മുൻ ഇന്ത്യൻ ക്യാപ്റ്റൻ വീരാട് കോഹ് ലിക്ക് ഇഷ്ടമല്ലെന്ന ഒറ്റക്കാരണത്താലാണ് 2019ലെ ഏകദിന ലോകകപ്പ് ടീമിൽ നിന്ന് അംബാട്ടി റായുഡു പുറത്തായതെന്ന ആരോപണവുമായി മുൻ ഇന്ത്യൻ താരം റോബിൻ ഉത്തപ്പ. അപ്രതീക്ഷിതമായി ഓൾറൗണ്ടർ വിജയ് ശങ്കർ ലോകകപ്പ് ടീമിലെത്തിയത് ആരാധകരെ ഞെട്ടിച്ചിരുന്നു.
-------------------aud------------------------------
ടീമിൽ നിന്ന് ഒഴിവാക്കിയതിനെതിരെ റായുഡു തന്നെ സെലക്ഷൻ കമ്മറ്റിക്കെതിരെ ആഞ്ഞടിച്ചിരുന്നു. അന്ന് സെലക്ഷൻ കമ്മറ്റി തലവനായിരുന്ന എംഎസ്കെ പ്രസാദ് ഇടപെട്ടാണ് റായുഡുവിനെ മാറ്റിയതെന്നായിരുന്നു വിമർശനം. എന്നാൽ കോഹ്ലിയാണ് എല്ലാറ്റിനും പിന്നിലെന്നാണ് റോബിൻ ഉത്തപ്പയുടെ പുതിയ വെളിപ്പെടുത്തൽ. 'വിരാട് കോഹ്ലിക്ക് ആരെയെങ്കിലും ഇഷ്ടപ്പെട്ടില്ലെങ്കിൽ, നല്ലതെന്ന് തോന്നിയില്ലെങ്കിൽ, അപ്പോൾ തന്നെ ടീമിൽ നിന്നും പുറത്താകും. അംബാട്ടു റായുഡുവാണ് അതിന്റെ വലിയ ഉദാഹരണം'. റോബിൻ ഇത്തപ്പ ഒരു അഭിമുഖത്തിൽ പറഞ്ഞു. ഫിറ്റ്നസ് പ്രശ്നങ്ങളുടെ പേരിൽ യുവരാജ് സിങിനെ ടീമിൽ നിന്ന് മാറ്റിനിർത്തിയതിന് പിന്നിലും കോഹ് ലിയാണെന്ന് നേരത്തെ ഉത്തപ്പ ആരോപിച്ചിരുന്നു
© Copyright 2024. All Rights Reserved