതിനുശേഷം ഏറ്റവും കൂടുതൽ കാലം പാർട്ടിയുടെ പ്രസിഡൻ്റായി തുടർന്ന ഒരേയൊരു നേതാവാണ് ലാൽ കൃഷ്ണ അദ്വാനി. മൂന്ന് പതിറ്റാണ്ട് കാലം എംപിയായി തുടർന്നുവന്ന അദ്ദേഹം ഇന്ത്യയുടെ ആഭ്യന്തര മന്ത്രിയും വാജ്പേയ് മന്ത്രിസഭയിൽ ഉപപ്രധാനമന്ത്രിയുമായി.

Latest Articles

വനിതാ ഐപിഎല്ലിൽ യുപി വാരിയേഴ്സ്-മുംബൈ ഇന്ത്യൻസ് മത്സരത്തിനിടെ സുരക്ഷാ ഉദ്യോഗസ്ഥരുടെ കണ്ണുവെട്ടിച്ച് ഗ്രൗണ്ടിലേക്ക് ഓടിയിറങ്ങിയ ആരാധകനെ തടഞ്ഞ് വാരിയേഴ്സ് ക്യാപ്റ്റൻ അലീസ ഹീലി. മുുംബൈ ടീം ബാറ്റ് ചെയ്യുന്നതിനിടെയാണ് ആരാധകൻ ഗ്രൗണ്ടിലേക്ക് ഓടിയിറങ്ങി പിച്ചിന് അടുത്തെത്തിയത്.

ബെംഗളൂരു നമ്മ മെട്രോ ട്രെയിനിൽ യാത്ര ചെയ്യാനെത്തിയകർഷകനെ മുഷിഞ്ഞ വസ്ത്രം ധരിച്ചെന്നതിൻ്റെ പേരിൽ തടഞ്ഞ സുരക്ഷാ ജീവനക്കാരനെ ബെംഗളൂരു മെട്രോ റെയിൽ കോർപറേഷൻ പിരിച്ചുവിട്ടു. രാജാജിനഗർ മെട്രോ ‌സ്റ്റേഷനിലാണു സംഭവം.

മുസ്‌ലിം പ്രീണനം ആരോപിച്ച് മുഖ്യമന്ത്രി സിദ്ധരാമയ്യയെ 'സിദ്ധരാമുള്ള ഖാൻ' എന്നു വിളിച്ചാക്ഷേപിച്ചതിന് ബിജെപി എംപി അനന്ത്കുമാർ ഹെഗ്ഡെയ്ക്ക് എതിരെ പൊലീസ് കേസെടുത്തു. മതവിഭാഗത്തെ ആക്ഷേപിച്ചതിനു പുറമേ വിദ്വേഷ പ്രസംഗം നടത്തിയെന്ന കുറ്റവും ചുമത്തി ഉത്തരകന്നഡയിലെ മുണ്ട്ഗോഡ് പൊലീസാണു കേസെടുത്തത്.

ജോ ബൈഡനെ നീക്കണമെന്ന് കമല ഹാരിസിനോട് അറ്റോർണി ജനറൽ; പൊതു ഇടപഴകലുകളിലും വിദേശ നേതാക്കളുമായുള്ള ആശയവിനിമയത്തിലും ബൈഡന്റെ വിവരമില്ലായ്മ പ്രകടമായ സന്ദർഭങ്ങളുണ്ടായിരുന്നെന്നും തന്റെ അഭ്യർത്ഥനയുടെ നിയമപരമായ അടിസ്ഥാനം അടിവരയിട്ട് മോറിസി ചൂണ്ടിക്കാട്ടിയത്

യുകെ അടക്കമുള്ള രാജ്യങ്ങളിലെ സാംസങ്ങ് ഗാലക്സി ആൻഡ്രോയ്ഡ് ഉപഭോക്താക്കളെ ലക്ഷ്യം വെച്ച് ഓൺലൈൻ ക്രിമിനലുകൾ രംഗത്ത്; 61 രാജ്യങ്ങളിൽ 1800 ബാങ്കിംഗ് ആപ്ലിക്കേഷനുകൾ ഹാക്ക് ചെയ്യാൻ സാധ്യത; യുകെയിലെ 48 ബാങ്കുകളും ലിസ്റ്റിൽ

Instagram

Magnavision TV

Magnavision ltd is an Indian general entertainment channel broadcasting in Malayalam over internet protocol. This channel is to promote unity, encouraging talents from around the world, providing news, entertainment programmes, dances, movies, talk shows and songs.

© Copyright 2023. All Rights Reserved

crossmenu