വയനാട്ടിൽ വീണ്ടും രാഹുൽ ഗാന്ധി മത്സരിക്കുമോ?

18/10/23

വീണ്ടുമൊരു പാർലമെന്റ് തെരഞ്ഞെടുപ്പ് കൂടി പടിവാതിൽക്കലെത്തി നിൽക്കുമ്പോൾ ഉയരുന്ന പ്രധാന ചോദ്യങ്ങളിലൊന്നാണിത്. വയനാട് പാർലമെന്റ് മണ്ഡലത്തിലെ കോൺഗ്രസ്, യുഡിഎഫ് പ്രവർത്തകരിൽ ഭൂരിഭാഗവും രാഹുൽ ഗാന്ധി വീണ്ടും മത്സരിക്കണമെന്ന ആഗ്രഹം പ്രകടിപ്പിക്കുമ്പോൾ, സാധ്യത വിരളമാണെന്നാണ് രാഷ്ട്രീയ നിരീക്ഷകരിൽ പലരും അഭിപ്രായപ്പെടുന്നത്.ഐഎൻഡിഐഎ' അഥവാ 'ഇന്ത്യ' എന്ന ചുരുക്കപേരിൽ അറിയപ്പെടുന്ന പ്രതിപക്ഷ കക്ഷികളുടെ സഖ്യമുണ്ടാക്കിയതാണ് രാഹുൽ വയനാട്ടിൽ മത്സരിക്കാൻ സാധ്യതയില്ലെന്ന നിഗമനത്തിലെത്താനുള്ള പ്രധാനകാരണം. ഐഎൻഡിഐഎയിലെ കക്ഷികളിലൊന്നായ സിപിഐയാണ് സാധാരണ വയനാട് പാർലമെന്റ് മണ്ഡലത്തിൽ എൽഡിഎഫിനായി കളത്തിലിറങ്ങാറുള്ളത്. അതുകൊണ്ടുതന്നെ രാഹുൽ ഗാന്ധി സ്വന്തം സഖ്യത്തിലെ ഒരു കക്ഷിയുമായി നേരിട്ട് ഏറ്റുമുട്ടുന്നത് ദേശീയതലത്തിൽ ബിജെപിക്ക് പ്രചരണായുധമാകുമെന്നാണ് രാഷ്ട്രീയരംഗത്തുള്ളവർ ചൂണ്ടിക്കാട്ടുന്നത്.അതേസമയം, ഈ വിഷയം മറികടക്കാനുള്ള സാധ്യതകളും ചിലർ തള്ളിക്കളയുന്നില്ല. തമിഴ്‌നാട്, കർണാടക സംസ്ഥാനങ്ങളുമായി അതിർത്തി പങ്കിടുന്ന ജില്ലയെന്ന നിലയിൽ വയനാട്ടിൽ രാഹുൽ ഗാന്ധി മത്സരിച്ചാൽ അതിന്റെ ഗുണം താരതമ്യേന ഐഎൻഡിഐഎ സംഖ്യത്തിന് മികച്ച പ്രകടനം കാഴ്ച വെക്കാനാവുമെന്ന് കരുതുന്ന ആ സംസ്ഥാനങ്ങളിൽ കൂടുതൽ നേട്ടമുണ്ടാക്കാനാവുമെന്ന് കരുതുന്നവരുമുണ്ട്. നേരത്തെ രാഹുൽ ഗാന്ധിയെ വയനാട്ടിലെ സ്ഥാനാർഥിയായി പ്രഖ്യാപിക്കുന്ന ഘട്ടത്തിൽ കോൺഗ്രസ് മുന്നോട്ടുവെച്ച പ്രധാനകാര്യവും അത് തന്നെയായിരുന്നു. അന്ന് അത് വേണ്ടത്ര വിജയം കണ്ടില്ലെങ്കിലും ഭാരത് ജോഡോ യാത്രയടക്കം നടത്തി ജനങ്ങൾക്കിടയിൽ പ്രതിഛായ കൂടുതൽ മെച്ചപ്പെടുത്തി രാഹുൽ നിൽക്കുമ്പോൾ പഴയ സാഹചര്യം പൂർണമായി മാറിയെന്ന് തന്നെയാണ് കരുതുന്നത്.എംപി എന്ന നിലയിൽ വൻകിടപദ്ധതികളൊന്നും മണ്ഡലത്തിൽ കൊണ്ടുവരാനായില്ലെങ്കിൽ പോലും സ്വന്തം നിലയിലും എംപി ലാഡ്‌സ് അടക്കം ഉപയോഗിച്ചുള്ള പദ്ധതികൾ കൊണ്ടുവരുന്ന കാര്യത്തിലും എംപിമാരിൽ രാഹുൽ ഏറെ മുന്നിലാണെന്നാണ് കണക്കുകൾ. കേന്ദ്രത്തിലും കേരളത്തിലും കോൺഗ്രസിൻ്റെ ഭരണമില്ലാത്ത സാഹചര്യത്തിലാണ് ഈ നേട്ടമെന്നതാണ് വസ്തുത. വയനാട്ടിലെ വിവിധ വിഷയങ്ങളിൽ നടപടി ആവശ്യപ്പെട്ട് കേന്ദ്ര - സംസ്ഥാന മന്ത്രിമാർക്കും അദ്ദേഹം നിരവധി കത്തുകൾ അയച്ചു. പ്രളയവും കൊവിഡുമെല്ലാം നാട്ടിൽ പ്രതിസന്ധി സൃഷ്ടിച്ച ഘട്ടത്തിൽ സ്വന്തം നിലയിൽ സഹായവുമായി രാഹുൽ ഗാന്ധി എത്തിയിരുന്നു.

