കേരളാ പോലീസിന്റെ നവീകരിച്ച വെബ്സൈറ്റ് സംസ്ഥാന പോലീസ് മേധാവി ലോക്നാഥ് ബെഹ്റ പ്രകാശനം ചെയ്തു. keralapolice.gov.in എന്നാ വിശ്വാസത്തിൽ തന്നെയാണ് നവീകരിച്ച വെബ്സൈറ്റ് പ്രവർത്തിക്കുന്നത്.വെബ്സൈറ്റ് സ്റ്റേറ്റ് ക്രൈം റിക്കാർഡ്സ് ബ്യൂറോയിലെ സാങ്കേതിക വിദഗ്ധരാണ് തയ്യാറാക്കിയത്.പൊതുജനങ്ങൾക്കും പോലീസ് ഉദ്യോഗസ്ഥർക്കും ഇനിമുതൽ പ്രത്യേകമായി വിഭാഗങ്ങൾ ആയിരിക്കും.പോലീസ് ഉദ്യോഗസ്ഥർ മാത്രം അറിഞ്ഞിരിക്കേണ്ട വകുപ്പുതല ഉത്തരവുകളും സർക്കുലറുകളും ലോഗിൻ ചെയ്ത് മാത്രമേ കാണാൻ കഴിയൂ. പോലീസ് ഉദ്യോഗസ്ഥർക്ക് നിലവിൽ ഉള്ള യൂസർനെയിമും പാസ്വേർഡും നൽകി ലോഗിൻ ചെയ്യാം. old.keralapolice.gov.in എന്ന വെബ് അഡ്രസ് ആയിരിക്കും നിലവിലുള്ള വെബ്സൈറ്റിലെ വിവരങ്ങൾ പുതിയ വെബ്സൈറ്റിലേയ്ക്ക് പൂർണ്ണമായി മാറ്റുന്നതുവരെ ലഭ്യമാവുക.കോവിഡ് 19 പ്രതിരോധവുമായി ബന്ധപ്പെട്ട് കേരള പോലീസ് നടത്തുന്ന പ്രവർത്തനങ്ങൾ ജനങ്ങളിലേയ്ക്ക് എത്തിക്കുകയും പ്രതിരോധ പ്രവർത്തനങ്ങളിൽ ജനങ്ങളുടെ സഹകരണവും പിന്തുണയും ഉറപ്പാക്കുകയും ചെയ്യാൻ ലക്ഷ്യമിട്ട് കോവിഡ് 19 എന്ന വിഭാഗവും പുതിയ വെബ്സൈറ്റിൽ സംവിധാനം ചെയ്തിട്ടുണ്ട്. പുതിയ വെബ്സൈറ്റിൽ ഇനിമുതൽ വിവരങ്ങൾ മലയാളത്തിലും ഇംഗ്ലീഷിലും ലഭ്യമായിരിക്കും.