നടപ്പാതയിൽ പാർക്ക് ചെയ്താൽ 100 പൗണ്ട് ഫൈൻ ഈടാക്കാൻ സ്‌കോട്ട്‌ ലൻഡ്

12/12/23

സ്‌കോട്ട്‌ ലൻഡിൽ വാഹനഉടമകൾ നടപ്പാതയിലും, പാതയിലേക്ക് കയറുന്ന ചരിവുകളിലും പാർക്കിംഗ് നടത്തിയാൽ 100 പൗണ്ട് പോയിക്കിട്ടും. യുകെയിൽ ഇത്തരമൊരു വിലക്ക് ഏർപ്പെടുത്തുന്ന ആദ്യത്തെ മേഖലയാണ് സ്‌കോട്ട്‌ ലൻഡ് . കൗൺസിലുകൾ ഇന്നുമുതൽ നിയമം നടപ്പാക്കിത്തുടങ്ങും.

'ഇത് മാന്യതയുടെ പ്രശ്‌നമാണ്. നമ്മുടെ നടപ്പാതകൾ ആളുകൾക്ക് കൂടുതൽ ഉപയോഗപ്രദമാകണം', ട്രാൻസ്‌പോർട്ട് എംഎസ്പി ഫിയോണ ഹൈസ്ലോപ് പറഞ്ഞു.
വാഹനങ്ങൾ നടപ്പാതയിൽ കയറ്റുന്നത് വീൽച്ചെയർ ഉപയോഗിക്കുന്നവർക്കും, പ്രാമുകൾ ഉപയോഗിക്കുന്ന രക്ഷിതാക്കൾക്കും, കാഴ്ച പരിമിതർക്കും, പ്രായമായവർക്കും വലിയ പ്രതിസന്ധിയാണ് സൃഷ്ടിക്കുന്നത്. എന്നാൽ തിരക്കേറിയ റസിഡൻഷ്യൽ മേഖലകളിൽ ഈ നിയമം പ്രതിസന്ധി സൃഷ്ടിക്കുമെന്നാണ് മുന്നറിയിപ്പ്. പല ഭാഗങ്ങളിലും പാർക്ക് ചെയ്യാൻ ഇടംകിട്ടാതെ വരുന്നവർ പെരുവഴിയിലാകുമെന്ന് വിമർശകർ ചൂണ്ടിക്കാണിക്കുന്നു.
പുതിയ മാറ്റം നിയമമായി നടപ്പിലാക്കാനും കൂടുതൽ ചെലവുകൾ വരുമെന്നാണ് കരുതുന്നത്. വാഹനഉടമകൾക്ക് നിർദ്ദേശം നൽകാൻ കൂടുതൽ വാർഡൻമാരെ ജോലിക്കെടുക്കാനും, ബോർഡുകൾ സ്ഥാപിക്കാനുമായി കൗൺസിലുകൾക്ക് മില്ല്യണുകൾ ചെലവ് വരുമെന്നാണ് ആശങ്ക. നടപ്പാതയിൽ പാർക്ക് ചെയ്ത് പിടിക്കപ്പെട്ടാൽ 100 പൗണ്ടാണ് പിഴ. 14 ദിവസത്തിനകം അടച്ചാൽ പിഴ 50 പൗണ്ടായി കുറയ്ക്കാം.
വാഹന ഉടമകളിൽ നിന്നും പിഴ ഈടാക്കാൻ കഴിയുമെങ്കിലും എല്ലാ സ്‌കോട്ടിഷ് കൗൺസിലുകളും ഇത് ഉടനടി പ്രാബല്യത്തിൽ വരുത്താൻ ഉദ്ദേശിക്കുന്നില്ല. പാർക്കിംഗ് പ്രശ്‌നമായാൽ ബിസിനസ്സിനെ ബാധിക്കുമെന്ന് ഷോപ്പ് ഉടമകളും ആശങ്ക രേഖപ്പെടുത്തുന്നു.

Latest Articles

ജോ ബൈഡനെ നീക്കണമെന്ന് കമല ഹാരിസിനോട് അറ്റോർണി ജനറൽ; പൊതു ഇടപഴകലുകളിലും വിദേശ നേതാക്കളുമായുള്ള ആശയവിനിമയത്തിലും ബൈഡന്റെ വിവരമില്ലായ്മ പ്രകടമായ സന്ദർഭങ്ങളുണ്ടായിരുന്നെന്നും തന്റെ അഭ്യർത്ഥനയുടെ നിയമപരമായ അടിസ്ഥാനം അടിവരയിട്ട് മോറിസി ചൂണ്ടിക്കാട്ടിയത്

യുകെ അടക്കമുള്ള രാജ്യങ്ങളിലെ സാംസങ്ങ് ഗാലക്സി ആൻഡ്രോയ്ഡ് ഉപഭോക്താക്കളെ ലക്ഷ്യം വെച്ച് ഓൺലൈൻ ക്രിമിനലുകൾ രംഗത്ത്; 61 രാജ്യങ്ങളിൽ 1800 ബാങ്കിംഗ് ആപ്ലിക്കേഷനുകൾ ഹാക്ക് ചെയ്യാൻ സാധ്യത; യുകെയിലെ 48 ബാങ്കുകളും ലിസ്റ്റിൽ

Instagram

Magnavision TV

Magnavision ltd is an Indian general entertainment channel broadcasting in Malayalam over internet protocol. This channel is to promote unity, encouraging talents from around the world, providing news, entertainment programmes, dances, movies, talk shows and songs.

© Copyright 2023. All Rights Reserved

crossmenu