ഇന്ത്യയെ ജയിപ്പിക്കാൻ അംപയർമാർ ഇടപെട്ടോ? ‘സഹായം’ ലൈവായി പറഞ്ഞ് ഹെയ്ഡൻ‌...

05/12/23

ബെംഗളൂരു ഇന്ത്യ- ഓസ്ട്രേലിയ അഞ്ചാം ട്വൻ്റി 20 മത്സരത്തിലെ കമന്ററിയുടെ പേരിൽ ഓസ്ട്രേലിയ മുൻ താരം മാത്യു ഹെയ്‌ഡനെതിരെ ആരാധകരുടെ രൂക്ഷവിമർശനം. മത്സരത്തിൽ ഓസ്ട്രേലിയൻ ബാറ്റർമാരെ ഹെയ്‌ഡൻ പിന്തുണച്ചു സംസാരിച്ചതാണ് ഇന്ത്യൻ ആരാധകരെ ചൊടിപ്പിച്ചത്. അവസാന ഓവറിൽ അംപയർമാർക്കെതിരെ കമൻ്ററി ബോക്‌സിലുണ്ടായിരുന്ന മാത്യു ഹെയ്ഡൻ സംസാരിച്ചിരുന്നു. അവസാന ആറു പന്തുകളിൽ ഓസ്ട്രേലിയയ്ക്കു ജയിക്കാൻ 10 റൺസാണു വേണ്ടിയിരുന്നത്.

അർഷ്‌ദീപ് സിങ്ങിൻ്റെ ആദ്യ പന്ത് ബൗൺസറായി മാത്യു വെയ്‌ഡിന്റെ തലയ്ക്കു മുകളിലൂടെ പോയെങ്കിലും അംപയർ വൈഡ് അനുവദിച്ചില്ല. വൈഡ് ആണെന്ന് മാത്യു വെയ്‌ഡ് വാദിച്ചെങ്കിലും അംപയർ ഇത് അംഗീകരിച്ചില്ല. റീപ്ലേ ദൃശ്യങ്ങൾക്കു ശേഷം മാത്യു വെയ്ഡായിരുന്നു ശരിയെന്ന് ഹെയ്‌ഡൻ കമൻ്ററിയിൽ പറഞ്ഞു. “എന്തുകൊണ്ടാണ് അദ്ദേഹം അസ്വസ്‌ഥനാകുന്നതെന്നു നിങ്ങൾക്കു കാണാം. ഉറപ്പായും അതൊരു വൈഡാണ്."- ഹെയ്‌ഡൻ കമന്ററിക്കിടെ പറഞ്ഞു. ഓവറിലെ മറ്റൊരു പന്ത് നേഥൻ എലിസ് അടിച്ചെങ്കിലും വിക്കറ്റിനു പുറകിൽ നിൽക്കുകയായിരുന്ന അംപയർ വീരേന്ദർ ശർമയുടെ ദേഹത്താണ് പന്ത് ഇടിച്ചത്. പന്തിൻ്റെ വരവു മനസ്സിലാക്കി ഒഴിഞ്ഞു മാറാൻ അംപയർക്കു സാധിച്ചില്ല. അംപയർ പന്തിൽനിന്നു മാറിയിരുന്നെങ്കിൽ അതു ബൗണ്ടറി ആകാനുള്ള സാധ്യതയും മത്സരത്തിനിടെ കമൻ്റേറ്റർമാർ ചർച്ച ചെയ്‌തു. അംപയർക്കെതിരെ രൂക്ഷമായാണ് ഹെയ്‌ഡൻ അപ്പോൾ പ്രതികരിച്ചത്. "ഈ ഓവറിൽ ഇതു രണ്ടാം തവണയാണ് അംപയർ അദ്ദേഹത്തിന്റെ ജോലി ചെയ്തത്."- എന്നായിരുന്നു ഹെയ്‌ഡൻ്റെ പ്രതികരണം. അംപയർമാർ ഇന്ത്യൻ താരങ്ങളെ സഹായിച്ചു എന്ന രീതിയിലും ഹെയ്ഡൻ ആരോപണം ഉന്നയിച്ചു. ത്രില്ലർ പോരാട്ടത്തിൽ ആറു റൺസിനായിരുന്നു ഇന്ത്യയുടെ വിജയം. ആദ്യം ബാറ്റു ചെയ്ത് ഇന്ത്യ 20 ഓവറിൽ എട്ടു വിക്കറ്റ് നഷ്‌ടത്തിൽ 160 റൺസെടുത്തു. മറുപടി ബാറ്റിങ്ങിൽ 20 ഓവറിൽ എട്ടു വിക്കറ്റ് നഷ്‌ടത്തിൽ 154 റൺസെടുക്കാനേ ഓസീസിനു സാധിച്ചുള്ളു. 5 മത്സരങ്ങൾ അടങ്ങിയ പരമ്പര 4-1ന് ഇന്ത്യ ജയിക്കുകയും ചെയ്തു.

Latest Articles

ജോ ബൈഡനെ നീക്കണമെന്ന് കമല ഹാരിസിനോട് അറ്റോർണി ജനറൽ; പൊതു ഇടപഴകലുകളിലും വിദേശ നേതാക്കളുമായുള്ള ആശയവിനിമയത്തിലും ബൈഡന്റെ വിവരമില്ലായ്മ പ്രകടമായ സന്ദർഭങ്ങളുണ്ടായിരുന്നെന്നും തന്റെ അഭ്യർത്ഥനയുടെ നിയമപരമായ അടിസ്ഥാനം അടിവരയിട്ട് മോറിസി ചൂണ്ടിക്കാട്ടിയത്

യുകെ അടക്കമുള്ള രാജ്യങ്ങളിലെ സാംസങ്ങ് ഗാലക്സി ആൻഡ്രോയ്ഡ് ഉപഭോക്താക്കളെ ലക്ഷ്യം വെച്ച് ഓൺലൈൻ ക്രിമിനലുകൾ രംഗത്ത്; 61 രാജ്യങ്ങളിൽ 1800 ബാങ്കിംഗ് ആപ്ലിക്കേഷനുകൾ ഹാക്ക് ചെയ്യാൻ സാധ്യത; യുകെയിലെ 48 ബാങ്കുകളും ലിസ്റ്റിൽ

Instagram

Magnavision TV

Magnavision ltd is an Indian general entertainment channel broadcasting in Malayalam over internet protocol. This channel is to promote unity, encouraging talents from around the world, providing news, entertainment programmes, dances, movies, talk shows and songs.

© Copyright 2023. All Rights Reserved

crossmenu