അത്യാധുനിക നിരീക്ഷണ ഡ്രോണുകൾ ഇന്ത്യൻ ആർമിക്ക് കൈമാറി പ്രമുഖ ഡ്രോൺ ടെക് കമ്പനിയായ ആസ്റ്റീരിയ എയ്‌റോസ്‌പേസ്. ഫുൾ-സ്റ്റാക്ക് ഡ്രോൺ ടെക്നോളജി കമ്പനിയായ ആസ്റ്റീരിയ എയ്റോസ്പേസ്, തങ്ങളുടെ എടി-15 വെർട്ടിക്കൽ ടേക്ക്ഓഫ് ആൻഡ് ലാൻഡിംഗ് ഡ്രോണുകളുടെ എക്കാലത്തെയും വലിയ കരാറാണ് വിജയകരമായി പൂർത്തിയാക്കിയത്. ഇന്ത്യൻ സൈന്യത്തിന് നിരീക്ഷണ ഡ്രോണുകൾ കൈമാറിയതായി കമ്പനി വ്യക്തമാക്കി.  

-------------------aud--------------------------------

സമുദ്രനിരപ്പിൽ നിന്ന് 6000 മീറ്റർ വരെ ഉയരത്തിൽ പ്രവർത്തിക്കാനുള്ള ശേഷിയുണ്ട് അതിശക്തമായ കാറ്റിനെ വരെ പ്രതിരോധിക്കുന്ന എടി-15 ഡ്രോണിന്.  മികച്ച എയറോഡൈനാമിക്സ് സംവിധാനങ്ങളുള്ള ഡ്രോൺ, ഈ മേഖലയിൽ വലിയ മാറ്റങ്ങളുണ്ടാക്കിയേക്കും. ഇതിന്റെ വെർട്ടിക്കൽ ടേക്ക് ഓഫ്, ലാൻഡിംഗ് ശേഷി എത്ര പരിമിതമായ പ്രദേശങ്ങളിൽ പോലും ഡ്രോൺ ഉപയോഗിക്കാൻ സഹായിക്കും. 120 മിനിറ്റാണ് പറക്കൽ ശേഷി, 20 കിലോമീറ്ററാണ് പരിധി. നിർണായകമായ ഏരിയൽ ഇന്റലിജൻസ് വിവരങ്ങൾ ശേഖരിക്കുന്നതിന് സൈന്യത്തെ സഹായിക്കാൻ ഡ്രോണിന് സാധിക്കും.