പാർലമെന്റ് അംഗത്വത്തിൽനിന്ന് അയോഗ്യനാക്കിയ ഘട്ടത്തിൽ പോലും രാഹുൽ ഗാന്ധി മണ്ഡലത്തിലെത്തിയിരുന്നു. രാഹുലിനെ അയോഗ്യനാക്കിയ നടപടിക്കെതിരെ കക്ഷിരാഷ്ട്രീയമെന്യെ മണ്ഡലത്തിൽനിന്ന് അതിശക്തമായ പ്രതിഷേധവുമുയർന്നിരുന്നു. മണ്ഡലത്തിലെ ജനങ്ങളുമായി ആഴത്തിലുള്ള ഒരു ബന്ധം സൂക്ഷിക്കാൻ രാഹുൽ ഗാന്ധിക്ക് സാധിച്ചിട്ടുണ്ട്. അതുകൊണ്ടുതന്നെ അദ്ദേഹം ഒരിക്കൽ കൂടി മത്സരിക്കണമെന്ന് ആഗ്രഹിക്കുന്നവരാണ് ഏറെയും.ദേശീയ നേതാവെന്ന നിലയിൽ വയനാടിനെക്കുറിച്ച് രാഹുൽ ഗാന്ധി നടത്തിയ പരാമർശങ്ങളും ട്വീറ്റുകളും സോഷ്യൽ മീഡിയാ പോസ്റ്റുകളുമെല്ലാം ജില്ലയെ ദേശീയതലത്തിൽ ശ്രദ്ധിക്കപ്പെടാൻ ഇടയാക്കിയെന്ന് കരുതുന്നവരും ഏറെയാണ്. ഇത്തരത്തിൽ അനുകൂലഘടകങ്ങളാണ് കൂടുതലെങ്കിലും ദേശീയരാഷ്ട്രീയത്തിന്റെ ചിത്രം വയനാട്ടിൽ അദ്ദേഹം മത്സരിക്കാനുള്ള സാധ്യത കുറയുന്നുവെന്ന് തന്നെയാണ് പൊതുവെ വിലയിരുത്തപ്പെടുന്നത്.

Latest Articles

ലോക്ക്ഡൗൺ നിയന്ത്രണങ്ങൾ നീങ്ങിയാലും പകുതിയോളം ജീവനക്കാർക്ക് 5മുതൽ  10 വർഷത്തേക്ക് ഫെയ്സ്ബുക്ക് വർക്ക്‌ ഫ്രം ഹോം അനുവദിച്ചു. ഇതുവഴി ജീവനക്കാരെ ഓഫീസുകളിൽ കേന്ദ്രീകരിക്കാതെ ഭൂമിശാസ്ത്ര വൈവിധ്യവൽക്കരണം കൊണ്ടുവരാനാണ് സക്കർബർഗിന്റെ ശ്രമം.

Instagram

Magnavision TV

Magnavision ltd is an Indian general entertainment channel broadcasting in Malayalam over internet protocol. This channel is to promote unity, encouraging talents from around the world, providing news, entertainment programmes, dances, movies, talk shows and songs.

© Copyright 2023. All Rights Reserved

crossmenu