വാഷിങ്ടൻ എല്ലാ മീഡിയം. ഹെവി ട്രക്കുകൾക്കും 25% തീരുവ ഏർപ്പെടുത്തുമെന്ന് യുഎസ് പ്രസിഡൻ്റ് ഡോണൾഡ് ട്രംപ്. 2025 നവംബർ 1 മുതൽ യുഎസിലേക്ക് ഇറക്കുമതി ചെയ്യുന്ന എല്ലാം മീഡിയം, ഹെവി ട്രക്കുകൾക്കും തീരുവ ചുമത്തുമെന്നാണ് പ്രഖ്യാപനം.

"2025 നവംബർ 1 മുതൽ, മറ്റ് രാജ്യങ്ങളിൽ നിന്ന് യുഎസിലേക്ക് വരുന്ന മീഡിയം, ഹെവി ഡ്യൂട്ടി ട്രക്കുകൾക്കും 25% തീരുവ ഏർപ്പെടുത്തും. ഈ വിഷയത്തിൽ നിങ്ങൾ ശ്രദ്ധ ചെലുത്തുന്നതിനു നന്ദി", ഡോണൾഡ് ട്രംപ് സമൂഹ മാധ്യമത്തിൽ കുറിച്ചു. 2025 ഒക്ടോബർ 1 മുതൽ തീരുവ പ്രാബല്യത്തിൽ വരുമെന്ന് കഴിഞ്ഞ മാസം ട്രംപ് സൂചിപ്പിചിരുന്നു.

2024 ൽ, പ്രധാനമായും കാനഡയിൽ നിന്നും മെക്‌സികോയിൽ നിന്നും, യുഎസിലേക്ക് ഇറക്കുമതി ചെയ്‌തത്‌ 2,45,764 മീഡിയം, ഹെവി ഡ്യൂട്ടി ട്രക്കുകളാണ്.