സിബിഐ സീരിസിന്റെ ആറാം ഭാഗം പ്രഖ്യാപിച്ച് സംവിധായകൻ കെ മധു. മലയാള സിനിമയിലെ എക്കാലത്തെയും മികച്ച ഇൻവെസ്റ്റിഗേഷൻ ത്രില്ലർ സീരീസ് ആണ് സിബിഐ സിനിമ. എസ്.എൻ സ്വാമിയുടെ തിരക്കഥയിൽ കെ മധു സംവിധാനം ചെയ്ത അഞ്ച് സിനിമകളാണ് ഈ സീരിസിൽ ഇതുവരെ എത്തിയത്. മസ്‌ക്കറ്റിൽ വെച്ചു നടന്ന ഹരിപ്പാട് കൂട്ടായ്മയുടെ വാർഷികാഘോഷ പരിപാടി ഉദ്ഘാടനം ചെയ്തുകൊണ്ട് സംസാരിക്കവെയാണ് ആറാം ഭാഗത്തെ കുറിച്ച് കെ മധു പറഞ്ഞത്. 1988ൽ പുറത്തിറങ്ങിയ 'ഒരു സിബിഐ ഡയറിക്കുറിപ്പ്' ആയിരുന്നു ഈ സീരിസിലെ ആദ്യ സിനിമ. 'ജാഗ്രത', 'സേതുരാമയ്യർ സിബിഐ', 'നേരറിയാൻ സിബിഐ' എന്നിവയാണ് ആദ്യ നാല് ചിത്രങ്ങൾ. കഴിഞ്ഞ വർഷമാണ് സീരിസിലെ അഞ്ചാമത്തെ ചിത്രമായ 'സിബിഐ 5: ദ ബ്രെയ്ൻ' എത്തിയത്. എന്നാൽ ഈ ചിത്രം ശ്രദ്ധ നേടിയിരുന്നില്ല.

പ്രേക്ഷകരെ സ്വാധീനിക്കാൻ സാധിക്കാത്ത ചിത്രത്തിന് വിമർശനങ്ങൾ ആയിരുന്നു ലഭിച്ചു കൊണ്ടിരുന്നത്. അഞ്ചാം ഭാഗത്തിന് വേണ്ട വിധത്തിലുള്ള സ്വീകാര്യത ബോക്സ് ഓഫീസിൽ ലഭിച്ചില്ലെങ്കിലും പഴയ സേതുരാമയ്യരെ അവതരിപ്പിച്ച മമ്മൂട്ടിയുടെ പ്രകടനത്തിന് കൈയ്യടി ലഭിച്ചിരുന്നു.