"സംസ്ഥാനത്ത് പിഴ കുടിശിക ഇല്ലാത്ത വാഹനങ്ങൾക്കു മാത്രമേ ഡിസംബർ 1 മുതൽ പുക പരിശോധനാ സർട്ടിഫിക്കറ്റ് ലഭിക്കുകയുള്ളു. മന്ത്രി ആന്റണി രാജുവിന്റെ നേതൃത്വത്തില് ചേര്ന്ന റോഡ് സുരക്ഷാ കമ്മിറ്റിയിലാണ് തീരുമാനം. അംഗീകൃത കേന്ദ്രങ്ങളില് പുകപരിശോധന നടത്തുമ്പോള് തന്നെ ആ വാഹനങ്ങള്ക്ക് പിഴക്കുടിശികയുണ്ടോയെന്നു പരിശോധിക്കാൻ സംവിധാനം ഏര്പ്പെടുത്തും." "നിശ്ചിത സമയത്ത് പിഴ അടയ്ക്കാത്തതുമൂലം വിചാരണ നടപടികള്ക്കായി കോടതിയിലേക്ക് അയയ്ക്കുന്ന കേസുകളില് പിഴ അടയ്ക്കാന് സാധിക്കാതെ വരുന്ന സാഹചര്യം പരിഗണിച്ച് മോട്ടര് വാഹന വകുപ്പ് ഓഫിസുകളില് അപേക്ഷ സമര്പ്പിച്ച് നേരിട്ട് പിഴ അടയ്ക്കാവുന്നതാണെന്ന് ആന്റണി രാജു പറഞ്ഞു. എംപരിവാഹന് എന്ന മൊബൈല് ആപ്പിലൂടെ വാഹനങ്ങള്ക്ക് പിഴയുണ്ടോ എന്ന് അറിയുവാന് കഴിയും. ക്യാമറകള് കണ്ടെത്തുന്ന നിയമലംഘനങ്ങളെ പറ്റിയുള്ള പരാതികള് ഓണ്ലൈനായി ഇ-ചലാന് വെബ്സൈറ്റില് തന്നെ സമര്പ്പിക്കാനുള്ള സംവിധാനം ഒരുക്കിയിട്ടുണ്ട്."
© Copyright 2025. All Rights Reserved
