മസ്കറ്റ്: ഒമാനും ഇന്ത്യയും സമുദ്ര സുരക്ഷാ മേഖലയിൽ സഹകരണം മെച്ചപ്പെടുത്താൻ ഒരുങ്ങുന്നു. ഇതിന്റെ ഭാ​ഗമായി ഒമാനിലെ ഇന്ത്യൻ അംബാസഡർ ജിവി ശ്രീനിവാസ് റോയൽ ഒമാൻ പോലീസ് കോസ്റ്റ് ​ഗാർഡ് കമാൻഡർ കേണൽ അബ്ദുൽ അസീസ് അൽ ജാബ്രിയുമായി കൂടിക്കാഴ്ച നടത്തി. ഇരു രാജ്യങ്ങളും തമ്മിൽ സമുദ്ര സുരക്ഷയിലും തീരസംരക്ഷണ പ്രവർത്തനങ്ങളിലും സഹകരണം ശക്തമാക്കുന്നത് സംബന്ധിച്ച് കൂടിക്കാഴ്ചയിൽ ചർച്ച ചെയ്തു. ഇതുസംബന്ധിച്ച നിരവധി നിർദേശങ്ങൾ അംബാസഡർ ശ്രീനിവാസ് മുന്നോട്ടുവെച്ചു.