ചൈനയിലെ യുവതലമുറയിൽ ശ്രദ്ധേയമായ ഒരു പുതിയ പ്രവണത വളരുന്നു. വിവാഹവും മാതൃത്വവും വൈകിപ്പിക്കുകയോ പൂർണ്ണമായി ഒഴിവാക്കുകയോ ചെയ്യുന്ന ജെൻ സി യുവതികൾ, പഞ്ഞികൊണ്ടുണ്ടാക്കിയ ‘കോട്ടൺ പാവകൾ’ സ്വന്തമക്കളെപ്പോലെ വളർത്തുകയാണ്. ‘വേദനയില്ലാത്ത മാതൃത്വം’ എന്നാണ് ഈ ജീവിതശൈലിയെ അവർ വിശേഷിപ്പിക്കുന്നത്.
യഥാർത്ഥ കുഞ്ഞുങ്ങളെ വളർത്തുന്നതിനോടനുബന്ധിച്ചുള്ള സാമ്പത്തിക ബാധ്യതകളും മാനസിക സമ്മർദ്ദങ്ങളും ഒഴിവാക്കാൻ പലരും ഈ മാർഗം തിരഞ്ഞെടുക്കുന്നുവെന്നാണ് റിപ്പോർട്ടുകൾ. പാവകളെ വെറും കളിപ്പാട്ടങ്ങളായി കാണാതെ, ജീവനുള്ള കുഞ്ഞുങ്ങളെപ്പോലെ പരിചരിക്കുകയാണ് ഇവർ ചെയ്യുന്നത്.
മുന്തിയ വസ്ത്രങ്ങൾ വാങ്ങി അണിയിക്കൽ, മേക്കപ്പ് ഇടൽ, വിഗ് ഉപയോഗിച്ച് മുടി അലങ്കരിക്കൽ എന്നിവ ഈ ‘അമ്മമാരുടെ’ ദിനചര്യയുടെ ഭാഗമായിട്ടുണ്ട്. ചിലർ പാവകളുമായി വിനോദയാത്രകൾ പോകുകയും പാർക്കുകളിൽ സമയം ചെലവഴിക്കുകയും ചെയ്യുന്നു. സമൂഹത്തിൽ പുതിയ തരത്തിലുള്ള മാതൃത്വ ധാരണയായി ഇത് ചർച്ചയാകുകയാണ്.
© Copyright 2025. All Rights Reserved
