സ്പാനിഷ് ചാനലായ ലാ സെക്സ്റ്റയ്ക്ക് നല്കിയ അഭിമുഖത്തില് താരം ശ്രദ്ധേയ നിരീക്ഷണങ്ങള് പങ്കിട്ടു. നിലവില് സൗദി പ്രൊ ലീഗ് ക്ലബ് അല് നസറിന്റെ താരമാണ് റൊണാള്ഡോ. ചരിത്രത്തിലെ ഏറ്റവും മികച്ച താരം താനാണെന്ന ആത്മവിശ്വാസത്തിനു ഇപ്പോഴും ഒരു കുറവും വന്നിട്ടില്ലെന്നു അഭിമുഖത്തില് താരം പറഞ്ഞ വാക്കുകള് വ്യക്തമാക്കുന്നു.
'ചരിത്രത്തിലെ ഏറ്റവും മികച്ച ഗോള് സ്കോററാണ് ഞാന്. ഇടം കാല് കൊണ്ടല്ല എന്റെ കളി. എന്നാല് ഇടത് കാല് ഉപയോഗിച്ചു ഏറ്റവും കൂടുതല് ഗോളടിച്ച താരങ്ങളുടെ ആദ്യ പത്തില് ഞാനുമുണ്ട്. ഫുട്ബോള് ചരിത്രത്തില് ഇതുവരെ ഉണ്ടായിട്ടുള്ളതില് വച്ച് ഏറ്റവും സമ്പൂര്ണ കളിക്കാരനും ഞാനാണ്.' 'ഞാന് ഹെഡ്ഡറിലൂടെ ഗോള് നേടുന്നു. ഫ്രീകിക്കുകള് എടുക്കുന്നു, വേഗത, കരുത്ത് എല്ലാം ശരിയാം വണ്ണം ഒത്തുചേര്ന്ന താരമാണ് ഞാന്. എന്നെക്കാള് മികച്ച ഒരു ഫുട്ബോള് താരത്തെ ഞാന് കണ്ടിട്ടില്ല'- താരം അഭിമുഖത്തില് വ്യക്തമാക്കി.
നേരത്തെയും റൊണാള്ഡോ സമാന രീതിയില് പ്രതികരണം നടത്തിയിട്ടുണ്ട്. നിലവില് സൗദി പ്രൊ ലീഗില് ഏറ്റവും കൂടുതല് ഗോളുകള് ഈ സീസണില് നേടിയ താരം ക്രിസ്റ്റിയാനോ റൊണാള്ഡോയാണ്. 15 ഗോളുകളുമായി താരം കുതിക്കുന്നു.
© Copyright 2024. All Rights Reserved